هونئن ته ڪُجهه مهينن کان پر ڪلهه کان گلي ۾ ننڍڙن ٻارن تائين جي زبان تي اليڪشڻ جا تبصرا آهن. سنڌي ۽ سنڌين جا وؤٽ ڪُجهه گهڻو پيو تبصرو ٿئي. ڪافي تبصرا بيزار ڪندڙ ۽ روائتي آهن تمام ٿورا تبصرا وڻيا. انهن منا هڪ اوهان سان سليندي اهو عرض ته اوهان کي جيڪو تبصرو وڻيو سو هتي جواب ڏيندي ونڊيندا ته مهرباني. مون کي وڻيل تبصرو: ”منهنجي خيال ۾ ماڻهن جي پ پ کان بيزاري ووٽن ۾ ان ڪري تبديل نه ٿي سگهي جو ٻين ڌرين به رڳو ڪاوڙ ۽ بيزاري جو زباني اظهار پي ڪيو باقي افعال ته انهن ۾ به ڪو نه هو“
مونکي ته سمجهه ۾ نٿو اچي ته پي پي هن دفعي ايتري اڪثريت م ڪئين آئي، نواز ليگ جي ورڪنگ مظبوط نه هئي پر پاڳارو گروپ ته تمام گهڻي ورڪ ڪئي ۽ اميد به هئي ته هن دفعي پاڳارو گروپ اڪثريت سان اڀرندي پر خلاف توقع پي پي اڳ کان به وڌيڪ سيٽو حاصل ڪيون۔ مون کي قومپرستن تي افسوس ٿو ٿئي ته ڪو به گهڻا ووٽ نه کڻي سگهيو ٻين پارٽين کان عوام جي بيزاري پي پي جي حق ۾ وئي
هن اليڪشن مان ثابت ٿيو ته اسان جا سنڌي وقت گذرڻ سان گڏوگڏ ڪيڏا نه ڏاها ۽ سُلجهيل ٿي رهيا آهن۔۔!! سنڌ ايندڙ 5 سال اڃا به ساڳين سُورن ۾ رهندي۔ ترقي جو نالو صرف ڪتابن ۾ پڙهبو۔۔۔!! امن جو پکي پري ڪنهن آسمان جي اوچائين ۾ اُڏامندو رهندو۔۔۔۔ اسان جا شهر، ڳوٺ ۽ هر هڪ وسندي جا روڊ، رستا مستقبل ۾ به ساڳئي طرح ٽٽل ڦٽل ئي رهندا۔ اسان جي تعليم جو ڪارو منهن هاڻ وڌيڪ پٽاپٽي ٿي ڪنهن نئي رنگ ۾ ظاهر ٿيندو۔۔ روزگار ۽ خوشحالي جا حسين خواب ڏسندڙ سنڌي قوم کي هي اليڪشن مبارڪ هجي۔۔!!!سلام آ سنڌي قوم تي ۔۔۔۔!!! انهن چونڊيل نمائندن کي به کوڙ ساريون واڌايون جيڪي ايندڙ وقت ۾ پنهنجي سنڌ امڙ جي رهيل سهيل“خدمت“به پوري ڪندا ته جيئن ڪا به ڪسر رهجي نه وڃي۔۔۔!!!
مونکي ڪجهه ڏينهن اڳ هڪ ميسيج آيو جيڪو هن ريت هُيو۔۔ ڇا اسان سنڌي بيوقوف آهيون؟؟ ڪروڙين رپيا اشتهارن تي خرچ ڪري پي پي پي ساڳيا ئي پراڻا گيت وڄائي، شهيدن جو لاشون ۽ تقريرون ڏيکاريون جو هيل وري پي پي پي جا نا اهل وڏيرا چونڊي انهن کي سنڌ کي وڪڙڻ جو سرٽيفڪيٽ ڏيون؟؟۔۔ جاڳ سنڌي جاڳ۔۔۔ پر مان هاڻ اهولقا ڏسي سمجهي ويس ته اسان سنڌي ڏاڍا بيوقوف آهيون۔۔۔اسان وٽ تبديلي جو شعور ئي پيدا نه ٿي سگهيو آهي۔۔اڃا تائين ڀت برادري، وڏيرڪي ڪوڙڪي ۽ پيري مريدي جي ڄار ۾ ڦاٿل آهيون۔۔ ان ڪري هاڻ اهي واويلا بند ڪيو ۽ ايندڙ ڏينهن ۾ سنڌ سان ٿيندڙ تادين لا پاڻ کي تيار رکو۔۔۔ڇو ته هي قوم سڌرڻ واري ڪونهي۔۔۔
جيڪو هيو پر مان اوهان جي ڳالهه سان متفق آهيان ۔۔۔۔۔۔ اسان وٽ بغير تياري جي دهل کڻي ماڻهن کي نچائڻ وارا گهڻا ئي آهن۔ سوشل ميڊيا تي سنڌين کي گاريون، ڏيڻ ۽ ٻيو الائي ڇا ڇا چوڻ وارن کي ٻيهر چئجي ٿو ته ڳالهيون ڪرڻ، ميڊيا تي اچڻ يا احتجاجن ۽ عملي طور ماڻهن ۾ موجود هجڻ ۾ فرق آهي۔
پ پ پ جا تحفا پنج سالن ۾ وري ٻيڻا ڏسبا ڪافي خاندانن پ پ مان فائدا حاصل ڪيا آهن اهي ته تمام خوش آهن پر جنرلي طور مهانگائي بدامني جو گراف جيڪو تازو پنج سالن ۾ رهيو شايد اهڙو اڳ ۾ نه هو وڌيڪ هر ڪنهن جي پنهنجي ذهنيت آهي پر ان سڀ ڳالهين جي باوجود سنڌي ماڻهن جي پ پ سان ايڏي وفاداري ڳالهه سمجهه کان مٿي آهي۔ شايد اسان کي سمجهه نه آهي جيڪا ٻين جي ذهن ۾ آهي۔ شايد پ پ کي ووٽ ڏيڻ وارا ماضي کي وساري مستقبل ۾ خواب سجائي وري پ پ کي آزمائڻ چاهين ٿا۔
خيبر پختونخواه جي سياسي تاريخ۔۔۔ 1993: پي پي پي 1997:: نواز ليگ 2002: ايم ايم اي 2008:: اي اين پي 2013: پي ٽي آئي سبق: جيڪڏهن ڪو ڏئي نه ٿو سگهي ته ان کي لت هڻو۔۔۔ ثابت ٿيو ته پٺاڻ ٻيو موقعو نه ڏيندو آ۔۔۔ اسان کي گهرجي ته چهچٽا پٺاڻن تي نه پر سنڌين تي ٺاهيون۔۔۔
ان جو مطلب اهو ٿيو ته اسان جا ڏات ڌڻي، قومي شعور رکندڙ، وڏا وڏا ڏاها سمجهيا ويندڙ اهي سڀ ٺلها نالي جا ساڃاهه وند ٿا سڏرائن، مطلب انهن وٽ اهڙو ڪو به متبادل فارمولو آهي ئي ڪون جو سنڌي قوم جي ذهنيت کي تبديل ڪري سگهن۔۔يعني اسان صرف ڳالهين جا مور آهيون، هي سڄو سڄو ڏينهن ميڊيا تي سياسي تجزيه نگار ڳالهائي ڳالهائي وات ئي جهڳي ٿي پيو وڃين ته بابا هاڻ سنڌي قوم کي شعور اچي ويو آهي، روايتي سياست کي ٿُڏي ڇڏيندا۔۔پر ڪجهه به نه ٿيو۔۔ سنڌي قوم جي ذهنيت کي تبديل ڪرڻ ۾ اهي سڀ ناڪام ويا۔۔ان جو وڏو سبب اهو آهي ته سنڌي قوم ۾ اڄ به قبيلائي آڪڙ ۽ انا پرستي وارو رواج قائم ۽ دائم آهي۔
ايئن به آهي ته ”سواءِ پي پي پي جي ڪنهن به پارٽي ايستائين جو 10 جماعتي اتحاد به ڪُل ملائي 70 سيٽن کان مٿي لاءِ اُميدوار ن بيهاريا۔ جڏهن عوام کي اها خبر آهي ته هو 10 جماعتين کي وؤٽ ڏينهن به ته هو گورنمنٽ نه ٺاهي سگهندا ته پوءِ عوام ڇا ڪري؟ نه ڪو عوام نه ڪو متبادل اهو ذهن ٺاهي سگهيا آهن ته هو پي پي پي کي پري ڪري سگهندا“
