عبدالغني لوهار جي مان ۾ منظور ڪلهوڙو پاران ڏنل سانجهاندو ۽ گڏجاڻي

[عبدالحفيظ لغاري]

​

سنڌ سلامت جي ميمبر عبدالغني لوهار کي پهريون دفعو فوٽو ۾ علي علي سان درياءِ فرات جي مڇي کائيندي ڏِٺو۔ درياءِ فرات جي مڇي جنهن جي ڏيهان ڏيهه مشهوري آهي ۽ مستنصر حسين تارڙ پاران ان جي شان ۾ لکيل ڳالهين کان پوءِ ته درياءِ فرات جي مڇي ويتر وڌيڪ ڪشش واري ٿي پئي۔ بهرحال وري عبدالغني تي نظر نه پئي مهينو کن اڳ سليمان وساڻ چيو ته اچ اوطاق تي عبدالغني جن قطر کان هتي آيل آهن۔ اها پهرين مُلاقات هئي۔ فوٽو ماڻهن جي عُمر لڪائيندا به آهن ته وڌائيندا به آهن۔ جيڪڏهن اوهان عبدالغني کي رڳو فوٽو ۾ ڏٺو آهي ته پڪ سمجهو ته اوهان سندن عمر کي 10 کان 15 سال وڌائي ويٺا آهيو۔ الائي ڇو فوٽو ۾ سائين جي عمر ڪجهه وڌيل لڳي ٿي۔​

بهرحال اها هڪ مُختصر ملاقات هئي۔ سائين کي ڪُجهه ضروري ڪم هئا ۽ پوءِ عُمري جي سعادت لاءِ سعودي وڃڻو هو۔ ۽ جلد ئي اسان کين سائين نثارابڙو سان گڏ ڏٺو ۽ اسان ته صرف گڏ ويٺل ڏٺو پر تصوير جو ڪئپشن ٻُڌائي پيو ته پاڻ ۾ ڪُجهه ڪيو به اٿن۔ والله علم۔​

ٻي ملاقات 17 مئي تي ٿي جڏهن عبدالغني لوهار جي مان ۾ سنڌ سلامت جي متحرڪ ۽ سُهڻي رُڪن منظور ڪلهوڙو پاران سانجهاندو ڏنو ويو۔ اهو سانجهاندو ڏيڻ ۾ منظور صاحب نه رڳو کارائي پياري تڪلف ڪيو پر هڪ ٻيو وڏو تڪلف به ڪيو جيڪو آخر ۾ ٻُڌايان ٿو۔​

هميشه جيان ماني کان اڳ ۾ سليمان وساڻ جي اوطاق تي سڀ گڏ ٿياسين۔ جنهن ۾ عبدالغني لوهار سندس تازو پرڻيل ڀاءُ، منظور ڪلهوڙو سندس هڪ دوست، سليمان وساڻ، مرتضى وساڻ ۽ هي ناچيز راقم التحرير هئاسين۔ گرمي ۽ سخت حبس کي ڏسندي ڪنهن ٿڌي ڄڳهه تي هلڻ جو تعين ٿيو۔ جنهن لاء سليمان وساڻ جي صلاح تي لاثانيه ريسٽورينٽ (گلستانِ جوهر) جي چونڊ ٿي۔ رستي تي مرتضى گرمي جي شدت ڏسندي موسميات چوڪ تي ئي چيو ته ڇڏيو گرم کاڌن کي ته ڪٿي پئون نه مُشڪل ۾۔ هنداڻا ۽ تربوز وٺو ته هلي کائي ٿڌا ٿيون۔ پر سنگت انهي مذاق تي رڳو کلي جواب ڏنو۔ لاثانيه تي پُهچي سليمان وساڻ کي ياد آيو ته عرس پريو ته هتان ويجهو ئي آهي۔ ڇو نه کيس گهُرائي وٺجي۔ پر عرس تيستائين ماني کائي چُڪو هو ۽ واڪ ڪري رهيو هو۔ پر پوءِ به سنگت جي سڏ تي اچي پُهتو۔ ماني ۾ روايتي پر ڪافي ڳرين ڊشز جي چونڊ ٿي ۽ ظاهر آهي ڪير گهٽ ڇو ڪري۔ ايستائين جو عرس به آخر م هٿ ڪڍيا جيڪو ماني کائي آيو هو۔ سليمان ته کيس ايڏو انهي ڳالهه تي چيو جو ويچارو لڄي پيو ٿئي ته ڇو آيس؟ ۽ جي آيس ته ماني سان ايڏي ڇو ڪيم؟​

انهي وچ ۾ ڪنهن مهل سنڌ سلامت بابت ته ڪنهن مهل انهي جي مهندار ذيشان رشيد بابت ڳالهه ٻولهه هلندي رهي پر الائي ڇو رشيد صاحب تائين اهي ڳالهيون سندس تعريف واکاڻ کان ڦري وڃي گلا ٿيڻ تائين پُهتيون ۽ پوءِ ذاتي ميسيج ۾ پئي مهڻا مليا ۽ جواب ڏناسين۔​

انهي رات اهو ڊسڪس ٿيو ته سنڌ سلامت هڪ اهڙو فورم آهي جيڪو آڻڻ وقت سنڌي ٻولي کي انٽرنيٽ تي آڻڻ انهي جي روز ايندڙ نون سافٽويئر سان مطابقت (Compatibility) آڻڻ هو۔ جيڪو بخوبي ٿي چُڪو۔ هاڻي ٿيڻ اهو کپي ته هر رُڪن پنهنجي مهارت ۽ شعبي مطابق معلوماتي ليک آڻي۔ مثال طور ڪو ڊاڪٽر آهي بيمارين جي باري ۾، ڪو وڪيل آهي ته قانوني ليک، ڪو سائنس سان لاڳاپيل آهي ته سائنس سان تعلق رکندڙ موضوع آڻي۔ انهي تي سڀني اتفاق ڪيو۔ ۽ ٻيو ته ڪو به ليک موڪلي انهي جي اتساهه لاءِ جواب جو انتظار يا تقاضا ضروري نه سمجهي وڃي۔ ڇو ته ضروري ناهي ته جواب نه اچي ته اوهان جو ليک پسند نه ڪيو ويو آهي۔ ٿي سگهي ليک پسند آيو هُجي پر وقت جي ڪمي يا مناسب تاثرات نه هُجڻ ڪري جواب نه ڏنو هُجي۔​

رهي ڳالهه منظور ڪلهوڙو جي ٻي تڪلف جي، انهي ڏينهن ئي سائين کي الله تعالى نياڻي ضوفشان منظور عطا ڪئي۔ منظور صاحب جو اهو تڪلف ئي چئبو جو ضوفشان ۽ سندس والده اڃان دارالصحت آفيس ۾ هئا ته هن انهي رات اهو پروگرام رٿيو ۽ رکيو۔ شل خوش هُجي۔​

بهرحال عبدالغني لوهار سان اها ملاقات يادگار رهي۔​

​

 

[منظور ڪلهوڙو]

لک قُرب اها ڳالهه واقعي درست آهي ته سائين عبدالغني لوهار صاحب تصوير ۾ نظر اچڻ ۽ آمهون سامهون ڏسڻ ۾ وڏو فرق آهي، پهريان ته مان پئي سمجهيس سائين جن وڏي عمر جا جهونا مڙس آهن، وري جڏهن ملاقات ٿي ۽ لب و لهجي مان بخوبي سمجهي ويس ته يار سائين جي عمر ته اسان جي عمر کان ٿورو ئي وڏي هوندي۔۔ان ڪري دوستاڻي ماحول جيان کل ڀوڳ ڪرڻ لڳا سين۔۔باقي يار عرس پريو سان ٿي وڏي ويڌن ان تي مون به هڪ ٽوٽڪو پيش ڪيو مون پو محسوس ڪيو ته ڪٿي سائين عرس صاحب ناراض نه ٿي وڃن پر پو سوچيم ته يار جيڪڏهن ناراض ئي ٿيڻو هجيس ها ته ماني سان ايڏي وڏي ويڌن نه ڪري ها۔۔۔ههههههههههها۔۔۔خير ان ملاقات جون وڌيڪ تصويرون پيش ڪجن ٿيون۔۔

2661 اٽيچمينٽ ڏسو2662 اٽيچمينٽ ڏسو2661 اٽيچمينٽ ڏسو2662 اٽيچمينٽ ڏسو2663 اٽيچمينٽ ڏسو2664 اٽيچمينٽ ڏسو2665 اٽيچمينٽ ڏسو2666 اٽيچمينٽ ڏسو2666 اٽيچمينٽ ڏسو​

 

[سليمان وساڻ]

خوبصورت رات هئي، جڏهن ٽهڪن سان گڏ لذيذ طعام به هيا ته دوستن جا حجتي جملا به هيا ۔۔۔۔ خوشي جي انتها نه هئي، ڇو ته هڪ ته اسان سان گڏ عبدالغني لوهار جن هيا ته ٻئي طرف منظور ڪلهوڙو ۽ عرس جهڙا دوست ۔۔۔۔۔ باقي مرتضى ۽ حفيظ ته روز ملندا آهن۔

سنڌ سلامت جا دوست جڏهن به گڏبا آهن ته بحث ۽ ڳالهين جو محور هميشه سنڌ سلامت ئي رهندي آهي۔ سنڌ سلامت ئي آهي جنهن ذريعي اسان سڀ پاڻ ۾ مليا آهيون۔ عرس کي ته گهڻو ٽوڪيم پر ته به نه مڙيو ۽ وڃي اسپتال ڀيڙو ٿيو ۔۔۔۔ رشيد جي ڪمي محسوس ٿي پر سڀ ڊشز اهڙا هيا جن جي تعارف جي ضرورت نه پئي۔۔۔۔ هاهاها

دعا آهي ته دوست جتي به هجن خوش هجن ۔۔۔۔ هي محفلون ۽ محبتي ميڙا ٿيندا رهن۔۔۔۔۔۔ مهرباني ادا منظور ڪلهوڙو جي ۽ سندس نياڻيء لاء دعائون۔

 

[عرس پريو]

ادا ڏاڍي ٿا ڪريو اصل جنهن کي گهرائي بيعزتي چئبو آهي ائين پيا ڪريو ڊاڪٽر عبدالحفيظ لغاري لفظن جا تير هڻي ٿو ماري ۽ سليمان وساڻ وڏير ن وانگر اوطاق تي گهرائي بعزتي پيو ڪري ٺيڪ آ ول نه آسي تساڏي محفل ۾ مون کي ذيشان رشيد منع ڪندو هيو ته نه ويندو ڪر پر عبدالغني لوهار سان ملڻ جو ارادو هيو۔۔۔۔۔۔۔۔۔۔۔۔

جيڪڏهن موضع ۾ ناپسند جوبٽڻ هجي ته ان تي ضرور ڪلڪ ڪريان ها

 

[TAHIR SINDHI]

ادا ڏاڍي ٿا ڪريو اصل جنهن کي گهرائي بيعزتي چئبو آهي ائين پيا ڪريو ڊاڪٽر عبدالحفيظ لغاري لفظن جا تير هڻي ٿو ماري ۽ سليمان وساڻ وڏير ن وانگر اوطاق تي گهرائي بعزتي پيو ڪري ٺيڪ آ ول نه آسي تساڏي محفل ۾ مون کي ذيشان رشيد منع ڪندو هيو ته نه ويندو ڪر پر عبدالغني لوهار سان ملڻ جو ارادو هيو۔۔۔۔۔۔۔۔۔۔۔۔

جيڪڏهن موضع ۾ ناپسند جوبٽڻ هجي ته ان تي ضرور ڪلڪ ڪريان ها

ادا صبر۔۔۔ الله اجر عطا ڪندء

 

[سليمان وساڻ]

ادا ڏاڍي ٿا ڪريو اصل جنهن کي گهرائي بيعزتي چئبو آهي ائين پيا ڪريو ڊاڪٽر عبدالحفيظ لغاري لفظن جا تير هڻي ٿو ماري ۽ سليمان وساڻ وڏير ن وانگر اوطاق تي گهرائي بعزتي پيو ڪري ٺيڪ آ ول نه آسي تساڏي محفل ۾ مون کي ذيشان رشيد منع ڪندو هيو ته نه ويندو ڪر پر عبدالغني لوهار سان ملڻ جو ارادو هيو۔۔۔۔۔۔۔۔۔۔۔۔

جيڪڏهن موضع ۾ ناپسند جوبٽڻ هجي ته ان تي ضرور ڪلڪ ڪريان ها

لڳي ٿو طبيعت ۾ اڃان بهتري ڪانه آئي اٿو ۔۔۔ يا وري مون وانگر ڪاوڙ دماغ تي اثر ڪيو اٿو ۔۔۔۔ خير ٽڪي فوٽو وٺو ۽ دوستن جي خوشين ۾ خوش هجو ۔۔۔۔ مذاق هميشه پنهنجن سان ۽ دل وارن سان ڪبي آهي ۔۔۔۔ باقي جي سچ ۾ ناراض ٿيو ٿا ته سڀاڻي پَٽڪي سميت حاضري ڀربي۔

 

[رشيد سمون]

ڪوشش رهندي آ ته دوستن سان اهڙا ننڍي پئماني تي ميڙاڪا ٿيندا رهن۔۔ ان سان ڪچهري ڪندي کوڙ سارا نوان خيال پيش ٿيندا آهن۔۔۔ جن کي نئين پروجيڪٽ جو روپ به ملي ويندو آهي۔۔۔
باقي ڳالهه مذاق جي هجي يا ڀوڳ جي پر هڪ ڳالهه ته صاف آهي ۔۔۔ لاثانيه جي ماني ڀلي آ۔۔ پر مونکي الائي ڇو پوءِ به لاثاني جي ڪڙهاين جي مقابلي ۾ عرس جي تيار ڪيل ڀينڊي جي ڀاڄي جو ڪو ثاني ناهي۔۔۔ ۽ جڏهن وقت ڪافي لنگهي وڃي ۽ عرس ڏانهن وڃڻ نه ٿئي ته اڳ جي تيار ڪيل ڀينڊي جي تصوير ڏسي گذارو ڪرڻ جي ڪوشش ڪريون۔۔ هڪ نظر توهان به ڏسو۔۔۔

۽ سندس چانهن جا ته اصل کان شوقين آهيون۔۔ رهيو سوال ملاقات جي اصل مقصد جو ته پنهنجي ساٿي منظور ڪلهوڙو جي ننڍڙيء جون تصويرون ڏسي اڳ به کوڙ ساريون دعائون ۽ هاڻي به۔۔ اميد ته دوست عبدالغني سان وري ملاقات ٿيندي۔۔

 

[نثارابڙو]

مان هاڻ ڇا چوان ۔۔۔ مون ماني کاڌي ئي ناهي ۔۔۔ ڪجهه کاوان هان ته شايد اوڳرايون ڏيندي تعريف به ڪريان ها ۔۔۔ ۽ سنگت جي ساراه به ۔۔۔ پر پوءِ به سنگت جا جهمٽا سدا آباد رهن ۔۔۔ سدا سلامت هجن ۽ سنڌ سلامت واري ان انوکي دوستيءَ ۾ ٻڌل هجن ۔۔۔

لک سلام سنگت کي، پياريون چميون ۽ قرب۔

 

[منظور ڪلهوڙو]

ادا ڏاڍي ٿا ڪريو اصل جنهن کي گهرائي بيعزتي چئبو آهي ائين پيا ڪريو ڊاڪٽر عبدالحفيظ لغاري لفظن جا تير هڻي ٿو ماري ۽ سليمان وساڻ وڏير ن وانگر اوطاق تي گهرائي بعزتي پيو ڪري ٺيڪ آ ول نه آسي تساڏي محفل ۾ مون کي ذيشان رشيد منع ڪندو هيو ته نه ويندو ڪر پر عبدالغني لوهار سان ملڻ جو ارادو هيو۔۔۔۔۔۔۔۔۔۔۔۔

جيڪڏهن موضع ۾ ناپسند جوبٽڻ هجي ته ان تي ضرور ڪلڪ ڪريان ها

ٻيلي ائين نه ڪر، تُسان ميڏهين آندي ڪرو۔۔ڇوڙو انهين ڪون۔۔اصل تُسان ته صفا دل دي نازُڪڙي هئو۔۔اهي چهچٽي ته اسان ڏي سنگت دي سڃاڻڇ هوندي هن۔۔جيڪڏهن تُسان نان اهي چهچٽي نه ڪرون ته ول ٻيا ڪنهن شاه رخ خان نان ڪرون۔۔ٻيلي هُڻ چوڙ ضِد ڪون اصل معافي چا ڏي اسان سڀني ڪون۔۔ول تُسان ڪون ڪون گهوراسون۔۔بس۔۔۔هههههههها

 

[عبدالحفيظ لغاري]

ڪنهن ٿي ڄاتو ته هي يار اسان کي ايئن تڪڙو رُسي پوندو۔ ايستائين جو سندس گهر وياسيس پرچائڻ ته به نه مليو۔ ۔ ۔ ۔ ۔ ۔ ۔ ۔افسوس

 

[منظور ڪلهوڙو]

ٻيلي هاڻ ته پرچي پئو۔۔ڇڏيو هاڻ اهي جدايون۔۔يار جلدي ملو۔۔

 

[عبدالغني لوهار]

مان سڀني دوستن جو نهايت شڪر گذار آهيان جن تمام گهڻو پيار ڏنو ، سڀني دوستن سخت گرمي جي باوجود پنهنجو قيمتي وقت سيڙائي اسان سان روح رهاڻ ڪئي ، ادا عرس پريو سان دوستن جي محبت ۽ حجت جو اهو کليو ثبوت آهي ، ڊاڪٽر عبدالحفيظ لغاري صاحب جن جو لکڻ جو روايتي انداز به ساراھ جوڳو آهي ، ادا سليمان وساڻ واري اوطاق به محبتن جي ميلي وانگر آهي ، باقي هاڻي ادا ذيشان رشيد صاحب سان ملاقات جي خواهش آهي ٻڌڻ ۾ اچي ٿو ته سائين بيحد مصروف آهن!
لک قرب دوست منظور ڪلهوڙو جا جن جي فيملي اسپتال ۾ ايڊمٽ هئڻ باوجود انهن اسانکي ٽائيم ڏنو الله پاڪ سندن رزق ۾ برڪت عطا فرمائي سندن نياڻي جي ولادت با سعادت جون لک واڌايون ، دوستن جون محبتون اڻوسرندڙ آهن ، ٿورا نه ٿورا مونتي ماروئڙن جا