جمالو

[باغي عليم]

جمالو۔۔
سائين نياز هُمايوني۔۔

منهنجو جمالو سنڌڙيء سان۔۔

منهنجي سنڌ سڄي چانڊاڻ لا۔هو جمالو
جنهن ۾ موج ڀريو مهراڻ لا۔هو جمالو
جنهن ۾ روحن جي ته رهاڻ لا۔هوجمالو

جنهن جي پرور رکندو پت لا۔هو جمالو
جنهن جي مندن جي ويندي مت لا۔هوجمالو

جنهن جا ڪنول جان ڪنوارا انگ لا۔هو جمالو
جنهن جا انڊڦلٺ جهڙا رنگ لا۔هو جمالو
جنهن جا چارڻ چورين چنگ لا۔هو جمالو

جنهن ۾ آڙيون اُڏرن پر کڻي۔هو جمالو
جنهن ۾ ڪونجون ڪرڪن ڪر کڻي۔هو جمالو

جنهن ۾ سارنگ جا سينگار لا۔هو جمالو
جنهن ۾ هيجن جي هٻڪار لا۔هو جمالو
جنهن ۾ جهانگين جي جهونگار لا۔هو جمالو

جنهن ۾ اوڏ مٽيء جاڪوڏ لا۔هو جمالو
جنهن جي لک لهي لوڏ ولا ۔هو جمالو

جنهن ۾ چارڻ چندن هار لا۔هو جمالو
جنهن تي سائين ڪيا ته سڪار لا۔هو جمالو

جنهن ۾ مکڻ ولوڙين مايون لا۔هو جمالو
جيڪي گهڙا ڀرين گج پايون لا۔هو جمالو
جن جي جيء ۾ جڙيل جايون لا۔هو جمالو

جن جي اکين ۾ ڪجل جي ڌار لا۔هو جمالو
جن جو مرڪڻ ماکيء لار لا۔هو جمالو

جن تي گهوريو درياء خان لا۔هو جمالو
جن تي سوڍا ٿيا قربان لا۔ هو جمالو
جنهن کي هوشوء بخشيو شان لا۔هو جمالو

جنهن ۾ مڪلي ساهه سيباڻي لا۔۔هو جمالو
جنهن ۾ مورن جهڙي مياڻي لا هو جمالو

جنهن ۾ لال لطيف جي لات لا۔هو جمالو
جنهن ۾ سچل سچ جي تات لا۔۔هو جمالو۔۔۔

 

[باغي عليم]

جمالو سنڌ جو لوڪ گيت آهي
جيڪو اڪثر خوشي جي مهل ڳايو ويندو آهي۔۔

 

[سليمان وساڻ]

جمالي جي ڪهڙي حقيقت آهي؟
جمالو ڇا آهي؟ جمالو ڪير هو؟

 

[باغي عليم]

جمالي جي ڪهڙي حقيقت آهي؟
جمالو ڇا آهي؟ جمالو ڪير هو؟

سائين اها خبر ناهي،نه ئي ڪڏهن ان تي سوچيو هاڻ اوهان چيو آهي
ته ان جي پويان لڳون ٿا حقيقت ملي ويندي ڪٿان نه ڪٿان۔۔