ڏنا ووٽ ڏاڍا، اسان کي مليو ڇا؟

[مست]

سکيو ۽ ستابو ڪو سنڌي ٿيو ڇا؟
ڏنا ووٽ ڏاڍا، اسان کي مليو ڇا؟

گذاريا اسان سال پنج آسرن تي،
ڀلا خيال ڪنهن کي اسان جو ٿيو ڇا؟

ڌڪن ۽ ٿڏن ۾، اميرن جي آهيون
ڪو دستور سائين، اسان لاءِ مٽيو ڇا؟

بجٽ پاس هر هر ٿي روڊن جي خاطر
مگر روڊ رستو هتي ڪو ٺهيو ڇا؟

بکن ۽ ڏکن تي هريل هاڻي آهيون
اسان لاءِ ڀاڳن جو در ڪو کليو ڇا؟

وٺي ووٽ غائب ٿي ويو ايئن وڏيرو!
گم ٿي وڃڻ جو، ڪو جادو هُيو ڇا؟

ٻڌئي مست هاڻي، ڪيا ڪنهن هي سڏڙا
وري ووٽ خاطر، وڏيرو ڀُليو ڇا؟

 

[عتيق الرحمان]

مست سائين تمام زبردست

 

[TAHIR SINDHI]

لا جواب ادا. كجه نه تهو ملي سكهي

 

[منصور علي مڱريو]

واهه سائين صحيح حالات ۾ شيئرنگ ڪئي اٿوَ۔ ۔ ۔لاجواب ادا ۔ ۔ ۔

 

[سليمان وساڻ]

​

سکيو ۽ ستابو ڪو سنڌي ٿيو ڇا؟​

ڏنا ووٽ ڏاڍا، اسان کي مليو ڇا؟​

​

گذاريا اسان سال پنج آسرن تي،​

ڀلا خيال ڪنهن کي اسان جو ٿيو ڇا؟​

​

مست جو آواز اسان سڀني سنڌين جو آواز ۔۔۔ مست جا سوال ۽ احساس اسان سڀني جي دلين جي نمائندگي ٿا ڪن ۔۔۔​

 

[ايس ايم درس]

زبر دست ونڊ مست سائين۔

 

[MUHAMMAD ASIF BROHI]

سائين بهترين ونڍ

 

[ممتاز قريشي]

شاعري اها ئي دِل ۾ گهر ڪندي آ جيڪا حقيقت جي قريب تر هجي، احساسن کي نمايان ڪري ۽ عام انسان جي اندر جي صحيح ترجماني ڪري۔۔۔
ادا مست۔۔توهان جي شاعري ۾ اهي سڀ خوبيون موجود آهن۔۔۔تمام بهترين لکيو اٿوَ۔۔۔ماشاالله۔۔
اڄ هڪ دفعو ٻيهر دوکي ۽ فريب سان اٻوجهه سنڌين کي جنت جا باغ ڏيکاري يا ڊيڄاري، ڌمڪائي ۽ پيسي جي جهلڪ ڏيکاري ووٽ جي دڪانداري ڪئي پئي وڃي۔۔
هر چمڪندڙ شي سون ناهي هوندي۔۔افسوس اسان جا معصوم ماروئڙا انهن سياسي فنڪارن جي جادوگري ۾ اچي ٻيهر پنهنجن پيرن تي پاڻ ڪهاڙو هڻڻ لا تيار ويٺا آهن۔۔۔

 

[عاشق سولنگي]

ادا مست جي شاعري بلڪل حقيقت جي عڪاسي ئي ڪندي آھي، سندن جي شاعري الاھي عرصي کان بعد پڙھي۔۔۔۔۔۔۔۔۔۔ شاندار مست شاندار​

 

[ڏاڏل شينو]

نا اميد نه ٿيو حقيقت ۾ هي ئي وقت آهي جنهن ۾ اسان ڏسون پيا ته وڏيرو ٽٽي ٿو پيو يقينن هڪ ڌڪ سان ته هي ٿلهو متارو وڻ نه ڪرندو پر جي اسان پنهنجي حق جو استعمال ڪندا رهيا سين ته يقينن هي وڻ ڪري پوندو ۔
وسلام