شاعري لعل اگحمد لعل

[سيد اياز علي شاه]

جتي حسن سيرت جو سائل هجي​

محبت هوس ڏي نه مائل هجي​

ڪدورت ء مطلب جي دنيا کان دور​

جتي هر ڪو الفت جو قائل هجي​

اتي منهنجي دل جي ڪجو جستجو ​

​

جتي چنڊ دريا ڪنارو بهار​

ٿين ٿا اچي پاڻ ۾ همڪنار​

فضا حسن قدرت جي ميخاني جا​

لٽي ء لٽائي ٿي ساغر هزار​

اتي منهنجي دل جي ڪجو جستجو​

​

جتي آبشارن جا نغما سدا​

پهاڙن جي عظمت جي ڪن ٿا ثنا​

شفق آسمان بوس ڪهسار کي​

تو زر جي ڊڪائي قبا خوشنما​

اتي منهنجي دل ڪجو جستجو​

​

جتي درد بڻجي اچي غمگسار​

هجن لڙڪ ڄڻ بيڪسئيءِ جي مزار​

زمين فرش ء آسمان ڇت هجي​

هجي زندگي ابن آدم تي بار​

اتي منهنجي دل جي ڪجو جستجو​

​

جتي عزم سينن ۾ ڀرپور آه​

نه مظلوم ڪوئي نه مجبور آه​

صداقت رهي ٿي جتي سربلند​

مساوات انسان جو منشور آه​

اتي منهنجي دل جي ڪجو جستجو​

​

جتي آگه پيدا ڪري گلستان​

رهي زنده توحيد جو داستان​

هڻي حق جو نعرو جتي جو ڪليم​

ڪري ناس فرعونيت جو نشان​

اتي منهنجي دل جي ڪجو جستجو​

​

جتي ٻچو ٻچو هجي سرفروش​

هجي دل ۾ غيرت هجي دل ۾ جوش​

جتي ديس جي آبرو واسطي​

شهادت جو ڪوئي ڪري جام نوش​

اتي منهنجي دل جي ڪجو جستجو​

​

جتي شاعري دلربا نازنين​

بڻائي ڇڏي لحظو لحظو حسين​

جتي شعر ڏي زندگيءَ جو پيام​

جتي گيت منهنجو هجي دلنشين​

اتي منهنجي دل جي ڪجو جستجو​