انسان يا شيطان

[نثارابڙو]

حوالو ؛ انگريزي اخبار عرب نيوز ، تاريخ؛ اربعا 20/01/2010مـــ
سعودي عرب؛
________________________________________
سعودي عرب جي شهر قطيف ۾ ڪاري جادوءَ جو ماهر پڪڙيو ويو آهي جنهنکي عدالت موت جي سزا ٻڌائي آهي؛ هي ڪاري جادوءَ جو ماهر عورتن کي سندن مسئلن حل ڪري ڏيڻ جي عيوض کين پنهنجي گهر گهرائي، مٿن جادو ڪري نه فقط پاڻ ساڻن برو عمل ڪندو هو ... بلڪ ٻين ماڻهن کي پڻ دعوت ڏئي عورتن سان برو فعل ڪرائي پئسا اڳاڙيندو هو (3000 ريال هڪ رات جا) ... هن وقت تائين اهڙي قسم جا 100 کان به مٿي واقعا ڪري ۽ ڪرائي چڪو آهي ... سندس گهر تي جڏهن ڇاپو هنيو ويو ته گهر مان 200 فلمون 180 سي ڊيز مليون آهن جي هن عورتن سان زنا ڪندي ڀريون آهن يا ٻين ماڻهن کان ايئن ڪرائيندي ڀريون ويون آهن، سندس سڄي گهر ۾ لڪل ڪئيميرائون لڳل آهن ... هو انهن فلمن ذريعي عورتن کي بليڪ ميل (ٺڳيندو) ڪندو رهندو هو ۽ مهيني جا گهٽ ۾ گهٽ پنجاهه هزار ريال (11 لک پاڪستاني روپيا) ٺڳيءَ جي ڪمائيءَ مان گڏ ڪندو هو ... سندس بئنڪ ۾ هن وقت 10 ڪروڙ پاڪستاني روپيا پيا آهن ...
________________________________________
جيئن آءُ سمجهانٿو ته ايماني جون ڪمزور عورتون (۽ مڙد پڻ) اڪثر پنهنجي خاندان جي ڪنهن ماڻهونءَ کي مطيع ڪرڻ يا ڪنهنجي پيار پائڻ لئه يا ڪنهن کي هيٺاهون ڪري پريشان ڪرڻ لئه يا وري رزق جي فراواني لئه ... اهڙي قسم جي شيطاني ڪردارن وٽ ڦاسن ٿيون ... ۽ پوءِ اهڙي قسم جا شيطاني عمل ٿين ٿا ...

اسانجو فرض اهو آهي ته پنهنجي آس پاس تي نظر رکون ۽ جي ڪي اهڙو ماڻهون جو ان جهڙي ڪنهن عمل ۾ رڌل آهي ته کيس پنهنجي وس آهر روڪيون ۽ جي نه مڙي ته کيس حڪومت جي حوالي ڪريون ۽ جي اڃان به انصاف نه ٿئي ؛

لطيف چواڻي ته ؛ اهڙو ٺلهو ٿانءُ ڀنڃي ڇونه ڀورا ڪجي !!!

رب العالمين کان دعا آهي ته انسانيت کي اهڙن شيطاني ڪردارن کان بچائي ۽ اسانجي معصوم ماڻهن کي عقل عطا ڪري ته هو ڪنهن به اهڙي عمل کان پاسو ڪن جي سندن حق ۾ ناهن ... آمين

sindhsalamatsaathsal

 

[رحيم بخش]

جواب: انسان يا شيطان

سائين واقعي ڪافي ٺڳ پير بنجي يا ڪي اهڙا غلط جادو وغيره جا عمل سکي پنهنجو ته ايمان برباد ڪن ٿا ليڪن ٻين کي به گنهگار ڪري پنهنجي عاقبت خراب ڪن ٿا الله اهڙن ظالمن کان امان ۾ رکي ۔

 

[مست]

جواب: انسان يا شيطان

سائين اهي ٺڳيءَ جا ٺاهه ڪيترا ڏينهن هلندا۔ نيٺ ته قدرت واري کيس سزا ڏني۔۔۔ اهڙا الائي جي ڪيترا قصا اسان جي ملڪ ۾ به عام آهن۔۔ توهان جي ڳالهه وانگر نادان عورتون پنهنجي خاوند يا پنهنجي گهرڀاتين کي زيراثر ڪرڻ جي لالچ ۾، ڪمائي ۾ برڪت جي نالي تي لالچ ۾ اهڙي درندي صفت انسان (نه بلڪه شيطان چئو) جي هٿن اچو وڃن پوءِ هو پنهنجي درندگيءَ جو ۽ حوس جو نشانو بڻائڻ ۾ دير نه ٿا ڪن۔۔۔

 

[نثارابڙو]

جواب: انسان يا شيطان

ادا سائين الله رحم ڪندو ۔۔۔ بس اُن جي بارگاه ۾ هٿ مٿي کڻي منٿون ڪندو رهجي ته جيئن اهڙن شيطانن کان معاشرو پاڪ رهي ۔۔۔ بس هڪ ٻئي کي اهڙين خبرن پهچائڻ جو مقصد آهي، هڪ ٻئي کي هوشيار ڪرڻ ته جيئن ڪو اسانجي ويجهڙائي وارو انسان ان ٺڳي جي ٺاه ۾ نه ڦاسي ۔۔۔

 

[رشيد سمون]

جواب: انسان يا شيطان

ادا مست جي ڳالهه وانگر اهڙا واقعا اسان جي ملڪ ۾ به عام آهن۔۔۔ توهان ڪراچي شهر ۾ ديوارن تي لکيل اهڙن کوڙ عاملن جا اشتهار به پڙهيا هوندا ۔۔۔ ڪي عامل ٿا سڏائين ته ڪي وري بنگالي۔۔۔ ڪجهه ڏينهن اڳ حڪومت انهن خلاف ڪريڪ ڊائون به ڪيو ۽ اهڙن جعلي عاملن کي ٽي وي تي آڻي دنيا آڏو وائکو به ڪيو پر جيڪڏهن انهن عاملن وٽ به ڪروڙين روپيا بينڪن ۾ موجود آهن ته هو ان ذريعي پنهنجا اپاء وٺي سگهي ٿو يا وري سندس ڪرتوتن مان فائدو وٺندڙ به حڪومتي حڪمران ٿي سگهن ٿا۔۔۔ اهو ئي سبب آهي جو سلسلو اڄ تائين جاري آهي۔۔۔
جس آهي سعودي حڪومت کي جنهن اهڙي ماڻهون کي پڪڙي ٻين لاءِ سبق آندو۔۔۔