وسرين به نٿي ، محبت جو قسم!

[راشد ميمڻ]

​

تون، جيڏين ۾ تارن ۾ قمر.​

تون، محفل ۾ نيڻن ۾ نظر.​

​

گلشن ۾ گلن جو عڪس، کلڻ،​

ڪينجهر تي هوا جو رقص، ٽلڻ.​

​

گفتار ۾ آ جهرڻن جي صدا​

رخسار ۾ آ ڪِرڻن جي ادا.​

​

خاموش مٿان، بيتاب اندر،​

بي هوش اکيون، باهوش نظر.​

​

ٻولين ته شهد، مشڪين ته شڪر،​

چپ چاپ ته پو تن من ۾ چڪر.​

​

وسرين به نه ٿي محبت جو قسم،​

جذبات،ڪشش، شدت جو قسم​

​

اِن مهتابي صورت جو قسم،​

۽ سيمابي فطرت جو قسم،​

۽ اڻپوري حسرت جو قسم، ​

موٽين به نٿي قسمت جو قسم.​

​

ها، قسمت جنهن جو انگ اٽل،​

هر گهاٽ عدم ۽ نام اجل.​

​

تون، جنهن ڏي مان تاڻي نه سگهيس،​

تاڻي نه سگهيس ، ماڻي نه سگهيس.​

​

تون، جنهن کي مان سمجهي نه سگهيس،​

پلٽي نه سگهيس پر پي نه سگهيس.​

​

تن تنهجي ۾ سهڻِ جي چمڪ،​

سسئي جي ڀڙڪ،​

مومل جي مهڪ،​

سورٺ جي سمڪ،​

تون ڏور تڪين تارو چمڪي​

نزديڪ اچين سورج اڀري،​

وسرين به نٿي ، محبت جو قسم!​

موٽين به نٿي قسمت جو قسم!​

 

[راشد ميمڻ]

​

تون، جيڏين ۾ تارن ۾ قمر.​

تون، محفل ۾ نيڻن ۾ نظر.​

​

گلشن ۾ گلن جو عڪس، کلڻ،​

ڪينجهر تي هوا جو رقص، ٽلڻ.​

​

گفتار ۾ آ جهرڻن جي صدا​

رخسار ۾ آ ڪِرڻن جي ادا.​

​

خاموش مٿان، بيتاب اندر،​

بي هوش اکيون، باهوش نظر.​

​

ٻولين ته شهد، مشڪين ته شڪر،​

چپ چاپ ته پو تن من ۾ چڪر.​

​

وسرين به نه ٿي محبت جو قسم،​

جذبات،ڪشش، شدت جو قسم​

​

اِن مهتابي صورت جو قسم،​

۽ سيمابي فطرت جو قسم،​

۽ اڻپوري حسرت جو قسم، ​

موٽين به نٿي قسمت جو قسم.​

​

ها، قسمت جنهن جو انگ اٽل،​

هر گهاٽ عدم ۽ نام اجل.​

​

تون، جنهن ڏي مان تاڻي نه سگهيس،​

تاڻي نه سگهيس ، ماڻي نه سگهيس.​

​

تون، جنهن کي مان سمجهي نه سگهيس،​

پلٽي نه سگهيس پر پي نه سگهيس.​

​

تن تنهجي ۾ سهڻِ جي چمڪ،​

سسئي جي ڀڙڪ،​

مومل جي مهڪ،​

سورٺ جي سمڪ،​

تون ڏور تڪين تارو چمڪي​

نزديڪ اچين سورج اڀري،​

وسرين به نٿي ، محبت جو قسم!​

موٽين به نٿي قسمت جو قسم!​