ڪجهه مهينا اڳ فيبروري جي 21 تاريخ گوگل طرفان ”ڪروم بڪ پڪسل“ رليز ڪري سڀني کي حيران ۽ پريشان ڪري ڇڏيو۔۔۔ ڇو ته ڪروم بڪ زبردست قسم جي هارڊويئر سان تيار ڪيل آهي۔۔ هي ٽچ اسڪرين ليپٽاپ آهي جنهن جي اسڪرين جي سائيز 9۔12 انچ آهي۔۔ جڏهن ته سندس وڌ کان وڌ ريزولوشن 1700x2560 آهي۔ گوگل وارن جو چوڻ آهي ته هن ليپٽاپ ۾ پڪسلز جو تعداد 239 پڪسلز في انچ آهي جيڪا ايپل جي ميڪ پرو ريٽينا کان به وڌيڪ آهي۔۔ ياد رهي ته ميڪ پرو ريٽينا جي اسڪرين جو سائيز 13 انچ ۽ پڪسلز جو تعداد 227 پڪسلز في انچ آهي۔۔۔ ڪروم بڪ پڪسل ۾ ”ٻٽي ڪور“ وارو Core i5 پروسيسر لڳل آهي جيڪو 15 گيگا هرٽز جي اسپيڊ تي ڪم ڪندو آهي۔۔ هن ۾ 32 گيگا بائيٽس جي سالڊ اسٽيٽ ڊسڪ ۽ 4 گيگا بائيٽ RAM پڻ موجود آهي۔۔۔ گوگل جي مطابق هن ليپٽاپ جي بيٽري لڳاتار پنج ڪلاڪ هلي سگهي ٿي۔۔ هوئن گوگل وارن ته نه ٻڌايو آهي ته هي ليپٽاپ ڪهڙي ڪمپني کان تيار ڪرايو ويو آهي پر سڀني ماهرن جو خيال آهي ته هن کي به Asus ئي تيار ڪيو هوندو جو ان کان اڳ گوگل نيڪسس 7 ٽيبليٽ پڻ ساڳي ڪمپني ٺاهيو هو۔۔۔ هن ليپٽاپ جي باڊي ايلومونيم سان تيار ڪئي وئي آهي ۽ ان تي اسڪرو ڪجهه اهڙي طرح لڳايا ويا آهن جو اهي نظر نه ٿا اچن۔ هن جو وزن سرف 53۔1 ڪلوگرام جيڪو سندس مقابلي ۾ موجود ميڪ بوڪ پرو ريٽينا کان ٿورو گهٽ آهي۔ هن جي ٿولهه به رڳو 2۔16 ملي ميٽر آهي۔ سالڊ اسٽيٽ هارڊ ڊسڪ سان گڏو گڏ گوگل ڪروم بڪ پڪسل خريد ڪندڙن کي هڪ ٽيرا بائيٽس تائين آن لائين ڪلائوڊ اسٽوريج به ايندڙ ٽن سالن تائين بلڪل مفت ملندي۔۔۔ ياد رهي ته ڪروم بوڪ جي گذريل ورشن سان گڏ به گوگل ٻن سالن تائين هڪ سو گيگا بائيٽس مفت اسٽوريج ڏني هئي۔۔۔ وڌيڪ تفصيل لاءِ هتي ڪلڪ ڪري وڊيو ڏسي سگهجي ٿي۔۔
