چوڻ ته منهنجو حق آهي

چوڻ ته اسان جو حق آهي​

طالبان جي ڪري پاڪستان ۾ عالمي ڪرڪيٽ بند ٿي ويئي ، طالبان جي ڪري ڀارت هميشه پاڪستان کان ڪاوڙيل رهي ٿو ، امريڪا جو مسئلو به ساڳي آهي ، هر ملڪ چوي ٿو ته جيستائين هڪ به طالبان زنده آهي تيستائين پاڪستان سان دوستي ، واپار اور ڪرڪيٽ وغيره يا ٻي ڪا به خوشحالي لئه پيشقدمي ٿيڻ مشڪل آهي ، ​

ٻي طرف پاڪ چوي ٿي ته اسان دنيا جي ڪنهن به ائيٽمي ملڪن کي آساني سان منهن ڏيئي سگهون ٿا ، پر پوءِ به وانا ، وزيرستان هر ملڪي يا غير ملڪي لئه نوگوايريا آهي ، آخر چڪر ڇاهي ،​

نوازشريف پڪو طالبان آهي ، ائين سمجهو طالبان جو بازو آهي ، ان جي ڪاميابي تي ڀارت ڏاڍو خوش ٿيو آهي ، آمريڪا به خوش نظر اچي ٿو ، طالبان به خوش آهن ، آخر !!! اصل مسئلو آهي ڇا ؟؟؟ ​

مونکي ته ڪا ڳالهه سمجهه ۾ نٿي اچي ،​

چيف جسٽس صاحب کي پاڪستان ۾ هڪڙو مجرم پرويز مشرف ئي نظر اچي ٿو ، جيڪو نا اهل به ٿي ويو ، باقي سڀ اهل آهن ، هڪڙا صبح جو نا اهل ٿيا ، شام جو اهل ٿي ويا ، ۽ ڏسو معجزو اليڪشن ڪمشنر جو ، وفاق ۽ پنجاب مسٽر نواز شريف جي حوالي ڪري ڇڏيائين ، پي پي پي کي سنڌ گفٽ ڪري ڏنائون ، ايم ڪيو ايم کي ڪراچي ۽ حيدرآباد جي حڪمراني ڏني ويئي ، خيبر پختون خواه وري عمران خان جي کي ڏئي ، اُن جو به وات بند ڪرڻ جي ڪوشش ڪئي ، ​

ڇا تبديلي ايئن ايندي آ ، ڇا ايمانداري ايئن ٿيندي آ ، ڇا انصاف ائين هوندو آ ،​

سڀ چون ٿا جهموريت لئه نتيجا قبول ڪريو ، 5 سال اڳ ۾ لوڙيا آهن ، وري هي 5 سال ٻيا لوڙيون ، وري انهن کي ڪو نه ڪو فخرالدين جي ابراهيم ملي ويندو ، وري نتيجا ساڳي ، وري 5 سال جهموريت لئه ڏيئڻا پوندا ، ​

آخر ڪيستائين ، هي نِسورو ظلم ڪيستائين ، رهندا سڀ چپ ڪيستائين ؟؟؟؟؟؟؟؟؟؟​

​

چوڻ ته اسان جو حق آهي ​

سو چئي ڏنو ​

خدا سڀني کي سمجه ڏئي​

​

تحرير .. محمد جان زريناڻي​

20.5.2013​

 

ڳالهيون ته بروبر سچ آهن اوهان جون۔۔پر اهو چڪر ڇا آهي پاڻ کي به اڄ تائين سمجهه ۾ ڪون آيو آهي۔

 

چوڻ ته اسان جو حق آهي​

پئيسن اڄ جا انسان وڪامجن ٿا ، پئيسن اڄ جا سياستدان وڪامجن ٿا ، ماڻهن جا ايمان وڪامجن ٿا ، صحافين جا قلمدان وڪامجن ٿا ، ​

اڄ جي دور ۾ ميڊيا جو وڏو قردار آهي ، ميڊيا حق ۽ سچ جو قلم کي صحيع استعمال ڪري ته سچائي جي علم کي آسمان تائين پهچائي سگهي ٿي ، اُن جي اُبتڙ لالچ ۾ اچي وڃي ته ايمان وارن جا ڪنڌ جهڪائي ڇڏي ٿي ، گهوٽڪي جا صحافي به گهٽ ناهن ، درٻاري شاعري ۽ درٻاري بورچي ته اوهان ٻُڌا هوندا ، هاڻي حاضر آهن درٻاري صحافي ، هر خبر هلائڻ لئه الڳ الڳ رقم ، جيتري سُٺي رقم ، اوتري سٺي سُرخي ! ، ڪجهه وقت اڳ هڪ خبر روزاني ڪوشش ، روزاني سوڀ ۽ ڪجه ٻين اخبارن ۾ ڇپي هُئي ، اُها بي مُک سُرخي وڏي ڌماڪي سان تحرير ڪئي وئي ، ته پير پاڳاري گهوٽڪي ۾ پيپلز پارٽي جي اميدوارن جي حمائيت ڪري ڇڏي آهي ، اِها خبر اُٿڻ سان هتان جي سٻاجهڙي سادي عوام سچ سمجهڻ لڳي ، ڪجهه ڏينهن کان پوءَ پير سيد صدرالدين شاه صاحب پاڻ ڳوٺ صاحب خان لُنڊ ۾ اچي ان خبر جي سخت ترديد ڪئي ، ۽ چيائين جي اسان کي ڪنهن پيپلز پارٽي جي اميدوار جي حمائيت ڪرڻي هجي ها ته اسان سنڌ جو علم کڻي حيدرآباد ۾ هيڏي ساري خلق خدا گڏ ڇو ڪيون ها ، ؟ ​

هاڻي اسان انهن سان گڏ آهيون جيڪي فنڪشنل ليگ ۾ آهن يا انهن جا اتحادي آهن ، ۽ هن جلسي ۾ گهٽ ۾ گهٽ 15000 کان وٺي 20000 هزارن تائين ماڻهون موجود هئا ، پر اخبارن اِها خبر تمام ننڍي سُرخي ۾ سا به آخري صفحن ۾ صرف نالي ماتر شايه ڪئي ، هاڻي سنگت پاڻ فيصلو ڪري ته ڪوڙي خبر کي ڪيڏي عزت ۽ مرتبي سان تحرير ڪيو ويو ، ان جي ڀيٽ ۾ هڪ سچي خبر ، تحرير ڪرڻ ۾ گهوٽڪي جي صحافين ۽ پرنٽ ميڊيا تڪليف ڇو پئي آئي ​

اسان صحافي ڀاءُ پئيسن تي اشتهار هلائن ، اهو انهن جو ڪاروبار آ مگر هي عوام پنج يا ڏه رپيا اخبار وٺن ٿا ، يا سڄو ڏينهن اوهان جي چئينلن تي ديد وجهون ويٺا هجن ته ڪا نئي تازي خبر ٻڌي وٺون ، ۽ شام تائين ويچارا مايوس ٿي سمهي رهن ، ۽ اهو چوندا رهن ته جڏهن قلم به وڪرو ٿي وئيي آهي ته هاڻي اسان مستقبل مان ڪهڙي اميد رکون ، ! ؟ اگر ڪنهن کي ڪنهن تي ڪاوڙ هجي ته هلندڙ اشتهارن ۾ ڪڍي وٺن ، باقي خبر جو ته خانو خراب نه ڪن ، منهنجي خيال ۾ ڪوڙيون خبرون شايه ڪندڙ قانون جا مجرم هوندا آهن ، ڇو ته ڪنهن به ڪوڙي خبر تي خون به ٿي سگهن ٿا ! ​

اهڙن صحافين لئه عدالتن کي پاڻ مُرادو نوٽس وٺڻ گهُرجي ، جيڪي غير تصديق شده خبرون هلائن ٿا ، گهوٽڪي ۾ 11 مئي تي هيڏي ساري دانڌلي ٿي ، مگر صحافي حضرات بلڪل خاموش رهيا ، اهو ڪم ڪيل به سندن هجي ، چوندا آهن جيڪو حق جو قلم وڪڻي سگهي سگهي ٿو ، اهو ماڻهون پنهنجي عزت توڻين غيرت وڪڻڻ لئه هوڪا ڏيندو رهي ٿو ته آهي ڪو سُٺي رقم ڏيڻ وارو “​

گهڻو تڻو ڪم ته قلم وڪڻدڙ ڪري ويندا آهن پوءَ وري اليڪشن کان پوءِ خراب رزلٽ جو ضميدار اسان اٻوجهه سنڌين کي سمجهو ويندو آهي ، اهيو چيو ويندو آهي هي قوم وڏيرن ۽ ڀوتارن ۾ ڦاٿل آهي ۽ هي قوم ڪڏهن نه سُڌرندي ، افسوس صد افسوس ​

هاڻي قوم به اسان کي پڇي ٿي ته هڪ پٽيوالي کان وٺي ڪمشنر تائين ، هڪ سپاهي کان وٺي ايس ايس پي تائين . هڪ ننڍڙي اخباري يا ٽي وي جي نمائندي کان وٺي ميڊيا جي مالڪن تائين ، ته اوهان غيرت ڪيتري ۾ ڏيندا آهيو ، اوهان جي عزت جو ملهه ڇا آهي ، هاڻي انصاف گهڻي ۾ ملندو ؟؟ ​

ٿي سگهي ته جواب ضرور ڏجو ​

لکڻ لئه گهڻو ڪجهه آهي انشاءَالله لکندا رهنداسين ​

باقي اسان جي ٻولي ڪو سمجهي نه سمجهي !!!​

چوڻ ته اسان جو حق هو ، سو چئي ڏنو​

​

تحرير محمد جان زريناڻي​

تاريخ 20.5.2013​

​