جهاندادسمون
سينيئر رڪن
ليکڪ: حبيب سنائي
اڄ ڪلهه هر گھر ۾ ڪمپيوٽر آهي. هر هڪ چاهي ٿو ته ان جي ٽائيپنگ اسپيڊ سٺي هجي. جيتوڻيڪ سوين ٽائيپنگ ٽيوٽوريل سافٽويئر به آسانيءَ سان دستياب آهن، پر پوءِ به اڪثريت انهن کي استعمالڻ نٿي گھري. ان نڪتي کي ذهن ۾ رکي هي مون انگريزي توڙي سنڌي ٽائيپنگ سکڻ جو ننڍڙو ٽيوٽوريل يا سکيا مواد ٺاهيو آهي. اميد ته نوان استعماليندڙ ان کي بغير ڪنهن استاد جي رهنمائي جي ڪم ۾ آڻي ٽائيپنگ سکي وٺندا.
هن ٽيوٽوريل ۾ ڏنل مشقن تي عمل ڪرڻ لاءِ اوهان کي ورڊ پئڊ يا مائڪروسافٽ ورڊ جي ضرورت پوندي. ان ڪري مائڪروسافٽ ورڊ جي ونڊو يا انٽرفيس وغيره تي به مختصر روشني وڌي ويئي آهي.
ڪتاب جي پهرئين حصي ۾ ڪمپيوٽر جي بنيادي ڄاڻ وغيره ڏني ويئي آهي. ۽ ٻئي حصي ۾ انگريزي ٽائيپنگ جا سبق ۽ مشقون آهن. ان حصي ۾ خطن جا حصا، قسم ۽ نمونا مختصر نموني سمجھايا ويا آهن. ان حساب سان هي ڪتاب اسانجي ادارن ۾ ڊپلومه آف ڪامرس پڙهندڙ شاگرد لاءِ به ڪارائتو اهي. ڪتاب جي ٽئين حصي ۾ سنڌي ٽائيپنگ سکڻ جو ٽيوٽوريل آهي. آخر ۾ ضميمي طور ايم بي سنڌي سافٽويئر انسٽال ڪرڻ جو طريقو ڏنو ويو آهي.
اوهان اگر هدايتن پٽاندر مشقن تي عمل ڪندائو، ته مهيني ٻن ۾ اوهان انگريزي توڙي سنڌي ٽائيپنگ سکي وٺندا.
شاگردن توڙي ماهرن کي پرزور گذارش ته پنهنجي راين کان مون کي آگاهه ڪن ته جيئن ايندڙ ڇاپي يا ورشن ۾ انهن جي روشني هن مواد کي سڌاريو وڃي.
ڊئونلوڊ لائي هتي ڪلڪ ڪجو
