۽ هاڻي دادو ۾ به بم ڌماڪو۔۔۔

[رشيد سمون]

”ملڪ پاڪستان ۾ جنگ جي صورتحال آهي۔۔۔“
اهي ڳالهيون روز روز سياستدانن کان ٻڌندا آهيون۔۔۔ جيڪي اهي به چوندا آهن ته ۔۔”هن دفعي اسان جو دشمن اسان منجهان ئي آهي۔۔۔۔ اسان جهڙو ئي آهي۔۔۔ جنهن کي ڳولڻ تمام مشڪل آهي۔۔۔“
انهي جنگ ۾ خاص طور ملڪ جي اترئين حصي ۾ خودڪش ڌماڪا يا بم ڌماڪا روز جا معمول ته بڻيل آهن پر ڪراچي سميت سموري سنڌ عرصي تائين محفوظ رهي آهي۔۔۔ پر 10 محرم تي ڪراچي ۾ ڌماڪي ۽ پوءِ امامن جي چاليهي جي موقعي تي لڳاتار ٻن ڌماڪن ڪراچي کي لوڏي وڌو۔۔۔ پر ڳالهه اڃان اتي ختم نه ٿي۔۔۔ هاڻي ته سنڌ جي مرڪزي حصي دادو شهر ۾ پڻ اڄ هڪ ڌماڪو ٿيو آهي۔۔۔
تازه ترين اطلاع مطابق 4 ماڻهن جي شهيد ۽ 20 ماڻهن جي زخمي ٿيڻ جا اطلاع آهن۔۔۔

دوستن کي ٻڌائيندو هلان ته دادو جنهن کي پيپلز پارٽي جو ڳڙه تصور ڪيو ويندو آهي ۔۔۔ ڇو ته هتان مرتضي ڀٽو پڻ پيپلز پارٽي جي پير مظهر الحق کان سيٽ کٽي نه سگهيو هڪ اهڙو شهر آهي جتي بنيادي سهولتون نه هئڻ جي برابر آهن۔۔۔ هتي جي سرڪاري اسپتال ۾ نه ڊاڪٽر ملندو آهي نه دوائون۔۔۔
ٻيو ته ٺهيو پر اسپتال ۾ پيئڻ لاءِ پاڻي پڻ ميسر نه هوندو آهي ۔۔۔ جيڪڏهن اهڙا واقعا ٿيڻ لڳا ته اسان جي اٻوجهه ماروئڙن جي واهر ڪرڻ وارو ڪير هوندو۔۔۔۔
هتان پيپلز پارٽي جا نمائندا هميشه وزير به ٿيندا رهيا آهن۔۔۔ ۽ لياقت جتوئي پڻ سنڌ جو وزير اعلي پڻ رهي چڪو آهي پر دادوءَ وارن جي تقدير نه تبديل ٿيڻي هئي سا نه ٿي۔۔۔
دادو خطرناڪ ايريا ته مشهور آهي پر هتي پيپلز پارٽي سميت ڪنهن به پارٽي ڪو وڏو ڪم نه ڪيو۔۔۔

دعا آهي ته هن ڪڙي امتحان ۾ الله پاڪ اسان سنڌين کي پنهنجي حفظ و امان ۾ رکي۔۔۔


تازه ترين اپڊيٽ لاءِ سنڌ ٽي وي لائيو ڏسو۔۔۔

[us]660271[/us]​

 

[عبدالستارچنا]

جواب: ۽ هاڻي دادو ۾ به بم ڌماڪو۔۔۔

اِنا لِله وَاِنا اِلَيه رَاجِعُون
اسانجي پياري شهر دادو جي تاريخ ۾ پهريون ڀيرو ٿيندڙ هن دهشتگردي ۾ شهيد ٿيندڙن لاءِ مان دعاگو آهيان ته رب پاڪ کين جنت ۾ جاءِ ڏئي آمين۔ ۽ سندن وارثن کي صبرِ جميل عطا ڪري۔
۽ زخمي دوستن کي جلد صحتياب ڪري آمين۔

ياالله اسانجي سونهاري سنڌ کي ڪهڙي نڀاڳي نظر لڳي وئي آهي۔ جو روز به روز ڪو نه ڪو
ڏکوئيندڙ واقعي ٻڌڻ ۾ ضرور ٿو اچي۔ اي منهنجا مَالڪ هن دَجالي دور ۾ اسانجي سونهاري سنڌ ۾ امن ۽ شانتي عطا ڪر پنهنجي خاص ٻاجهه فرمائي۔ ۽ هن واقعي ۾ جن به رَهزنن جو هٿ آهي انهن کي گرق ڪر آمــــــــــــين۔

يا الله توکي تنهنجي شان جو واستو آ مٺڙي محبوب صه جن جي صدقي اسانجي سونهاري سنڌ تي سنڌ جي ماروئڙن تي ۽ هن مُلڪ تي پنهنجو رحم فرمائي پنهنجي ٻاجهه فرمائي شال سنڌڙي آباد ھُجي سُکي سَتابي ۽ سائي ھُجي۔۔۔۔۔۔۔۔۔!!

ثــم آمــــين​

 

[رحيم بخش]

جواب: ۽ هاڻي دادو ۾ به بم ڌماڪو۔۔۔

الله تعالي پنهنجي حفظ ۾ رکي تمام تشويشناڪ حالات آهن دعا ڪيو ته هن فتنه ڦهلائيندڙن کي الله تعالي نابود ڪري جن پر امن شهرين جو امن برباد ڪري ڇڏيو آهي۔ اڄ اها ڳالهه ٻڌي تمام گهڻو صدمو رسيو ۽ فڪر پڻ ٿيو ته هن وقت اندورني سنڌ به امن نه رهيو آهي الله تعالي اهڙن ظالمن کي برباد ڪري جيڪي بيگناه ماڻهن کي شهيد ڪن ٿا ۔

 

[نثارابڙو]

جواب: ۽ هاڻي دادو ۾ به بم ڌماڪو۔۔۔

رب العالمين شهيدن جي وارثن کي صبر جميل عطا ڪري ۔۔۔
اسين سنڌ سلامت جي اڱڻ تان هن واقعي جي شديد مذمت ڪريونٿا ۔۔۔ حڪومت وقت جي وس وارن کان مطالبو ڪريون ٿا ته واقعي جي جاچ ڪري ڏوهين کي عبرتناڪ سزا ڏني وڃي ۽ متاثرين کي مناسب معاوضو ڏنو وڃي ته جيئن سندن پونئرن جي ان نقصان جو ڪجهه ازالو ٿي سگهي ۔۔۔

سنڌي قوم جي هڏ ڏوکي (قومپرست) سياسي پارٽين کان مطالبو ڪريونٿا ته هو به سنڌي سماج جي بچاءَ جا اپاءُ وٺن ۽ پنهنجو ڪردار ادا ڪري پاڻ ملهائن ۔۔۔ ٻي صورت ۾ ايئن ئي سمجهبو ته سنڌ جي ڳالهه ڪرڻ وارا صرف ڳالهين تائين محدود آهن ۔۔۔

 

[ڦلپوٽو فقير]

جواب: ۽ هاڻي دادو ۾ به بم ڌماڪو۔۔۔

تمام وڏو سانحو آهي الله پاڪ مرحومن کي جنت فردوس ۾ جڳهه عطا ڪري ۽ سوڳوارن کي صبر جي تلقين عطا ڪري

آمين

 

[عامرضياء چارڻ]

جواب: ۽ هاڻي دادو ۾ به بم ڌماڪو۔۔۔

آمين۔۔۔۔۔۔۔۔۔۔۔۔۔

 

[مظهرعلي]

جواب: ۽ هاڻي دادو ۾ به بم ڌماڪو۔۔۔

ادا رشيد سمون صاحب اوهان بلڪل صحيح لکيو آهي، مان پڻ دادو شهر جو رهواسي آهيان،
دادو ۾ بم لڳو آچر 14 فيبروري 2010 ، تقريبن صبع جو 10:45 وڳي سينيما چوڪ جي ڀرسان لڳو،
هن واقعي اسان کي حيران ڪري ڇڏيو، تقريبن 8 ماڻهو شهيد ٿيا ۽ 15 کان 20 تائين لڳ ڀڳ ماڻهو
زخمي ٿيا، الله تعالي اسان سڀني مسلمان کي پنهنجي رحمت ۾ رکي )آمين).


تازه ترين اپڊيٽ لاء ڪي ٽي اين نيوز لائيو ڏسو...................
http://www.ktntv.tv/livetv.htm