چوندا آهن ته ڪي شيون ننڍيون هُجن ٿيون. پر ڪي ايتريون ننڍيون جو انهن کي ڏسي به نه ٿو سگهجي. جيئن هڪ ائٽم. پر ائٽم ته اڃان ننڍو ٿيو ائٽم مان جُڙيل ماليڪيولز به ڏسي نه سگهجن.
هڪ ماليڪيول جيڪو سدائين ڪئمسٽري (جڳ مشهور خُشڪ سبجيڪٽ) جي ياد ڏياريندو آهي سو به جن ائٽمز مان جُڙيل هوندو آهي انهي جي جوڙ (Bond) جي ماپ به ائگسٽرام ۾ ٿئي ٿي Å ۾. Å جيڪو ماپ جو ڪافي ننڍو مايو آهي. اهو هڪ سينٽي ميٽر کان ڏهه ڪروڙ دفعا ننڍو ٿئي ٿو. هڪ عام نامياتي ماليڪيول جي ٻن ڪاربان ائٽمز جي جوڙ جي ماپ 1.5 (تقريبن) ٿئي ٿي.
تنهنڪري اهو سوچڻ ته ڪنهن ماليڪيول کي سچي ۾ ڏسي سگجي اهو تصور ئي ڏکيو هو. پر ڪئيميرا جي هن جديد دؤر اهو ممڪن ڪري ڏيکاريو ته هڪ ماليڪيول کي انهي ننڍي سائيز ۾ به ڏسي سگهجي. نه رڳو ڏسي سگهجي پر ان ۾ ايندڙ تبديلي به ڏسي سگهجي. مطلب ته هڪ ننڍڙو ماليڪيول هڪ صورت کان ٻي ۾ وڃي ته اهو سڌو سنئون ڏسي سگهجي.
پر هاڻي ته ڳالهه نئنو سائنس تي پئي وڃي جتي نه رڳو ڏسڻ پر انهي ننڍي ليول تي شيون سنڀالي به سگهبيون.
بهرحال هنن جدت کي هيٺ ڏيکاريل تصوير م واضع ڪيو ويو آهي. ڏسي سگهجي ٿو ته تصوير جي ماپ Å ۾ ئي آهي.
