وسڪارو ..........

[ايس ايم درس]

شمشير الحيدري
وسڪارو ....
جبل مٿي جھڙ، ڙي ڇورا
جبل مٿي جھڙ، ڙي ٻيلي
جبل مٿي جھڙ........
جھڙ ته مان کي جھوري ڙي سڄڻ
وار ته ڇڏيا مون ڇوڙي ڙي ڍولڻ
مندڏسي تون مڙ، او جاني،
جبل مٿي جھڙ........
او ڍولڻ
ڪٿان آيا ڪارا ڪڪر
وٺا ته پانھنجا ڇنا ڇپر
ڇيڪ ته گھمن پانھنجا ڇپر
گاج منجھاران پلٽيا پلر
لکن لاٿو لڙ، او ڍولڻ
جبل مٿي جھڙ........
او ڍولڻ
سنھون ڙي ڇولڙو ڀنو مان جو
ھيڪلي ھنڌ ۾ سيءُ مران جو
تون ڙي ته اجھو اوڇڻ مان جو
ٿوھر ڪيھڙ ٿڙ، ڙي جانب
جبل مٿي جھڙ........
او ڍولڻ
وڄڙيون ور ور ڪن ٿيون ڪيھان
ڇيلڙا تونھنجا ته ڪن ٿا ريھان
اگھي ته آھيان راتيان ڏينھان
ڏکي ته ويٺي مان ڏارو پيھان
ڳرو ته جنڊ جو پڙ، او ڍولڻ
جبل مٿي جھڙ........
او ڍولڻ
ساروڙي سانوڻ ڪيئن اڪاريان
گس تي ويٺي مان گھيٽڙا چاريان
دڳ مٿي تنھنجي باھڙي ٻاريان
وٺيو تون اچج ڳڙ، او ڇورا
جبل مٿي جھڙ........
او ڍولڻ
جھڙ ته مان کي جھوري ڙي سڄڻ
وار ته ڇڏيا مون ڇوڙي ڙي ڍولڻ
مندڏسي تون مڙ، او ڇورا،
جبل مٿي جھڙ........
او ڍولڻ

​

 

[سليمان وساڻ]

ريڊيو تي اهو لوڪ گيت گهڻو مشهور هيو ۽ ننڍي هوندي کان ٻڌندا اچون ۔۔۔

سائين شمشير ڪيڏي نه سهڻي انداز سان سنڌ کي ڳايو آهي ۽ ڪيتري نه سهڻي منظر نگاري آهي هن گيت ۾

 

[منصور علي مڱريو]

لاجواب شيئرنگ۔ ۔۔۔۔۔۔۔۔۔۔۔۔۔ سائين جاري رکندا

 

[سراج بودلو]

واه سائين واه