Don’t Send Error مان جند ڇڏايو ڪمپيوٽر تي ڪو خاص ڪم ڪندي اڪثر Don’t Send Error اچي ويندو آهي، ۽ بس اچي ئي ويندو آهي جنهن جي جواب ۾ ماڻهو چپ ڀڪوڙي ڪاوڙ مان هڪ ٿڌو شوڪارو ڀري Don’t Send تي ڪلڪ ڪبو آهي ۽ سڄي ڪيل ڪمائي تي پاڻي هارجي ويندو آهي، ڦوٽو شاپ، يوليڊ ۽ ڪورل ڊرا جو ڪم ڪندڙن سان ته اها جُٺ ٿيندي ئي رهندي آهي. اهو ايرر ونڊوز جي سي ڊي ۾ ڪجهه فائلون ڪرپٽ هجڻ جي ڪري ايندو آهي انهي ايرر جي ڪري نه صرف ڪمپيوٽر تي ڪم ڪندڙ گهڻو ڀوڳين ٿا سو اڄ ٿوري ڪوشش سان انهي ايرر کي هميشه لاءِ ختم ڪرڻ جي ڪوشش ڪريون ٿا. سڀ کان پهرين ماءِ ڪمپيوٽر تي رائيٽ ڪلڪ ڪري پراپرٽي ۾ وڃو جيڪا ونڊو کلي ان جي مٿين پاسي ايڊوانس تي ڪلڪ ڪريو جتان وري هيٺ موجود ايرر رپورٽنگ تي ڪلڪ ڪريو Error Reporting تي ڪلڪ ڪرڻ سان جيڪا ونڊو کلندي ان ۾ Disable Error Reporting تي ڪلڪ ڪريو ان جي هيٺ But Notify me when critical error تان چيڪ هٽايو. هاڻي اوڪي ڪريوس ۽ ڪمپيوٽر کي ري اسٽارٽ ڪريو.
اڪثر اهي مسئلا سامهون ايندا آهن ۔۔۔۔ بهترين حل ڳولهي ٻڌايو اٿو اميد ته اڳتي به ڪي سهڻا حل کڻي اسان جي رهنمائي ڪندا رهندا۔
هوئن ته اهڙن ايررس جا کوڙ سارا سبب ٿي سگهن ٿا پر اڪثر اهڙا ايرر ميموري ڪري ٿيندا آهن۔۔۔ ٿيندو اهو آهي ته ونڊوز ايڪس پي جي ڊيفالٽ سيٽنگ ۾ اهو سيٽ ٿيل هوندو آهي ته ريم جي گهڻي استعمال جي صورت ۾ سسٽم ميموري وڌائڻ لاءِ هارڊ ڊسڪ جو سي پارٽيشن مان ڪجهه حصو کڻي ريم طور استعمال ڪجي۔۔۔ ادا يونس طرفان اهڙن ايررس کي روڪڻ لاءِ سيٽنگ سمجهائي وئي آهي۔۔۔ پر جن دوستن وٽ اهو حل پائدار ثابت نه ٿئي ته مڪمل حل حاضر آهي۔۔۔ سڀ کان پهريان ڊيسڪ ٽاپ تي اچي ماء ڪمپيوٽر کي ساڄي پاسي ڪلڪ ڪري پراپرٽيز کوليوهتان ايڊوانسڊ ٽيب چونڊيو ۽ پرفارمنس سيڪشن منجهان سيٽنگ تي ڪلڪ ڪريو۔۔۔کلندڙ پرفارمنس آپشن منجهان ايڊواسڊ ٽيب چونڊيو جتان ورچوئل ميموري سيڪشن مان چينج بٽڻ تي ڪلڪ ڪريو۔۔۔ نئين کلندڙ ونڊوز منجهان No paging file کي ٽڪ ڪندي سيٽ بٽڻ دٻايو۔۔۔ ممڪن آهي هتي توهان کان سڪيورٽي ڪنفرميشن گهري وڃي۔۔۔ ييس بٽڻ تي ڪلڪ ڪندي اجازت ڏيو۔۔۔جنهن کان پوءِ سموريون کليل ونڊوز کي اوڪي پريس ڪندا بند ڪندا وڃو ۽ ڪمپيوٽر ريسٽارٽ ڪريو۔۔۔ٻيهر ڪمپيوٽر کلڻ تي ساڳيو عمل دهرايو۔۔ پر آخري کلندڙ ورچوئل ميموري واري ونڊوز منجهان هن دفعي System managed size تي ڪلڪ ڪندي سيٽ بٽڻ دٻايو اميد ته ٻڌايل سيٽنگ مڪمل ڪرڻ کانپوءِ ۽ ڪمپيوٽر کي ريسٽارٽ وٺڻ کان پوءِ اهڙي قسم جو ايرر مستقل ختم ٿي ويندو۔۔۔
