سنڌ سلامت ڪتاب گهر تي وقت به وقت بهترين ڪتاب ڏيڻ جو سلسو جاري آهي ۽ اهي ڪتاب پڙهيا توڙي ڊائونلوڊ ڪيا وڃن ٿا. اُميد ته مُستقبل قريب ۾ هي ڪتاب سنڌ سلامت جي زينت ٿيندو. هي هڪ اهڙي شخص جي زندگي جو احوال آهي جنهن پنهنجي عُمر وقف ڪئي درد وندن جو دانهون وس وارن تائين پُهچائڻ. واڪا سدائين ٿيا آهن. ٻُڌڻ جي ڪم ۾ ٻروچ جي ڪن لاٽار به فطري دستور آهي پر هن ٻروچ ڪنهن عام ماڻهو جيان اهو ڏسي ڪڏهن به همت نه هاري. . . . هڪ جاکوڙي شخص تي ليکل هي واحد ڪتاب آهي جنهن تي وڌ کان وڌ تبصرا لکيا ويا آهن. هن شخص کي ته قدرت ضرور صِلو ڏيندي جو ٻين ڪاڻ جيئڻ وارا ته روزِ آخر ۾ سُرخرو ئي ٿيندا. پر سندس حياتي ۾ ئي ”محمد بخش مجنون“ هن سان انصاف ڪندي هي ڪتاب 70 واري ڏهاڪي ۾ لکيو. هتي ڪتاب مان چونڊ ڪري اقتباس طور ڪُجهه پيرا ڏنا ويا آهن ته جيئن نوان پڙهندڙ اندازو لڳائين ته هي ڪتاب ڪيتري دلچسپ انداز سان لکيو ويو آهي.
