ونڊوز 7 تائين نه پهچندڙ دوستن کي اطلاع ته ونڊوز 9 جي آمد پري ناهي...

[رشيد سمون]

علي علي سميت منهنجا ڪافي دوست ٽيڪنالاجي جي روز روز تبديلين کان عاجز لڳندا آهن۔۔ پر ڇا ڪجي جو مقابلو جو جاري آهي۔۔ ان ڪري اهڙن دوستن کي سمجهڻو پوندو ته هاڻي ڪمي واري چال هلڻ جو وقت ناهي ۔۔ دنيا جي ترقي سان گڏ هلو نه ته دنيا توهان کان ڪافي اڳتي نڪري ويندي۔۔۔
اڃان ونڊوز7 کي ئي درست طريقي سان سمجهي نه سگهيو ويو آهي ته مائڪروسافٽ طرفان ونڊوز 9 کي ايندڙ سال پيش ڪرڻ جو اعلان ڪيو پيو وڃي۔۔ رڳو ايترو ئي نه پر ونڊوز9 جو پري ويو ورجن ته مٿئين مهيني ۾ پيش ڪرڻ جو اعلان پڻ ٿي چڪو آهي۔۔۔
ونڊوز 9 جنهن کي ونڊوز 1۔8 يا ونڊوز بليو پڻ سڏيو پيو وڃي۔۔ پنهنجي پراڻي ورجن ونڊوز 8 ۾ ڪافي اضافن ۽ تبديلين تي مشتمل آهي۔۔ جهڙوڪ: نئين اسٽارٽ اسڪرين، وڌيڪ ٿيم ۽ ڪسٽمائيزيشن، انٽرنيٽ ايڪسپلورر 11، نئين پينٽ ايپليڪيشن ۽ ٻيون گهڻيون پرفارمنسز۔۔۔

مائڪروسافٽ جي نمائندي ٽام ريلر ڪجهه ڏينهن اڳ ان ڳالهه جو اعلان ڪيو هو ته هن نئين اپڊيٽ ورشنس ۾ ڪسٽمرز جي صلاحن کي سامهون رکيو ويو آهي۔۔ جيڪڏهن ائين ئي آهي ته تمام گهڻي تعداد ۾ ڪسٽمرز اها ڊمانڊ ڪئي هئي ته اسٽارٽ مينون جا بٽڻ واپس آندا وڃن۔۔۔۔
خير دوستن جي دلچسپي خاطر هتي هڪ وڊيو پيش ڪجي ٿي جنهن ۾ ونڊوز 8 ۽ ايندڙ ونڊوز 9 وچ ۾ پيش ايندڙ فرق کي پيش ڪيو ويو آهي۔۔ وڌيڪ لاءِ وڊيو ڏسو..

​

ونڊوز 9 جو پبلڪ پري ويو ايندڙ مهيني جون ۾ بلڊ ڪانفرنس جي موقعي تي پيش ڪيو ويندو۔۔ جڏهن ته مڪمل ورجن شايد هن سال جي آخر يا نئين سال جي منڍ ۾ پيش ڪيو وڃي۔۔۔

 

[عبدالحفيظ لغاري]

ادا تبديلي هڪ دائمي عمل آهي۔ انهي تي جلد هڪ ليک اوهان سان شيئر ڪبو۔
علي علي کي به سمجهڻ کپي ته جدت ئي جهان جي خوبصورتي آهي۔ ايئن نه ٿئي جو انهي روش سان ڪٿي جيئري ئي مُدي خارج ٿي وڃون۔
باقي ڳالهه اها آهي ته ٻه ريم نه وٺي سگهڻ تي سمجهوتو ڪندي اڃان ونڊوز ست ئي نه ڪري سگهيو آهيان۔

 

[علي ظفر]

وڃ ڀڻا يار مطلب ته اسان جهونا في الحال ڪا شي نه وٺون جيسيتائين اهي پهنجا نوان نوان ورجن آزمائي بيهن ان جو مطلب اهو ٿيندو ته پاڻ کي جامد ڪرڻ جي برابر آهي سو لڳي ٿو ان ڊوڙ ۾ شامل ٿيڻو ئي پوندو خير ڀلي آڻين پر سان کي جيڪا شي سولي لڳندي اسان استعمال ڪندا سي اصل ڳالهه اها آهي ته مان نواڻ کان ناهيان لهرائيندو پر ڏک ان ڳالهه جو ٿيندو آهي ته مس اسان هڪ شي يا هڪ نظام کي سمجهندا آهيون ته هڪ نئين شي چيلينج بڻجي ڪري اسان جي سامهون اڀرندي آهي وري ان کي سکڻ ۾ لڳي ويندا آهيون ته نئين ۔۔۔۔۔خير ان مان لڳي ٿو ته هي زندي ئي ڀاڳ دوڙ جي زندگي آهي جيڪو هڪ شي تي بيٺو اهو پوئتي رهجي ويندو ان ڪري ڀڄڻندو رهڻو پوندو اسان کي سو ڊوڙ علي تون به ڊوڙ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[عبدالحفيظ لغاري]

علي علي خير ايئن به ناهي۔ ڊوڙ ۽ نئين جي تلاش ۾ ڪڏهن پوئتي اوهان به ناهيو پر بس ڪٿي ڪٿي ليٽ ٿيو وڃو

 

[سليمان وساڻ]

هل سائين ۔۔۔۔ پر يار ان لاء اسان کي نئين سسٽم جي ضرورت پوندي ۽ اسان اهي ئي استعمال ڪيل (يوزڊ) سي پي يو پيا استعمال ڪيون۔ پوء ٻڌايو ته اسان ونڊوز 8 يا 9 ڪيئن استعمال ڪري سگهنداسين؟

 

[رشيد سمون]

جنهن سسٽم تي ونڊوز 7 انسٽال ڪري سگهجي ٿي ان ئي سسٽم تي ونڊوز 8 ۽ 9 به ٿي ويندي۔۔۔

 

[سجاد علي چنا]

يار هڪ ڳالهه سمجه ڪونه ٿي اچي۔ سڀني سافٽويئر ڪمپنين اڀرندڙ embossed گرافڪس کي ترڪ ڪري سادي گرافڪس کي ئي ترجيح ڏني آهي۔ اوهان گوگل ڪروم جي لوگو ۽ ونڊو 8 يا 9 جو مثال ئي وٺو۔۔۔ ڪا خبر آهي رشيد سائين؟

 

[رشيد سمون]

مائڪروسافٽ جي مشهور آپريٽنگ سسٽم ونڊوز جو هي نئون ورشن هاڻي ڪمپني جي ويب سائيٽ تي پري آرڊر لاءِ موجود آهي۔۔۔
ونڊوز 8.1 کي هن مهيني يعني آڪٽوبر 2013 جي 18 تاريخ تي لانچ ڪيو پيو وڃي۔۔ هن نئين ورشن جي تعارفي قيمت 120 آمريڪي ڊالر مقرر ڪئي وئي آهي جڏهن ته پروفيشنل ورشن جي قيمت 200 ڊالر آهي۔۔۔
مائڪرو سافٽ طرفان آگسٽ جي آخر ۾ اعلان ڪيو ويو هو ته ونڊوز جو نئون ورشن 1۔8 تياري جي آخري مرحلي تي پهچي چڪو آهي ۽ هاڻي ان جو ڪوڊ مائڪروسافٽ جي هارڊويئر پارٽنرز ڏانهن موڪليو ويو آهي ته جيئن نون ڪمپيوٽرس، ليپٽاپس ۽ ٽيبليٽس تي انهن کي انسٽال ڪري سگهن۔۔۔
ونڊوز جي هن نئين ورشن جو انٽر فيس موجوده ونڊزو 8 کان ڪجهه مختلف ناهي ان باوجود هن ۾ ڪافي نوان فيچرس ۽ ايپليڪيشنز شامل ڪيو ويون آهن ۔۔ ان علاوه ونڊوز8 ۾ نشانده خامين کي پڻ ختم ڪيو ويو آهي۔۔۔ ونڊوز استعمال ڪندڙن جي پرزور فرمائش تي ونڊوز 1۔8 ۾ روايتي اسٽارٽ بٽڻ کي واپس شامل ڪيو ويو آهي۔۔ ان کان علاوه هن انٽرنيٽ ايڪسپلورر 11، بنگ سرچ ۽ اسڪائي ڊرائيور ڪلائوڊ ڪنيڪٽوٽي جا نوان فيچرز پڻ شامل ڪيا ويا آهن۔۔۔
جيڪڏهن توهان هن وقت لائيسنس ونڊوز 8 استعمال ڪري رهيا آهيو ته توهان کي هي نئون ورشن خريد ڪرڻ جي ضرورت ناهي۔۔۔ 17 آڪٽوبرتي موجوده ونڊوز8 استعمال ڪندڙن کي هي اپڊيٽ مفت فراهم ڪيو ويندو۔۔۔
ها البته ونڊوز7، ايڪس پي يا ٻين پراڻن ورشنس جي لائيسنس يافتا استعمال ڪندڙن کي به هي نئون ورشن خريد ڪرڻو پوندو۔۔۔
ونڊوز جو هي نئون ورشن پري آرڊر ڪرڻ لاءِ هن لنڪ تي اچو۔۔۔

 

[سليمان وساڻ]

هل سائين ۔۔۔۔۔ ادا اسان ته اڃان وندوز ايڪس پي ۾ ڦاٿل آهيون۔۔۔۔

هاء ڙي ڀاڳ ۔۔۔۔۔ پي 4 هوندو ته اڳتي ڪيئن وڌبو۔

 

[عبدالحفيظ لغاري]

يار هڪ ڳالهه چئبي. نه رُڳو نئين ونڊوز پر رجسٽرڊ ونڊوز جي اهميت ئي پنهنجي آهي. چوندا ته اسان جي پاسي به آهن ته نئين لئپٽاپ سان نئين رجسٽرڊ ونڊوز ڏينداسون پر لڳي ٿو مڙئي نالو آهي.
هتي تُرڪي اچي لئپٽاپ به اسان جي ڀيٽ ۾ مهنگو مليو ۽ ونڊوز به وڌايل پئسن سان ملي. جنهن سان لڳو ته لئپٽاپ جي قيمت پاڻ کان هتي ٽيهه فيصد وڌيڪ بيٺي. پر جيڪو فائدو ٿيو سو اهو ته گُذريل 11 مهينا بنا اينٽي وائرس جي بهترين هلي رهيو آهي. نه بئٽري ٽائمنگ تي ڪو وڏو فرق پيو آهي نه وري ونڊوز کي ئي ڪُجهه ٿيو آهي.
ساڳي شئي اسان وٽ سستي ملي وڃي ها ۽ ونڊوز جي سي ڊي به ٽيهه رُپئي ۾ هُجي ها جيڪا هيستائين چار پنج دفعا ڪو سؤ يا ڏيڍ سؤ مس کائي ها پر جيڪو ٽائم ضايع ٿئي ها ۽ ڪاوڙ اچي ها ان جي بدلي اها اضافي رقم سجائي چئبي.

 

[bewas ali hassan]

ادا سائين اسان کي ونڊو 8 آسان لگي ٿي 9 کي اچڻ ڏيو صحيح لگي ٺيڪ نه ته 8 جو مزو پيا وٺندا سين

 

[bewas ali hassan]

هل سائين ۔۔۔۔۔ ادا اسان ته اڃان وندوز ايڪس پي ۾ ڦاٿل آهيون۔۔۔۔

هاء ڙي ڀاڳ ۔۔۔۔۔ پي 4 هوندو ته اڳتي ڪيئن وڌبو۔

ادا سائين نون ڏچن ۾ نه ٿو پوڻ چاهي ها ابا هلندي کي هلايو اسان سان سنڌ سلامت تي ساٿ ڏيو پوءِ اوهان جي مرضي پر نئين ٽڪنالاجي مان فائيدو وٺو ته بهتر آ پيارا