سُتي رات سنڌو منهنجي خواب ۾ آئـي

[عابد بلوچ]

سُتي رات سنڌو منهنجي خواب ۾ آئـي،
اچي ڪجھ چيائيـــن ۽ روئــــي ڏنائيــــن،
چيائين اڳوڻي نـ ڪا سهتي رهي آهـي،
نـ ڪا ملاحن جي ڪشتي رهي آهــي،
مان سازش وڏي سان سڪائي وئي آن،
مان پنهنجن هٿان بـ ستائــــي وئـــي آن،
مان پراون سان شامل پنهنجا ڏسان ٿي،
مان مهراڻ هوندي بـ صحرا لڳـــان ٿــــــي.

 

[ڏاڏل شينو]

آءُ سوچيندو آهيان
سمجهان ٿو هي سوچ غلظ آهي
پر سوچ ته آهي
منهنجي ڌرتي تي هي حڪم ڪنهنجو هلي ٿو
منهنجي ڌرتي تي ظلم ڪير ڪري ٿو
جڏهن مون هي سوال پاڻ کان ڪيو
مُڙي جواب منهنجي من مان
مونکي مليو
مان ئي ظالم آهيان ۔

 

[سليمان وساڻ]

اڙي سائين اهڙيون ڳالهيون نه ڪيو ۔۔۔ ٻوڏ اڃان هلي پئي ۔۔۔۔ ڇو ٿا ماڻهو مارايو