اسلام، دنيا جو اهو واحد دين آهي، جنهن ۾ عورت جي لاءِ حق تسليم ڪيا ويا آهن. اهوئي سبب آهي، جو اسلام، عورت جي ڪمتري متعلق تمام تصورات جو انت آڻي ڇڏيو آهي. اسلام جو اعلان آهي، ته عورت ڪا حقير ۽ نجس وجود نه آهي ۽ نه ئي ڪا هوءَ لايعقل ۽ بي مقصد هستي آهي، بلڪه جنهن نفس واحد مان مرد وجود ۾ آيو آهي، انهيءَ مان عورت به وجود ۾ آئي آهي. جهڙي طرح انساني معاشري جو هڪ اهم رڪن مرد آهي، اهڙيءَ طرح ان معاشري جي ٻي اهم رڪن عورت آهي، جيڪڏهن مرد، روزگار حاصل ڪرڻ جي ذريعي، محنت ۽ مشقت ڪري ٿو، ته عورت سگھڙائپ ذريعي، گھر هلائي، اهوئي درجو ۽ فضيلت حاصل ڪري ٿي. قدرت جي طرفان جيڪي خصوصيتون عورت ۽ مرد کي عطا ٿيون آهن، ان ۾ فضيلت جو پهلو، ڪنهن هڪ سان گڏ مخصوص نه آهي،بلڪه ان جي فضيلت ۾ ٻئي برابر حصيدار آهن. مرد کي جتي طبعي برتري جي آڌار تي جهاد ۽ حفاظت جي ذميداري سونپي ويئي آهي، اتي وري عورت به برسر پيڪار آهي. هوءَ گھر کي سنڀالڻ سان گڏو گڏ ٻارن جي به مالهي بنجي، باغ جي آبياري ۽ پرورش ڪري ٿي؛ ۽ ان کان بهتر ڪردار اهو ادا ڪري ٿي جو هوءَ مرد جي معاون ۽ مددگار ثابت ٿئي ٿي. ان جي هڪ وڏي شاهدي آنحضرت جي زماني مان ملي ٿي: حضرت اسماء بنت يزيد انصاريه هڪ مشهور ديندار ۽ عقلمند صحابه هئي. ان جي باري ۾ روايت آهي، ته هڪ ڀيري حضورصه جن جي خدمت ۾ حاضر ٿي ۽ عرض ڪيائين ته مون کي عورتن جي هڪ جماعت، اوهان ڏانهن نمائندو ڪري موڪليو آهي ۽ پوءِ حضرت صه جن اڳيان عورتن جا حق بيان ڪيائين. حضور صلي الله عليه وسلم جن پوءِ اسماء کي فرمايو ته ’’اي اسماء! جن عورتن توکي نمائندو ڪري موڪليو آهي، انهن کي منهنجو جواب پهچائي ته توهان جي سٺي طرح گھرداري ڪرڻ پنهنجي گھر وارن کي خوش رکڻ ۽ انهن سان گڏ سازگاري ڪرڻ مردن جي انهن سڀني ڪمن جي برابر آهن جيڪي تو بيان ڪيو، اهڙيءَ طرح قرآن ۽ سنت جي روشني ۾ اسلامي معاشري ۾ ٻنهي جا حق برابر آهن. مرد جيڪڏهن ميدان آهي ته عورت معاشري جي اڪائي آهي. عورت گھر جي سلطنت جي روح آهي. ماءُ جي پيرن هيٺان جنت جي ڇانوَ آهي. ماءُ جي هنج معاشري جي مستقبل جو پهريون درسگاهه آهي. قومن کي جنم ڏيڻ ۽ معاشري جو بنياد رکڻ وارين انهن هستين جي نگهداشت هئڻ گھرجي. شريعت عورت کي جيڪي حق ڏنا آهن انهن حقن موجب عورت کي پوري آزادي هئڻ گھرجي . اسلام اهوئي واحد دين آهي جنهن وراثت ۾ عورت جو حصو مقرر ڪيو آهي. اڄ به اسان جي معاشري ۾ ڪجھ حصن ۾ غير شرعي رسم و رواج جاري آهن. ڇوڪرين کي ڍڳن مينهن وانگر وڪرو ڪيو وڃي ٿو. ان جي قيمت لڳائي وڃي ٿي. يعني ڌيءَ ان جي حوالي ڪئي وڃي ٿي جيڪو وڌيڪ قيمت ڏئي. هن رسم جو مڪمل طور تي خاتمو ٿيڻ گھرجي يعني ڇوڪرين جي مرضي حاصل ڪئي وڃي ۽ شادي عين اسلامي ۽ شرعي طريقي تي ڪئي وڃي. عورتن جا شرعي حق مجروح نه ٿين عورت کي مرد جي برابر پورا حق ڏنا وڃن ڇو ته ان جي لاءِ اسلام به اجازت ڏئي ٿو.
ادا اوهان جو چوڻ سچ اسان جي اکين تي پر ظلم ته ڏسو جنهن نبي مسلمانن کي دين ڏنو ان جي گهر سان ڪهڙي ويڌن ڪئي اهي نام نهاد مسلمانن۔ جتي عام عورت جي ڳالھ پئي ٿئي يقينن اسلام جي نظر ۾ عام و خاص جو وجود ناهي پر اها به هڪ حقيقت آهي ته اسان جي لاءِ خانوادهءِ رسول صه جي عظمت جو اقرار آهي ڪالھ به ڏسو نام نهاد مسلمانن رسول جي گهراڻي جي مستورات سان ڪهڙو ظلم ڪيو ۽ اڄ به پاڻ صلعم جي نواسي (ڏوهٽي) بيبي زينب سلام الله عليها جي قبرِ مطهر تي مسلمانن ئي مارٽر هلايا آهن؟ مرشد سلطان باهو پڻ اهڙي شڪايت ڪئي اهي جيڪر دين علم وچ هوندا تان سر نيزي ڪيون چڙهدا هُو18000 جو عالم ها اڳي حُسين عه دي مردا هُوجي ڪجھ ملاحظه ڪردي سرور دا تي خيمي تنبو ڪيون سڙدي هُوجي مندي بيت رسولي تي پاڻي ڪيون بند ڪردي هُوپر صادق دين تنهان دا باهوُ جهڙي سر قرباني ڪردي هُووسلام
سائين فاروقي صاحب جن جي ڳالھ بلڪل درست آهي ته تاريخ جي سڀني مذهبن جي جيڪڏهن هسٽري پڙهجي ته واقعي به جيڪا عزت، مقام، حيثيت ۽ حقوق اسلام عورت کي ڏنا آهن ٻئي ڪنهن به مذهب ناهن ڏنا۔ اسان شام جي ظالم، طاغوت، ڪفر جي چيلي بشار تي لعنت ٿا وجهون جنهن ٻن سالن کان ظلمن جي انتها ڪري ڇڏي آهي، شام ۾ گذريل ٻن سالن کان هن ڪُتي ٻن لکن کان وڌيڪ مظلوم انسانيت (جوان، پوڙها، عورتون، ٻارڙن)جو رت وهايو آهي، اهڙي ريت اسان انهن مسلمانن توڙي غير مسلمن (ڇو ته شام ۾ مسلمان به رهن ٿا ته ڪافر ۽ عيسائي، يهودي وغيره سڀ رهن ٿا) جي مذمت ڪريون ٿا جن مسلمانن جي ۽ آل رسول جي قبرستانن جي بي حرمتي ڪئي آهي۔۔۔۔
سائين اسان هر ظالم جي مذمت ڪريون ٿا هر زماني جي ان بدحواس حڪمران جي جنهن آلِ رسول تي ظلم ڪيو جن آلِ رسول جي مستورات تي ظلم ڪيا۔ ظلم ڪري ڪو ڀري ڪو ظلم ڪري بشار ۽ راڪٽ حملا ٿين سيده جنابِ بيبي زينب جي مزار تي اسان اهڙا کڻي اهي ڪنهن به مذهب مان ڇو نه هجن تي لعنت ٿا ڪريون ۔ وسلام
