ڪيتري محبت اٿئي مون سان؟

[عابد بلوچ]

”ڪيتري محبت اٿئي مون سان؟“ مون الائي ڇو هن کان پڇيو​

”مون وٽ محبتن جا ڪي به ماپا نه آهن“، هن هميشه جيان وراڻيو​

”پر پوء به ڪجهه ته اندازو هوندو توکي؟“، مون وري به سوال کي جاري رکيو​

”سمنڊ جيڏو!“، هن ٿورو سوچڻ کانپوء چيو​

”سمنڊ ته اکين ۾ ئي سمائجي ويندو آهي!“، مون هڪ دم وراڻيو​

”تون رائيٽر ماڻهو آهين توسان ڪير پڄندو!“، جڏهن هن کي ڪو جواب نه سجهيو تڏهن هو اهو مهڻو ڏئي خاموش ٿي وئي!​

 

[عتيق الرحمان]

اکيون جڏهن سمنڊ کي پسنديون آهن ته نظر کٽي ويندي آهي ،ساهن جيان نه کٽندڙ، تسلسل سان اٿندڙ ڇوليون،۽ من ۾ محبت جي گهرائي سمنڊ جي گهرائي جيان اٽوٽ لڳندي آهي،
پيار جو پيمانو ته واقعي ناهي هوندو پر سمنڊ جي مشابهت به لاجواب آهي۔

 

[سليمان وساڻ]

اکيون به ته سمنڊ آهن ۔۔۔