گوگل ڪروم جو نئون ورجن 0۔4 رليز ٿي ويو۔۔۔

[رشيد سمون]

گوگل وارن جو نعرو آهي ته انٽرنيٽ برائوزنگ لاءِ سندن برائوزر ڪروم دنيا جو تيز ترين برائوزر آهي ۔۔۔ مون هن برائوزر کي مستقل استعمال ان لاءِ نه ڪيو آهي جو هن ۾ سنڌ سلامت فورم کُلي ته جلدي ٿو پر فورم تي موجود ادا عامر جو تيار ڪيل سنڌي ايڊيٽر صحيح طور ڪم نه ٿو ڪري ۔۔۔
بحرحال توهان جي معلومات ۾ اضافي خاطر ٻڌائيندو هلان ته انٽرنيٽ جي دنيا ۾ مائڪرو سافٽ انٽرنيٽ ايڪسپلورر سان مقابلو ڪرڻ لاءِ مختلف برائوزرس جي جنگ لڳي پئي آهي۔۔۔ جنهن جي تصويري جهلڪ سنڌ سلامت جي ڏسندڙن لاءِ حاضر آهي۔۔۔۔

ياد رهي ته ڪجهه ڏينهن اڳ ئي مون توهان کي ٻڌايو ته فائر فاڪس جو نئون ورجن 6۔3 پڻ 21 جنوري تي لانچ ٿي چڪو آهي۔۔۔۔ ۽ چئنن ڏينهن کان پوءِ يعني 25 جنوري 2010 تي گوگل وارن پنهجي برائوزر گوگل ڪروم جو 0۔4 ورجن رليز ڪري ورتو۔۔۔۔

جيڪڏهن توهان مان ڪنهن دوست هي برائوزر اڳ ۾ استعمال ڪيو آهي ته ان کي هن برائوزر جي خوبين ۽ خامين جي خوب خبر هوندي ۔۔۔۔ هن نئين ورجن ۾ مختلف ايڪسٽينشنس جي اضافي جي سپورٽ سان گڏو گڏ بوڪ مارڪ ۽ اضافي سڪيورٽي جو پڻ اضافو ڪيو ويو آهي۔۔۔ البته رفتار ۾ ڪا خاص تبديلي نه ڪئي وئي آهي ۔۔۔ ڇو ته اڳي ئي هن برائوزر کي تيز ترين برائوزر سمجهيو نه وڃي پيو۔۔۔

منهنجي ڪوشش هوندي ته هن برائوزر تي سنڌ سلامت ايڊيٽر بابت ايندڙ مسئلن کي جلد از جلد ختم ڪيو وڃي ۔۔۔ جيئن هن برائوزر کي استعمال ڪندڙ دوست پڻ سنڌ سلامت کي بهتر ۽ تيز رفتاري سان برائوز ڪري سگهن۔۔۔ تيسيتائين ايم بي سنڌي سافٽويئر کي استعمال ڪندي هن برائوزر ذريعي سنڌ سلامت تي لکڻيون موڪلي سگهجن ٿيون۔۔۔۔

گوگل ڪروم جو تازو ورجن ڊائونلوڊ ڪرڻ لاءِ هتي ڪلڪ ڪريو۔۔۔​

 

[محمد مگسي]

جواب: گوگل ڪروم جو نئون ورجن 0۔4 رليز ٿي ويو۔۔۔

 

[رحيم بخش]

جواب: گوگل ڪروم جو نئون ورجن 0۔4 رليز ٿي ويو۔۔۔

سائين نئين معلومات آهي اوهان جي مهرباني هي انسٽال به ڪيو آهي ليڪن مائڪرو سافٽ انٽرنيٽ ايڪسپلورر سان مانوس هجڻ ڪري هن ۾ ايتري دلچسپي نه ٿي ٿئي وڌيڪ وري روزانه استعمال ڪرڻ کان پوء راء ڏئي سگهجي ٿي۔

 

[رشيد سمون]

جواب: گوگل ڪروم جو نئون ورجن 0۔4 رليز ٿي ويو۔۔۔

ادا محمد مگسي توهان وٽ گوگل ڪروم ان لاءِ مسئلو نه ڪيو جو توهان وٽ سنڌي انسٽالر انسٽالڊ ٿيل آهي پر اسان جي انهن دوستن کي جن وٽ ڪمپيوٽر ۾ سنڌي انسٽالر انسٽالڊ ٿيل نه آهي نه صرف لاگ ان ٿيڻ ۾ پريشاني ٿيندي پر تحرير موڪليندي سنڌ سلامت ايڊيٽر تي سپيس يا بيڪ اسپيس جا مسئلا پڻ سامهون اچي سگهن ٿا۔۔۔۔
مٿين مسئلن جي حل لاءِ دوستن کي گذارش آهي ته جيڪڏهن توهان سنڌ سلامت گوگل ڪروم تي کولڻ چاهيو ٿا ته هتي ڪلڪ ڪري IE Tab انسٽال ڪري وٺو جنهن کان پوءِ ان ۾ سنڌ سلامت شامل ڪريو ۽ تيز ترين برائوزنگ جا مزا ماڻيو۔۔۔۔

 

[رشيد سمون]

جواب: گوگل ڪروم جو نئون ورجن 0۔4 رليز ٿي ويو۔۔۔

گوگل ڪروم 0۔4 جا ڪي فيچرز آهن انهن جا ايڪسٽينشنس جيڪي بس هڪ بٽڻ انسٽال تي ڪلڪ ڪرڻ سان انسٽالڊ ٿيو وڃن۔۔۔ ان جي باوجود جيڪڏهن توهان کي گوگل ڪروم جا ايڪسٽينشنس انسٽال ڪرڻ نه ايندا هجن ته هي ٽن منٽن جي وڊيو ڏسو۔۔۔ جنهن سان توهان کي ايڪسٽينشنس متعلق وڌيڪ معلومات پن ملي سگهندي۔۔۔۔

http://www.youtube.com/watch?v=Nfi5UCx6vTw

گوگل ڪروم ايڪسٽينشنس صفحي تي وڃڻ لاءِ هت ڪلڪ ڪريو۔۔۔۔

 

[ڦلپوٽو فقير]

جواب: گوگل ڪروم جو نئون ورجن 0۔4 رليز ٿي ويو۔۔۔

ادا بهترين سافٽ ويئر آهي گوگل ڪروم

لاجواب

 

[جوکيو شفيق احمد]

جواب: گوگل ڪروم جو نئون ورجن 0۔4 رليز ٿي ويو۔۔۔

ادا واقعي مان گوگل ڪروم برائوزر استعمال ڪندو هيم جنهن ڪري مسئلا اڳيان اچي رهيا هئا . هاڻي ڪوشش ڪري توهان جي ڳالهه تي عمل ڪبو.

 

[رشيد سمون]

جواب: گوگل ڪروم جو نئون ورجن 0۔4 رليز ٿي ويو۔۔۔

ڪجهه ڏينهن جي مسلسل محنت کان پوءِ ڪي بورڊ تان سپيس جو مسئلو ختم ڪري ڇڏيو آهي ۔۔۔ هاڻي توهان مڪمل آزادي سان گوگل ڪروم برائوزر استعمال ڪري سگهو ٿا۔۔۔توهان لاءِ ڪي بورڊ تان سپيس جي نه لڳڻ جو مسئلو مڪمل طور ختم ٿي چڪو آهي۔۔۔ ان ڪري ڪنهن اضافي ٽيب انسٽال ڪرڻ جي ضرورت ناهي۔۔۔