سڀ کان پهرين ته مان تمام دوستن کان معافي گهرندس ته مان ايترا ڏينهن اوطاق تان غائب رهيس. مان انهن سڀني ڏينهن جي عيوض مان سنڌ سلامت اسٽوڊيو جي هڪ پُراثر وڊيو کڻي آيو آهيان. مان ڇا چوان ته منهنجي ڪهڙي حالت هئي. بس توهان پاڻ ئي ڏسي وٺو. هن گيت جا ٻول آهن. فياض چنڊ ڪليري ۽ آواز آهي اسان جي مهربان دوست، گهوٽڪي ايف ايم جي اسٽيشن مئنيجر قادر بخش ڪلهوڙي جو. جڏهن ته هن جي منظر ڪشي ۽ ايڊيٽنگ توهان جي هن گوسڙو دوست جي آهي. توهان جي راين جو شدت سان انتظار رهندو. جيڪڏهن وڊيو جي ڪوالٽي ٿوڙي گهٽ ملي ته معافي. ڇا ڪريان اسان وٽ نيٽ جو لميٽيڊ پيڪيج آهي.
جواب: سنڌ جي سُرمئي شام جو خواب ادا رنجيت! اوهان دل خوش ڪري ڇڏي اڄ، واه واه ڏاڍو سٺو ڪم ڪيو اٿوَ هن شاعريءَ تي ... اوهانجي وڏي مهرباني ... سنڌ سلامت ... ساٿ سلامت
جواب: سنڌ جي سُرمئي شام جو خواب سهڻا رنجيت، جيترا لفظ جاندار ۽ جيترو آواز اثرائتو آهي اوتري ئي تصوير ڪشي انهن لفظن جي سچائي ۽ معني کي واضح ڪندڙ آهي ۔۔۔ مٺا رنجيت، تو ايترن ڏينهن جي جدائي جو قرض واقعي لاهي وڌو ۽ جي اهڙيون انمول سوکڙيون آڻيندي هر جدائي کانپو ته يار! توکي موڪل آهي ۔۔۔ ڀل گوسڙو ٿي پر اچڻ سان حينئون ٺاري ڇڏيئي ۔۔۔ ڌڻي توکي هر گهڙي سکيو ستابو ۽ اسانجي ساٿ سان سلهاڙيل رکي ۔۔۔ آمين الله ڏاهي مَ ٿيان، ڏاهيون ڏک ڏسن ۔۔۔۔ مٺڙا رنجيت ڪٿي ڪٿي ڏاهپ ئي اندر جو سور ٿي ويندو آهي ۽ جڏهن ڏات ديوي جاڳندي آهي ته ماتم ئي ماتم برپا ٿيندو آهي ۔۔۔ بس اسين ڀورا ئي ڀلا ۔۔۔!!! اسين ڀورا ئي ڀلا ۔۔۔
جواب: سنڌ جي سُرمئي شام جو خواب مٺا رنجيت سائين قادر سان ڳالهه ٻولهه ته ٿيندي رهي ٿي ۽ واقعي به سندس آواز بهترين ته آهي ئي پر صحيح جڳهه تي صحيح وقت ۾ تصوير ڪشي ڪري سا به لاجواب چونڊ سان توهان پاڻ ملهايو آهي۔۔۔ جهڙي طرح ڪنهن ڪهاڻي ڪار يا ناول نگار جا پنهنجي ليک کي ڊرامي ۽ ان ۾ موجود ڪردارن کي زنده ڏسندي احساس هوندا آهن ساڳي طرح سائين فياض چنڊ ڪليري جا احساس هن وڊيو کي ڏسي هوندا۔۔۔ لاجواب شاعري، پر اثر آواز ۽ زبردست ايڊيٽنگ۔۔۔۔ سڀني جي ميلاپ هڪ خوبصورت وڊيو کي سامهون آندو۔۔۔۔ توهان جا لک لائق۔۔۔۔
جواب: سنڌ جي سُرمئي شام جو خواب بس سائين اها توهان دوستن جي مهرباني آهي. جيڪڏهن توهان ايترو خوبصورت آواز رڪارڊ ڪري نه ڏيو هان ته اهو ڪم شايد ٿورو مشڪل هو مهرباني سائين سرڪار سائين! هميشه جيا اڄ به توهان جي جواب جو انتظار هو. بس توهان جواب ڏئي اصلي دل ئي ٺاري ڇڏي. مهرباني سرڪار. بس سائين مون ته هڪ ننڍڙي ڪوشش ڪئي هئي ان وڊيو کي ٺاهڻ جي! توهان جي جوابن مان لڳي ٿو ته منهنجي محنت ڪامياب وئي. دل کي هٿي ڏيڻ جي مهرباني
جواب: سنڌ جي سُرمئي شام جو خواب ادا رنجيت تمام بهترين محنت آهي اوهان جي سائين نثار ابڙو جن جي ڳالهه وانگر ته دير آيد درست آيد بس اوهان جي محنت کي ڏسي سڄي سنگت خوش ٿي وئي ان ڪري اوهان کي غير حاضري جي ڪنهن ميارئي ڪانه ڏني ۔ سدا سلامت هجو ۔
جواب: سنڌ جي سُرمئي شام جو خواب مٺا رنجيت شال جُڙيو هُجين، تو ايترو ته ايتروته خوبصورت هي وڊيو سنڌ سلامت سان شيئر ڪيو آهي جو دل چوي ٿي ته سنڌ سلامت وڊيو اسٽوڊيو ۾ موڪليل منهنجو سموريون ڪاوشون انهي هڪڙي من موهڻي شاعري ۽ تنهنجي مٿان گهوري ڇڏيان، انهي دعا سان ته سنڌ جي ڪنول جي گُلن جيان جتي به هُجين شال ٽڙندو رهين ، شال مهڪندو رهين، اها منهنجي دعا به آهي ته مٺا آرزو به آهي۔۔۔۔۔ تون شبنم ۾ گُل ڪو ڀنل لڳين ٿو ڪنهن شاعر جو تازو غزل لڳين ٿو، آقسم مونکي سنڌ جِي سُهڻي شام جو تون ڪينجهر ۾ ڄڻ ڪو ڪنول لڳين ٿو
جواب: سنڌ جي سُرمئي شام جو خواب سهڻا رنجيت، توهان جي هن انمول ڪاوش جي تعريف لاء ته انمول لفظ ئي کپن، پر پنهنجي ادبي غربت سبب لفظ ته ڪو نه ملي سگهيا، ها ڪجهه گُل ڳولي توهان جي خدمت ۾ حاضر ڪريان پيو۔۔ توهان جي وڊيو تخليق جي جيتري به تعريف ڪجي گهٽ آهي، هڪ مڪمل ۽ پروفيشنل وڊيو ٺاهڻ تي تمام گهڻيون مبارڪون۔۔ بيشڪ رنجيت جي جيت ٿي وئي آهي۔۔۽ اسان جي اميدن ۾ پڻ اضافو ٿيو آهي، ڏسون ٿا اڳين تخليق ڪڏهن ٿا ونڊ ڪيو۔۔
جواب: سنڌ جي سُرمئي شام جو خواب سائين منهنجي هيءَ ڪوشش، توهان جي محنتن جي اڳيان ذري جيتري به ڪونه آهي. توهان جو سنڌ سلامت سان سچو عشق آهي. اسان ته مڙئي جڙتو عاشق آهيون. ڀلا اسان جي ڪهڙي مجال جو توهان جي وڊيوز تي اڳيان پنهنجي ڪا وڊيو پيش ڪري سگهون. باقي توهان جي دُعا کپي. اهڙي سُهڻي چوسٽي جي لاءِ مهرباني. سائين مهرباني.. دل جي اظهار جي اڳيان لفظن جي ڪهڙي مجال جو نه ايندا. جهڙا توهان ادبي غريب آهيو تهڙو مان پاڻ به آهيان. ٻي وڊيو به توهان جي اڳيان جلد ئي پيش ڪندس. جيڪا استاد بخاريءَ جي لکيل غزل جي جوڙيل آهي. جنهن جو موضوع جيجل ماءُ تي آهي. مونکي پاڻ ان وڊيو جي پوري ٿيڻ جو شدت سان انتظار آهي. گلن جي لاءِ مهرباني
