2737 اٽيچمينٽ ڏسو 2736 اٽيچمينٽ ڏسو دوستو! منهنجي ڪمپيوٽر ۾ سنڌ سلامت سان لاڳاپيل۔۔ ٻه مسئلا اچي رهيا آهن، هڪ ته ايس ايس ريڊ ايڪسٽينشن ڪرڻ کان بعد گوگل جي پيج تي ٽيڪسٽ جي سائيز غير معمولي حد تائين تبديل ٿي وڃڻ جي ڪري گوگل سرچ جو پيج نه ٿو کولي سگهان۔ ٻيو ته هر پيج کولڻ کان بعد سنڌ سلامت جي سائيٽ وري نه ٿي کُلي، ٻه يا ٽي ڀيرا ريفريش ڪرڻ بعد پيج کلي ٿو۔۔۔ سنيپ شاٽ اٽيچ آهن۔۔۔
مست سائين اهي مسئلا مون مسڪين جي وس کان وڏا آهن،الله جو شڪر آ جو اهيو مسئلو جادوگرن جي حل ڪرڻ جو آهي ،مون کان ته ڇرڪ نڪري ويو،جڏهن مست سان مسئلا پڙهيم، الله پاڪ اوهان کي سلامت رکي اوهان جي هر مشڪل آسان فرمائي اوهان لاء دعاگو
ٻئي مسئلا سلجهائي سگهجن ٿا۔۔۔ پر جيئن ته مان هن وقت ڳوٺ وڃڻ لاءِ سواري جو منتظر آهيان ۽ وقت گهٽ آهي ان ڪري بس پهچڻ ڏيو ته توجه ڏبي۔۔ تيسين دوست ڏسن ته ڇا سندن وٽ به سنڌ سلامت جا لنڪ کولڻ وقت بار بار ويب پيج نيٽ ٽوڙڻ جو اشارو ڪري ٿو۔۔۔ ؟ ۽ سنڌ سلامت ريڊ استعمال ڪندي کين وٽ پڻ گوگل پاڪستان جو پيج وڏن اکرن سان عجيب انداز سان نظر اچي ٿو۔۔۔؟
ادا پوءِ اوهان جلدي ڳوٺ پڄو۔ باقي سنڌ سلامت مون وٽ ٻن ڪمپيوٽرن ۾ ساڳيو مسئلو ڪري رهي آهي، مطلب ته کولڻ ۾ بار بار ريفريش ڪرڻو پئي ٿو، هنيئر هڪ ٻئي ڪمپيوٽر تي ويٺو آهيان، اتي اهو مسئلو نه ٿو اچي، وري به ان مسئلي جي جڙ تائين پهچڻو آهي ته اهو مسئلو صرف مست سان آهي يا ٻين دوستن سان پڻ؟؟؟
اهڙو مون وٽ به مسئلو ڪونه آهيو آهي۔مان فائرفاڪس برائوزر استعمال ڪندو آهيان۔ توهان ڪهڙو برائوزر پيا استعمال ڪريو۔۔۔؟ان ۾ ٿي سگهي ٿو
مست لاءِ ته مون کي ميرالي جو ڳايل اهو ئي ڪلام ياد ايندو آهي۔ ”مست هون اسان پنهنجي مستي ۾ ڇا وڃي اسان جو زماني سان“۔ هرو ڀرو ڪنهن مسئلي ۾ نه اُلجهڻ۔ بس ڌيمي ڌيمي ڪم جاري رکڻ۔ ڪڏهن کل ڀوڳ ۾ ڪڏهن ڪا ٻي پوسٽ۔ پر مست سان مسئلا سي به هڪ نه پر ٻه ٻه۔! اوهان جي پهرين مسئلي جو حل رشيد جو ڳوٺ پُهچڻ ۽ ٻي مسئلي جو حل پهرين سان گڏ حل ٿيڻ آهي۔ ڪيئن لڳا؟ آهي نه ڪمال جو حل۔ يار مذاق ناهي پر سچي ۾ جيڪي ڄڻين سي ئي پالين واري ڪار آهي۔ اهي ايڪسٽينشن اسان انسٽال ڪرڻ ۾ ئي عاجز آهيون سو انهن جي ڪري آيل مسئلن جي حل لاءِ اسان جو عقل گهڻو گهڻو ننڍو آهي۔ بس اهو ياد اچي ٿو ته ذيشان رشيد چيو پئي ته www.google.com.pk کان علاوه ايس ايس ريڊ ڪم نه ٿو ڪري۔ مطلب ته اهو صرف گوگلي ڊاٽ پي ڪي لاءِ آهي۔ باقي سنڌ سلامت ۾ ته ڪو مسئلو ناهي۔ مون وٽ ڪڏهن ڪڏهن فعال موضوع کُلڻ ۾ مسئلو ٿئي ٿو۔
ڪافي وقت کان ڪوشش هيم ته مسئلي جي اصل خبر پوي۔۔۔ ڇو ته هي مسئلو مون سان ڪڏهن پيش نه ٿيو۔۔۔ اڄ جڏهن آفيس جي نئين ونڊوز ٿيل ڪمپيوٽر تي سنڌ سلامت کي گوگلنگ ڪيم ۽ کولڻ جي ڪوشش ڪيم ته بلڪل مست طرفان نشاندهي ڪيل مسئلو نظر آيو۔۔۔ افسوس ۽ حيرت ٿيم ته هي مسئلو فورم تي گذريل هڪ سال کان يعني جڏهن کان فورم نئين سافٽويئر تي منتقل ٿيو آهي ته موجود آهي۔۔ ڇو ته اها سيٽنگ گذريل سال مون پاڻ سيٽ ڪئي هئي ۔۔۔ جنهن تحت گوگل طرفان سنڌ سلامت جي موضوعن کي ڳوليندڙ فورم جي اصل لنڪ تي ريڊائريڪٽ ٿي سگهن۔۔۔ ان سيٽنگ ۾ هڪ غلطي ٿيل هئي جنهن تحت فورم جي ايڊمن پينل ۾ سيٽنگ ٿيل هئي ته فورم www سان کلي (http://www.sindhsalamat.com) جڏهن ته گوگلنگ سان ملندڙ لنڪس ريڊائريڪٽ ٿي بغير www فورم تي وٺي ايندا هئا (http://sindhsalamat.com) جنهن سان رڪن لاگ آئوٽ ٿيڻ کان سواءِ فورم جي ڪيشي۔۔ لنڪس کولڻ کي روڪيندي هئي۔۔ بحرحال مسئلي جي سڃاڻپ ٿيندي ئي ان کي فڪس ڪري ورتو آهي۔۔۔ هاڻي سنڌ سلامت کوليندڙ چاهي www سان فورم کولي يا بغير www سان فورم پاڻ مرادو ريڊائريڪٽ ٿي www شامل ڪري وٺندو۔۔۔ جنهن سان رڪن لاگ آئوٽ به نه ٿيندو ۽ لنڪ ريڊائريڪشن پڻ نه گهرندا۔۔۔ مست جي ٻئي مسئلي کي سمجهڻ جي ڪوششن ۾ آهيان۔۔۔
