ـ سائي چانهہ جافائداـ تازو امريڪـي ڊاڪٽرن هڪـ ڪريم تيار ڪئي آهي جنهن لاء چيو وڃي ٿو تہ اها چمڙي جي ڪينسر کان بچائي ٿي ، ڇوتہ ان ۾ سائي چانهه بہ شامل آهي ـ سائي چانهہ مختلف بيمارين لاء مفيد آهي ، انهيءَ چانهہ سان ميٽابولزم جي رفتار تيز ٿيندي آهي ، امريڪي جائزي موجب کاڌي ۽ ورزش جي روزانہ جي طريقيڪار ۾ ڪابہ تبديلي ڪرڻ جي بغير فقط ڏينهن ۾ ٽي کان چار دفعا سائي چانهه پيئڻ سان روزانہ ٻہ سئو فالتو ڪيلريز ۾ لاٿ ٿئي ٿي ، ان جي پيئڻ سان رت ۾ کنڊ جي مقدار گهٽجي ويندي آهي ـ جيڪڏهن کنڊ جسم ۾ وڌيڪ هوندي تہ اها سڻڀ جي شڪل ۾ گڏ ٿي ڪري جسم کي نقصان رسائي ٿي انڪري کنڊ گهٽ ٿيندي تہ سڻڀ بہ گهٽ ٿيندو سائي چانهه سان جسم ۾ خطرناڪ ڪوليسٽرول يعني hdl گهٽ ٿيندوآهي ۽ جهن ڪري رت پٽڙو ٿيندو آهي ۽ ڄمندو نہ آهي جئين تہ اهو اسپرين جو ڪم ڪري ٿي ـ سائي چانهه جي روزانو هڪ ڪپ پيئڻ سان شگر جي مريض کي پڻ فائدو ٿئي ٿو ، جيري ۾فولاد جي مقدار وڌي وڃي تہ اهو اڪثر (وائرسي) ڳوڙهي جو سبب بڻجي ٿو سائي چانهه اسان جي جسم ۾ فولاد جي مقدار کي گهٽ ڪرڻ ۾ مدد ڪندي آهي ، جگر جي ورم جي صورت ۾ ان جو استعمال فائديمند آهي ، ان ۾ ڪينسر جي مرض جي جزن کي وڌڻ کان روڪڻ ۾ پڻ مدد ملندي آهي ـ انهي کانسوا سائي چانهه مان انساني جسم لاء بيشمار طبي فائدا آهن
جواب: سائي چانهہ جافائداـ تمام بهترين معلومات ونڊ ڪرڻ تي توهان جس لهڻو توهان جي اهڙي معلومات جو سنڌ سلامت کي انتظار رهندو
جواب: سائي چانهہ جافائداـ مهرباني ڀيڻ سٺي معلومات ڏني اٿوَ ۽ صحتمند زندگي گهارڻ اسانجو ديني ۽ معاشرتي فرض پڻ آهي ۔۔۔ اميد ته ان سائي چانهن واپرائڻ سان سنڌ سلامت جا دوست صحتمند ٿيندا ۔۔۔ منهنجي گهر واريءَ جي سهيلي جا پنجاه سالن جي عمر کان چڙهي هلي آهي، پر اڃان سلم ۽ سهڻي جسم جي مالڪ آهي۔ کائنس جڏهن سوال ڪيو ويو ته چيائين ته آءُ بس سائي چانهن جو استعمال ڪندي آهيان ۽ کير پتي نه پيئندي آهيان ۔۔۔ جنهن مان ثابت ٿيو ته سائي چانهن انسان کي سنهڙي ۽ سهڻي جسم رکڻ ۾ پڻ مدد ڪري ٿي ۔۔۔
جواب: سائي چانهہ جافائداـ اڪثر مون کي سائي چانهن روڪڻ لاءِ ڪيفيٽيريا ۾ ڪال ڪرڻي پوندي آهي۔۔۔ شروع کان ئي کير پتي پسند رهي آهي پر ادي شاهده توهان جهڙي تفصيل سان سائي چانهن جا فائده ڏسيا آهن ته لڳي ٿو ته هاڻي سائي چانهن ئي پيڻي پوندي پوءِ کٽي ذائقي کان بچڻ لاءِ ڀلي اکيون ئي ٻوٽي پيڻي پوي۔۔۔ بهترين لکڻي موڪلڻ لاءِ توهان جي مهرباني۔۔۔
جواب: سائي چانهہ جافائداـ محترمه شاهده سمون صاحبه سبز چانهن تي معلومات ڏيڻ جي مهرباني اميد ته اهڙي معلومات پوسٽ ڪنديون رهنديون ، هڪ ٻي تحقيق جو به ذڪر ڪندو هلان جيڪا مون پنهنجي ڪتاب علم الادويه ۾ به ڪيو آهي ته سبز چانهن جسم مان زهريلا مادا به خارج ڪندي آهي ۔ تازو جديد ريسرچ مطابق سبز چانهن السر ۾ به مفيد آهي جيڪوهيليڪو بيڪٽريا جي ڪري ٿئي ٿو ۔ پر منهنجي خيال ۾ هر السر يعني معدي جي زخم لاءِ انتهائي مفيد آهي
