سنڌي ماڻهن جهڙي طرح هن اليڪشن ۾ حصو ورتو۔ اهو سڀني جي سامهون آهي۔سڄي ملڪ ۾ عوام سياسي شعور جو مظاهروڪيو ۽ قوم پرستي ڏيکاري۔ پنجاب ۾ پنجاب پرستي جو مظاهرو ڪيو ويو، خيبر پختون خواهه ۽ بلوچستان ۾ به قومپرستي جي بنياد تي ووٽ ڏنا ويا۔ پر افسوس صد افسوس اسان جي قوم اڄ به گهري ننڊ ۾ آهي۔۔هن ڀيري به قوم پرستن کي تمام بُري شڪست ملي آهي۔۔۔ گُذريل پنجن سالن ۾ جن ماڻهن ڪا به ڪارڪردگي نه ڏيکاري، سنڌ ڌرتي جي مفادن جو سودو ڪيو، ان جا ٻيٽ وڪيا، پنهنجوپيٽ ڀريو، ڪرپشن جا نوان ريڪارڊ قائم ڪيا۔ انهن ئي ماڻهن کي ووٽ ڏيڻ جي بيوقوفي صرف سنڌي قوم ئي ڪري سگهي ٿي۔۔ هاڻ ڌارين کي ڪهڙو ڏوهه ڏيون۔۔اڄ الطاف حسين جو هي بيان به سڀني سنڌي ماڻهن کي مُبارڪ هجي۔۔۔ّخاص طور تي انهن سنڌي ماڻهن کي جيڪي ايم ڪيو ايم ۾ شامل آهن۔۔!!!
سائين ايم ڪيو ايم وارن پنهنجي روايت کي برقرا رکيو آهي۔ پر حيرت جي ڳالهه اها آهي ته سڀني کي خبر هوندي به انهن جي خلاف ڪير به نه ٿو ڳالهائي بزدل قوم جا بزدل ماڻهون
مون کي ته لڳي ٿو ته اها ڳالهه هاڻي سچ پئي ٿئي ته ”سنڌين ڪراچيءَ تان هٿ کڻي ڇڏيو آهي۔۔۔“ هن وقت ڪهڙي به پوزيشن ۾ ڪراچي سنڌ ۾ نه ٿي ليکي وڃي۔۔۔ خود ڪڏهن ڪڏهن اسان جا سنڌي ئي اهو چيو وڃن۔۔۔
اسان سنڌي ماڻهو پاڻ ۾ ئي ڪو نه ٺهون ته ٻين سان ڪيئن مُقابلو ڪري سگهنداسين۔۔۔اسان کي ذاتين، قبيلن ۽ علائقن جي بنياد تي ورهايو ويو آهي۔۔ تعجب جي ڳالهه اها آهي ته پاڪستان کي ٺهندي اڌ صدي گذري وئي آهي پر اسان جا شهر زندگي گُذارڻ جي بنيادي ضرورتن کان اڄ به محروم آهن۔ شهرن ۾ صاف پاڻي مهيا ناهي، صحت جون سهولتون ميسر ناهن، تعليم جو نظام ڄاڻي واڻي ستياناس ڪيو ويوآهي۔ روزگار جا موقعا نه هئڻ برابر آهن۔ ترقي ٿيي ته ڪيئن ٿيي۔۔؟ انهن سڀني مصيبتن جا ذميوار اسان پاڻ آهيون۔۔۔ڌارين جو ڪهڙو ڏوهه۔۔ اڄ اسان ذهني توڙي جسماني طور تي غلام بنجي ويا آهيون۔ اسان کي آزادي جي ئي خبر ناهي۔۔۔وٺڻ جي ڳالهه ته بعد ۾ ٿي اچي۔۔۔!! اسان ڪڏهن اهو نه سوچيو آ، ته جن نمائندن کي اسان چونڊيون ٿا اهي اسان جا مسئلا ڄاڻين به ٿا يا نه۔۔۔اسان جا گهڻا سنڌي ته پنهنجن حقن کان ئي اڻڄاڻ آهن۔۔۔۔اگر اسان جا اهي نمائنده سنڌ جي مسئلن کي حل ڪرائڻ ۾ سنجيده نه هجن ته پو ڇا ڪرڻ گهرجي۔۔؟ ڏک سان چوڻو ٿو پوي ته اڄ سنڌ تمام گهڻي پستي تي پهچي چڪي آهي۔۔عام ماڻهو ذاتي مفادن کي قومي مفادن کان وڌيڪ اهميت ڏيڻ لڳا آهن۔۔۔ڪنهن ۾ اها جُرات ناهي ته قومي ۽ صوبائي اسيمبلي جي نمائندن کان اهو پُڇي سگهي ته انهن گذريل پنجن سالن ۾ پنهنجن پنهنجن علائقن ۾ ڪيترا ترقياتي ڪم ڪرايا۔۔۔ڪهڙا روڊ، رستا ٺهرايا، صحت، تعليم ڏانهن ڪيتروڌيان ڏنو۔۔؟ جيستائين اسان پنهنجي ذهني ليول کي نه وڌائينداسين تيستائين اهي ئي خانداني سياسي واپاري پنهنجي فن جو مُظاهرو ڪندا رهندا۔۔!! اچو ته پنهنجو پاڻ کان پُڇون ته سنڌ ۾ گذريل پنجن سالن ۾ ڪيتري ۽ ڪهڙي تبديلي آئي۔۔۔؟ عام ماڻهو جي رهڻي ڪهڻي ۾ ڪهڙو فرق پيو۔۔؟
