ڊاڪٽر اي ڪيو افغان

Dr. Abdul Qadir Chachar
M.Phil (SALU) Ph.D (Sindh)
Head
Islamic Studies Department
Govt: Islamia A&C College Sukkur
Mob: 03337238280


سيد گهراڻي ۾ جنم وٺندڙ ڊاڪٽر اي ڪيو (عبدالقدير قادر داد) ذات پات، رنگ نسل ۽ اونچ نيچ جي مت ڀيد کي ختم ڪرڻ لاءِ سيد سڏائڻ بجاءِ وڏن جي ديس جي نسبت ڪري ”افغان“ سڏائڻ پسند ڪيو.
سندس جنم پرائمري استاد قادرداد خان جي گهر ۾ ٿيو. هُن محنت، هوشياري ۽ استقامت ڪري وڏو مرتبو ۽ حيثيت ماڻي.
ڊاڪٽر صاحب B.E جي تعليم تي اڪتفا نه ڪئي، بلڪه اهڙي وقت لنڊن (برطانيه) مان Ph.D جي اعلي تعليم پرائي آيو جنهن وقت سهولتن جي اڻاٺ هئي ۽ سماج ۾ ان جو وڏو اتساهه به نه هو.
وطن دوست، وطن پرست ۽ قدردان ڊاڪٽر اي ڪيو افغان برطانيه، يورپ، امريڪا، ڪنيڊا وغيره جي آرائش، ٺٺ باٺ، ، ڌن ڌولت ۽ امن سڪون کي ڇڏي سنڌ موٽي آيو ۽ هتي علم جي شمع کي روشن ڪيائين. ڊاڪٽر صاحب جي سچائي ۽ محنت ڪري سنڌ يونيورسٽي جي انجنيئرنگ ڪاليج کي يونيورسٽي (مهراڻ يونيورسٽي ڄامشورو) جو درجو مليو.
موجوده دور ۾ ترقيءَ جون راهون تڪيندڙ هارين ۽ مزورن جو اولاد يا عام سنڌي نوجوان ڊاڪٽر صاحب جي شخصيت کي سامهون رکي محنت ۾ مڱن ٿي پون ته سنڌ مٿان جيڪي غربت، جهالت ۽ مصيبتن جا ڪڪر لامارا ڏئي رهيا آهن، اهي ڇٽجي پون.
مانواري قاضي خضر حيات صاحب جي ڪوششن سان اهڙي عظيم انسان کي خراج تحسين پيش ڪرڻ لاءِ هر سال پروگرام ٿين ٿا. جنهن ۾ عالم، اديب ۽ شاعر کين ڀيٽا پيش ڪن ٿا.
قاضي صاحب، ڊاڪٽر اي ڪيو افغان جي شخصيت ۽ خدمتن بابت ٽڙيل پکڙيل مواد گڏ ڪري ڪتاب صورت ۾ آندو آهي ۽ سنڌ جي عظيم ماڻهن بابت ڇپيل ڪتابن جي قطار ۾ هڪ بهترين اضافو ڪيو آهي. ان لاءِ قاضي صاحب جس لهڻو.
عوام چاهي خواص کي ڪتاب جي مطالع مان پنهنجي خاندان جي مستقبل روشن بڻائڻ ۾ مدد ملندي.



ڊاڪٽر عبدالقادر چاچڙ
اسسٽنٽ پروفيسر
گورنمينٽ اسلاميه آرٽس ۽ ڪامرس ڪاليج
سکر

 

ابا تون به نيٺ سنڌ سلامت تي اچين وئين ماشا الله وڌي واڙي لڳي ڀاڳ