آرٽيڪل وزير اعظم جي خطاب مان

ميان صاحب جي خطاب مان...​

وزير اعظم اسلامي جمهوريه پاڪستان ميان محمد نواز شريف جو پهريون خطاب جنهن جو پاڪستان جي عام ماڻهون سياسي، سماجي توڙي مذهبي ۽ ڪاروباري حلقن ۾ بي چينيءَ سان انتظار ٿي رهيو هيو اهو خطاب پاڪستاني قوم لاءِ ڪهڙي نواڻ کڻي آيو؟؟ اهو سوال ميڊيا جي تمام سياسي ٺيڪيدارن ۽ سياسي اداڪارن جي پروگرامن جو مرڪز بڻيل آهي. مختلف ٽاڪ شوز ۾ سياسي اڳواڻ اچن ٻن وقفن ۽ 35 منٽن جي مٿي ماري کانپوءِ ڪلاڪ پورو ڪري اجازت وٺن. شايد هر وڏي واقعي کانپوءِ اهو پاڪستان جي سياست جو معمول آهي. ميان صاحب جي تقرير ۾ ڇا هيو ان جو ذڪر شايد ڪجهه لفظن ۾ ڪري سگهجي پر ڇا نه هيو ان جو ذڪر ڪندي ڪندي وقت لڳي ويندو. وزير اعظم ملڪ سان وابسطه هر طبقي جي ماڻهن جو اڳواڻ هوندو آهي خواهه اهو ملڪ ۾ هجي يا ملڪ کان ٻاهر هجي ، وزير اعظم هر ان منصوبي ۽ پراجيڪٽ جو ذميوار هوندو آهي جيڪو ڪنهن به ملڪ يا ڪمپنيءَ سان ڪيل هجي. مٿي ڄاڻايل ٻنهي نقطن جو ذڪر ان لاءِ ڪيو ڇالاءِ ته ميان صاحب پنهنجي تقرير ۾ عوام اندر نئين اميد جاڳائڻ بدران پنجن سالن تائين توانائيءَ جو انتظار ڪرڻ لاءِ چيو شايد هي اهو نواز شريف آهي جيڪو گذريل حڪومت کي هميشه پنج سالن جوطعنو هڻندي نظر ايندو هو. پنهنجي اليڪشن مهم جي تقريرن ۾ وڏي واڪي لوڊشيڊنگ کي ڪجهه مهينن ۾ ختم ڪرڻ جون ڳالهيون ڪندڙ ميان نواز شريف پنهنجي بطور وزير اعظم پهرئين ئي خطاب ۾ عوام کي پنج سال تائين عوام کي بجليءَ جي انتظار ڪرڻ جي ڳالهه ڪئي، ماضيءَ ۾ سياسي وير خاطر ٿر ڪول پراجيڪٽ تي ڪم بند ڪرائي اتي ڪم ڪندڙ ٻاهرئين ملڪن جي انجنيئز کي گرفتار ڪرڻ جو حڪم ڏيندڙ ميان نواز شريف اڄ ٿر ڪول پراجيڪٽ کي اهم منصوبي جو نالو ڏئي رهيو آهي، هاڻي ميان صاحب جي خطاب مان هڪ ڳالهه واضع ٿي ويئي آهي ته کين به پنج سال پورا ڪرڻا آهن جيڪڏهن سندن حڪومت ٻه ٽي سال ۾ ڪنهن وجهه سان ختم تي وڃي ۽ بجليءَ جو بحران ساڳيو ئي رهي ته پوءِ (اسلام آباد ۾ ملڪ سڪندر جي ايڪشن فلم جي ڊرامائي اختتام ٿيڻ کان پوءِ وانگر) سندن اهو موقف هوندو ته اسان پهريان ئي چيو هو ته اسان هڪ مڪمل Long Term Strategy پلان تيار ڪيو هو جنهن سان پنجن سالن اندر بجليءَ جو بحران ختم ٿي وڃي ها !! پر اسان کي ڪم ڪرڻ نه ڏنو ويو!!! ميان صاحب شايد هاڻي حالات اهڙا ناهن رهيا ته هاڻي ميڊيا وٽ سڀ ويڊيوز ۽ اخبارن جي ڪلپنگ محفوظ پيل آهي. جنهن موجب اوهان پهريان بجليءَ بحران 3 مهينن ۾ پوءِ 6 مهينا ، اليڪشن وارءِ آخري جلسي ۾ 1 سال ۽ الڪشن کٽن کانپوءِ 2 سالن ۾ بجلي بحران جي خاتمي جو وقت ڏنو هيو !!! ۽ هاڻي وازير اعظم ٿيڻ کان پوءِ سندس پهرئين ئي خطاب ۾ هن پنج سالن جو طويل انتظار ڪرڻ جو چئي ڇڏيو آهي . شايد سابق حڪومت تي تنقيد ڪندي ميان صاحب سوچيو هيو ته سندس وزير اعظم جي ڪرسيءَ تي ويهندي ئي هو هنگائي بنيادن تي لوڊ شيڊنگ کي ختم ڪرڻ جا حڪم جاري ڪندو!!! پر چوندا آهن ته جتي باهه لڳندي آهي اهو هنڌ سڙندو آهي.. خبر هاڻي پئي آهي جڏهن ذميواري ڪلهن تي آئي آهي. هڪ ٻئي ۽ اهم ڳالهه اها آهي ته ميان صاحب جي تقرير مان جيڪڏهن اهو اندازو لڳائجي ته سندس خطاب امريڪا جي فرمانبرداريءَ سان ڀرپور ۽ امريڪا کي خوش ڪندڙ هيو. ڇاڪاڻ ته ميان نواز شريف طالبان جي حوالي سان امريڪي پالسيءَ تي پورو پورو لهندي اها ڳالهه ڪئي تي if the Dialogue foils action will be started مطلب جيڪڏهن ڳالهيون ناڪام ويون ته ڀرپور رياستي طاقت جو استعمال ڪيو ويندو، اهو امريڪي پاليسيءَ جو حصو آهي ۽ امريڪا جو پاڪستاني حڪومت کان وڏي واڪي مطالبو پڻ رهيو آهي، ميان صاحب جي خطاب ۾ امريڪا جي وڏي ۾ وڏي خواهش ته پاڪستاني حڪومت پاڪ ، ايران گئس پائيپ لائين منصوبي کي پورو نه ڪري ، امريڪا جي ان خواهش تي پورو پورو لهندي ميان صاحب سندس تقرير ۾ توانائي بحران ۾ تڪڙي حل يعني پاڪ ايران گئس پائيپ لائين جو ذڪر ڪرڻ به مناسب نه سمجهيو. ميان صاحب جي تقرير جو مڪمل منظرنامو جي بيان ڪجي ته وزير اعظم جي ڪرسيءَ تي ويٺل هڪ بي وس انسان جيڪو روايتي موجب سابق حڪومت تي ڀرپور تنقيد ڪندي پوري قوم کي ملڪ جا مسئلا ڳڻائي رهيو هيو ۽ ميڊيا کان انهن مسئلن جي حل لاءِ تجويزون وٺي رهيو هيو، ۽ ملڪ جي مسئلن جي حل لاءِ 5 سالن جي غير مداخلتي ٽڪيٽ طلب ڪري هيو هيو.

عمران درويش سومرو
I_darvesh@yahoo.com

هلال پاڪستان​

​

عوامي آواز​

​

​

 

پاڻ ڪجهه چونداسون ته اوهان ئي چوندا ته چوي ٿو ۔۔۔ پر صرف ايترو ئي چئبو ته پاڪستان جي موجوده نظام ۾ چاهي الف هجي يا ب ۔۔۔ سڀ رڍون ٻوٿ ڪاريون ۔۔۔ اوهانکي ڪا اميد ڪنهن مان آهي ته بسم الله پر پاڻ کي نه ته پاڪستان مان ڪا اميد آهي ۽ نه ئي ڪو آسرو ۔۔۔ بس الله تعالا سنڌ جو حامي ۽ ناصر هجي ۔۔۔

سنڌي ۾ چوندا آهن ته: سياڻو ڪان ٻه ٽنگو ڦاسي ۔۔۔” سنڌ به انگريزن کان جان ڇڏائڻ خاطر اچي پاڪستان ۾ ڦاٿي ۔۔۔ انگريزن وٽ وري به ڪي اصول هيا پر هن ملڪ ۾ اصول ۽ عقل جي ڳالهه ڪرڻ ائين آهي ڄڻ آسمان ڏانهن منهن ڪري ٿڪون اڇلائڻ۔

بس ڙي سهڻا سائين ۔۔۔ هٿ مٿي آهن ۔۔۔ رب ۾ آسرو آهي