ٿڪجي پيا

[رضوان علي جمالي]

ڪي کلندي کلندي ٿڪجي پيا، ​

ڪي روئندي روئندي ٿڪجي پيا۔ ​

ڪن وڃي لڌو ماڳ پرينءَ جو، ​

ڪي لَهندي لهَندي ٿڪجي پيا۔ ​

ڪن جاڳي ڪيو رحمٰن کي راضي، ​

ڪي سُمهندي سُمهندي ٿڪجي پيا۔ ​

ڪن جي گذري ساڙ حسد ۾ ،​

ڪي ملندي ملندي ٿڪجي پيا۔ ​

ڪي سڪن ٿا پاڻيءَ ڍڪ لاءِ، ​

ڪي پيئندي پيئندي ٿڪجي پيا۔ ​

ڪن کي نه مليو مانيءَ ڳڀو ڪو، ​

ڪي کائيندي کائيندي ٿڪجي پيا۔ ​

ڪن کي مليو دان درشن جو، ​

ڪي پنندي پنندي ٿڪجي پيا، ​

ڪن ڇڏيا ويڇا وساري، ​

ڪي وڙهندي وڙهندي ٿڪجي آيا، ​

ڪن کي اجائي سِيٽ آ ”صالح“ ، ​

ڪي جهڪندي جهڪندي ٿڪجي پيا، ​

استاد محمد صالح سومرو ”صالح“ ​

نصيرآبادي​