نشو آ دنياگيريءَ ۾

[معصوم سنڌي]

(حميد آس ٻٻر جوهي کان هيٺ ڪاڇي جي ڪنهن ڪنڊ ۾ اڄ به گم نامي سندو جيون گهاري پيو.ڪاڇي ۾ جڏهن به پونم راتيون پڙاءُ ڪن ٿيون، تڏهن آس انهن چانڊوڪي راتين ۾ شاعري کي سرجي ٿو.هن جي رچنائن ۾ قهر جو مزو آهي، رچاءُ آهي، ترنم ۽ موسيقيت سان ڀرپور هن جي شاعري جيئڻ جو اتساهه پيدا ڪري ٿي ۽ مرڻ جي منشا کان منهن موڙي ڇڏي ٿي. معصوم سنڌي)

نشو آ دنياگيريءَ ۾ ​

آس ٻٻر​

2731 اٽيچمينٽ ڏسو ​

​

ڪنھن لڳاتار يادگيريءَ ۾،​

رات ٻڏندا رھياسين پيريءَ ۾​

پنھنجو ڪشڪول اھو ئي خالي،​

تنھنجي دنيا رھي اميريءَ ۾۔​

پاڻ کان پاڻ ٿا وڃئون وسري،​

ڪو نشو آھي دنياگيريءَ ۾۔​

ٿورڙا خواب ۽ ٻيون خوشفھميون،​

ڇا رکيو ھو ڏٺل اميريءَ ۾۔​

جڳ لتاڙيوسي اکيون پير ڪري،​

ڪجه نه ھو عشق جي فقيريءَ ۾​

رات ٽاريون اڀاري چنڊ مگر،​

وقت زلفن جي آ اسيريءَ ۾​

پنھنجي ٻيڙي کي تار وڻجارا،​

شام اچڻي آ ڍنڍ نيريءَ ۾​

​