اڄ مون واري حضرت ڪمپيوٽر تي سنڌ سلامت جو پهريون پنو کليل هو، ۽ خاص پني جو اهو حصو جنهن تي مختلف موضوع ۽ انجي هيٺا صحت سرير جي نظر اچي رهيو هو ... منهنجو هڪ سرحدي پٺاڻ دوست آهي جو ٿوري گهڻي سنڌي به پڙهندو آهي، اسين کيس خان صاحب چوندا آهيون ... سو آيو ۽ منهنجي ڀرسان بيهي ڳالهائڻ لڳو ... ڳالهائيندي ڳالهائيندي سندس نظر وڃي اسڪرين تي پيس ته پڙهڻ شروع ڪيائين ... هن سال ڇا ڪجي؟ روز هڪ ڪچو بصر کائو ... خان صاحب پڙهي سوال ڪيو ته يار هي ڪهڙي سائيٽ آهي جا سڄو سال بصر کائڻ جي صلاح پئي ڪري ... هن سائيٽ جي دوستن جو لڳي ٿو ته بصرن جو ڪاروبار آهي ... دوستو! خان صاحب جي ڳالهه ٻڌي ... ڏاڍي کل آئي ته همراه ڪٿي وڃي ڌڪ هنيو آهي ... ۽ اڃان تائين جيئن ڳالهه ياد اچي ٿي تيئن کل ۾ اضافو ٿئي ٿو ... ۽ ادو رشيد ياد ٿو اچي ته کائنس پڇي وٺان ته بصرن جو ڪاروبار ته نه شروع ڪيو اٿس نه !!!! khil sahi
جواب: اڄ جو لطيفو؛ ادا خان صاحب واقعي وڃي وڏو ڌڪ هنيو آهي۔۔۔ باقي سائين اهو ڪاروبار لڳي ته فائدي وارو ٿو، جي راضي ٿي پئو ته اڄ ئي شروع ڪيون بصر کپائڻ۔۔۔۔۔۔ هتان توهان کي ٻورن جا ٻورا ڀري موڪليون اوهان وري دينار ۽ درهم موڪليو۔۔۔
جواب: اڄ جو لطيفو؛ ادا خان صاحب عقل جي ڊوڙ ڪري ها ته باقي ڇا؟ اندازي سان ئي ڳالهه ۾ وزن پئدا ڪري ويو، پر ادي رشيد اڃان اها ڳالهه واضح نه ڪئي آهي ته بصرن جي ڪاروبار ۾ آهي يا نه ۔۔۔؟
جواب: اڄ جو لطيفو؛ ڪاروبار ته واقعي فائديمند آهي ۽ ڪرڻ وارا ڪن به پيا، باقي جيڪا سنگت جي صلاح، اسان حاضر آهيون، بس اوهين ٻورا موڪليو، باقي ريال ۽ درهم ڪمائبا ته ونڊ به ڪبا ۔۔۔ مونکي ته بصرن جي پوک به تمام سهڻي لڳندي آهي، خاص ڪري جڏهن ساون ڊگهن لولي پتن (ڀوڪن) تي اڇا اڇا گل ڦٽي ايندا آهن ۔۔۔ کائڻ ۾ به بصر تمام سٺو آهي، خاص ڪري جڏهن بصرن جي ڪڙهيءَ ۾ مڇي پچندي آهي ۔۔۔ مطلب ته بصر زنده آباد ۔۔۔
