جيڪڏهن توهان پنهنجو قيمتي فون ڪاٿي وساري ويهو ۔۔۔ يا خدانخواسته توهان جو فون چوري ٿي وڃي۔۔۔ ته توهان کي اندازو آهي ته اهو توهان کي ڪيترو نقصان هوندو۔۔۔۔ يقينن فون ۾ توهان جو قيمتي ڊيٽا موجود هوندو۔۔۔ ان لاءِ ضروري آهي ته پنهنجي سمارٽ فون ۾ ڪا اهڙي سيڪيورٽي ايپليڪيشن ضرور انسٽال ڪريو جنهن سان نقصان جو خطرو گهٽ ۾ گهٽ هجي۔۔۔ اڄ ڪلهه بيشمار ايپيليڪشن سستيون يا وري بلڪل مفت پيون ملن۔۔۔ ۽ منهنجو مشورو اهو آهي ته فون جي ڊيٽا جي سينسيٽوٽي کي ڏسي جيڪڏهن ڪا سٺي ايپليڪيشن پيسن تي به ملي ته خريد ڪجي۔۔۔ ڇو ته ٿوري خرچ سان وڏي نقصان کان بچي سگهجي ٿو۔۔۔ ۽ ٻي ڳالهه ته جڏهن اسان هزارين روپين جو سيٽ خريد ڪري ٿا سگهون ته ان جي حفاظت لاءِ ڪجهه سو روپين جي ڪا ايپليڪيشن خريد ڪرڻ ڪهڙي وڏي ڳالهه ٿيندي۔۔۔
اهڙين ايپليڪيشن جو خاص فيچر لوڪيشن ٽريڪنگ سسٽم آهي۔۔ يعني فون جتي به هجي توهان ان جڳهه کي معلوم ڪري سگهو۔۔۔ ۽ ضروري ناهي ته هي فيچر رڳو چوري جي ڊپ ڪري استعمال ڪجي ۔۔ پر فيملي جي حفاظت لاءِ به هي فيچر شاندار آهي۔۔ مثال طور فيملي جي سڀني ماڻهن جي سيٽن ۾ هي ايپليڪيشنس انسٽال هجن ته خبر پوندي رهندي ته اهي هيئينر ڪاٿي آهن۔۔۔ خاص طور پري پري پڙهندڙ شاگردن تي نظر رکڻ لاءِ والدين اڳ ئي ڪافي پريشان رهن۔۔۔
هوئن ته ان حوالي سان کوڙ ساريون ايپليڪيشنس موجود آهن پر انهن مان اهم اهم ايپليڪيشنس کي هن موضوع ۾ ٻڌائبو رهبو ته جيئن بهتر لاڀ حاصل ڪري سگهجي۔۔۔
