زال ۽ مڙس ۾ جهيڙو جڏهن روز روز ننڍين ننڍين ڳالهين تان ٿيڻ لڳو ته ٻنهي فيصلو ڪيو ته ان جو اعلاج خاموشي آهي۔۔۔ فيصلي وارو ڏينهن گذريو رات ٿي ۔۔۔ اچانڪ مڙس کي ياد آيو ته صبح 5 بجي واري گاڏي ۾ کيس شهر هڪ اهم ميٽنگ لاءِ وڃڻو آهي۔۔۔ان سلسلي ۾ هن کي زال کي ٻڌائڻو هو ته کيس صبح جو 5 بجي ننڊ مان اٿاري۔۔۔پر هن نه پئي چاهيو ته پاڻ پهريان خاموشي ٽوڙي ۽ ويڙهه هارائي ان ڪري هن هڪ ڪاغذ کنيو جتي ”مهرباني ڪري مون کي صبح جو 5 بجي اٿارجان۔۔۔“ لکي اهڙي جڳهه تي رکيو جتي سندس زال وقت سر ڏسي سگهي۔۔۔ صبح ٿيو مڙس ننڊ مان اٿيو ۽ گهڙي تي نظر وڌائين ۔۔۔ صبح جا 9 وڄي رهيا هئا۔۔۔ مڙس جا ته تاڪ وڄي ويا۔۔۔ هن ڪاوڙ ۾ زال کي ڪجهه چوڻ ٿي چاهيو ته هن جي نظر بستري جي ڀرسان رکيل ميز تي موجود هڪ ڪاغذ تي پئي ۔۔۔ ڪاغذ تي لکيل هو۔۔۔ ”اٿو۔۔ صبح جا 5 ٿيا آهن۔۔۔“
جواب: خاموش ويڙهه۔۔۔۔ اڄوڪي تعمير سنڌ اخبار ۾ هي مضمون به ڇپيو آهي سائين رشيد صاحب جن جو، پر اخبار ۾ ليکک جو نالو ئي ٻيو لکيو ويو آهي!!!
جواب: خاموش ويڙهه۔۔۔۔ ادا طاهر صاحب تعميرِ سنڌ اخبار سنڌ سلامت جا موضوع رڳو اڄ نه پر روز شايع ڪندي آهي۔۔۔ کين کي نه صرف مواد ملندو آهي پر ان کي ايڊٽ ڪرڻ جي به ضرورت نه پوندي آهي۔۔۔ هڪ دفعي مون هڪ موضوع ۾ وڊيو ڏيڻ کان اڳ لکيو هو ته تفصيل لاءِ هن وڊيو کي ڏسندا۔۔۔ ۽ اخبار ۾ اهو موضوع به انهن آخري لفظن سميت لکيل هيو۔۔۔ باقي ڪنهن به ليکڪ جو ذڪر نه ڪندي آهي جو کين خبر آهي ته ائين ڪرڻ سان نه صرف فورم کي مفت ۾ اشتهار ملندو پر ڪاٿي کين تي سنڌ سلامت جي نمائندا اخبار جو ليبل نه لڳي وڃي۔۔۔ باقي ليکڪ جي نالي نه لکڻ جو مطلب ته توهان به سمجهندا هوندو۔۔۔ خير اسان ان ڳالهه تي خوش آهيون ته سنڌ سلامت جا ليک ان قابل آهن جو اخبارن جي زينت بڻجن۔۔۔ ۽ ٻيو ته اهي ليک اهي سنڌي به پڙهي سگهن جيڪي هن ٽيڪنالاجي جي دور ۾ به نيٽ کان پري آهن۔۔۔
