ثم آمين
پيارا محمد مگسي ، توهان دُعائون ڪيون، لک لائق، توهان اڃان سنڌ ۾ ڪونه پهتا آهيو ڇا؟ مٺا 24 جنوري وارو سنڌوءَ کي ڀيٽا ڏيڻ وارو ڏهاڙو ملهائڻ وارو سڏڙو سنڌ جي مشهور ميڊيا ڪي ٽي اين جي سرپرست محترم قاضي علي ڏنو هو، انهيءَ سڏ تي سموري سنڌ هڪ آواز ٿي اهو ڏينهن ملهايو هو۔۔۔۔۔۔ ۽ شڪر الحمد الله مون به سنڌ سلامت جي هن محبتي اڱڻ تان اهو گيت ونڊ ڪري دنيا کي اهو باور ڪرايو ته اسان جِو سنڌ سلامت پڻ ساري دنيا جي سنڌين سان همقدم ۽ هم آواز آهي۔۔۔۔۔۔۔
مهرباني سائين رشيد سمان، جو توهان منهنجي شاعريءَ ۾ سنڌ ۽ سنڌوءَ لاءِ ڀريل خوبصورت رنگ ڏسي مون حقير مسڪين ۽ ناچيز کي ڏاهو چيو، پر دوست توهان کي ٻُڌائيندو هلان ته ڏاهن جا پند اڃان مونکان لکين ميل پري آهن، پنهنجي لفظن کي ٿورو گهڻو سرگم ڏئي مون ڪا وڏي ڳالهه ڪانه ڪئي آهي، پر يوسف جي خريدارن ۾ هُن ٻُڍڙيءَ جي مصداق هڪ سُوئِي کڻي سنڌ ۽ سنڌوءَ جي محبت ڪرڻ واري لسٽ ۾ صرف نالو لکايو آهي۔۔۔۔ دوست ڪوشش ڪريان پيو ته اڄ يا سڀاڻي انهي ڏينهن جو اکين ڏٺو حوال تصويرن ۽ وڊيو ڪلپس جي صورت ۾ سمورن دوستن سميت ساري دنيا جي سنڌين سان ونڊ ڪريان ۔۔۔۔۔
