بنا ڌوئڻ جي به وار سنواري سگهجن ٿا 2638 اٽيچمينٽ ڏسو 2638 اٽيچمينٽ ڏسو اڄ ڪلهه جي تيز ترين زندگي سان قدم سان قدم ملائي گڏ هلڻ لاءِ هر عورت کي ڪيترين ئي چئلينجن کي منهن ڏيڻو پوي ٿو.پر جڏهن مشڪلاتون اينديون آهن ته انهن جو ڪو نه ڪوحل به نڪري ايندو آهي. تنهن ڪري پريشان ٿيڻ جي ضرورت ناهي. جيڪڏهن اوهان ڪنهن آفيس يا اسڪول ۾ ڪم ڪريو ٿيون ۽ اوهان کي اتي جلدي پهچڻ ڪري روزانو وهنجڻ جي فرصت نه ٿي ملي تي ان جو بهترين حل هي آهي ته اڄ ڪلهه ڊراءِ شيمپو مارڪيٽ ۾ آهي جيڪو آهي ته پائوڊر جهڙو پر ڪم روايتي شيمپو وارو ڏيکاري ٿو. ان ڊراءِ شيمپو کي وارن ۾ استعمال ڪري سگهجي ٿو. خاص ڪري ان صورت ۾ جڏهن اوهان جي گهر ۾ پاڻي جي کوٽ هجي يا وهنجڻ جو ٽائيم نه هجي. يا اهي ٻئي سهولتون هجڻ باوجود اوهان جي لڱن ۾ سستي هجڻ ۽ اوهان جي دل وهنجڻ تي نه چوي تڏهن اوهان ڊراءِ شيمپو استعمال ڪري سگهو ٿيون.
