پور وڇوٽ نه رستا ٺاهيو ،

[ڊاڪٽر قادر بخش منگسي]

پور وڇوٽ نه رستا ٺاهيو ،
نفرت جي ديوار کي ڊاهيو.

ڪڻو ڪڻو ٿي وکري ويندا،
ڳالهه وڇوڙو ڇو ٿا ڳاهيو.

مهل سان ماڳ تي رسڻو آهي،
ڪاهيو پنهنجا ڪرها ڪاهيو .

ڪيڏو الڪو آهي سبحان جو،
پنهنجو ڀي ٿي پيو آ پرايو.

ڀيد نه رکجن ايڏا حاتم ،
پنهنجو پنهنجو نينهن نڀايو .

 

[نثارابڙو]

جواب: پور وڇوٽ نه رستا ٺاهيو ،

ٻڌي ايڪي ۽ وقتائتي جدوجهد تي ايترن سهڻن سادن لفظن ۾ ڏنل سهڻو پيغام آهي ۔۔۔ دعا آهي ته اسانجي قوم ان فڪر کي سمجهي سگهي ۔۔۔ ته هوند ٻيڙا ئي پار ٿي وڃن ۔۔۔
محترم سائين هڪ ٻيو عرض ته ڪٿي ڪٿي ڪنهن لفظ سبب ٿورڙو مونجهارو ٿئي ٿو ۔۔۔ مثلن،
ڪيڏو الڪو آهي سبحان جو،
پنهنجو ڀو ٿي پيو آ پرايو.
هن بند جي ٻي سٽ ۾ ڀو لکيو اٿوَ، يا ته اهو لفظ ”به“ هوندو ته جملو سمجهه ۾ اچڻ جهڙو ٿيندو ۔۔۔

ٻيو مثال؛
مهل تان ماڳ تي رسڻو آهي،
ڪاهيو پنهنجا ڪرها ڪاهيو .

هن بند جي پهرين سٽ ۾ منهنجي خيال ۾ ”تان“ جي بجاءِ ”سان“ هجڻ گهرجي ۔۔۔

اوهان جي علمي پهچ اسان کان گهڻو مٿاهين آهي ۔۔۔ جي آءُ غلط هجان ته معافي ڏئي سمجهائيندا ته لک ٿورا ۔۔۔

 

[ڊاڪٽر قادر بخش منگسي]

جواب: پور وڇوٽ نه رستا ٺاهيو ،

دا جيئن ته ڪمپيوٽر منهنجو پٽ هلائيندو آهي ، ۽ کائنس لکڻ ۾ چُڪ ٿي آهي
توهان جيڪو لکيو آهي اهو بلڪل صحيح آهي اهو لفظ اصل ۾ سان ئي آهي جيڪو غلطي سان تان لکجي ويو آهي ۽ جيڪو لفظ ڀو لکجي ويو هو اهو اصل ۾ لفظ ڀي آهي ،
منهنجي اصلاح ڪرڻ لاءِ توهان جي مهرباني .shal judy hujeen