هڪ ننڍي عمر جو ڇوڪرو هڪ پي سي او تي ويو جتي ڪولڊ ڊرنڪس جي سروس پڻ موجود هئي۔۔۔ هن دڪاندار کان هڪ ننڍو پيپسي جو ٽِن ورتو ۽ فون ڪرڻ لاءِ ٽوڪن ورتو۔۔۔ هن فون بوٿ ۾ ٽوڪن وڌو ۽ 7 نمبر پريس ڪيا۔۔۔۔۔۔۔ جيسين اڳيان ڪال رسيو ٿئي هن پيپسي جي ٽِن کي رسيور تي رکيو۔۔۔ ٿوري ئي دير ۾ ٻئي پاسي ڏانهن هيلو جو زنانو آواز آيو۔۔۔ ڇوڪري چيو۔۔۔ ”هيلو ميم۔۔۔! ڇا توهان مون کي پنهنجي گهر جي لان جي ڪٽنگ لاءِ ملازم رکندو۔۔۔؟“ عورت جواب ڏنو۔۔۔”پر ان لاءِ ته مون وٽ اڳي ئي ماڻهون موجود آهي۔۔۔“ ڇوڪري چيو۔۔۔”ميم۔۔۔ مان توهان جي لان جي ڪٽڻ لاءِ ان ماڻهونءَ جي مقابلي ۾ اڌ رقم وٺندس۔۔۔“ عورت وراڻيو۔۔۔”توهان جي مهرباني ۔۔۔ پر جيڪو ماڻهون هيئنر ڪم ڪري رهيو آهي۔۔۔ مان ان کان مطمئن آهيان۔۔۔“ ڇوڪري ان هوندي به منٿ جاري رکي۔۔۔ ڇوڪري چيو۔۔۔ ”ميم۔۔۔ مان توهان جي لان جي چوڌاري واري رستي کي ٻهاري پڻ ڏيندس ته جيئن آچر واري موڪل تي توهان جي گهر جو پارڪ خوبصورت نظر اچي۔۔۔“ عورت وراڻيو۔۔۔”توهان جي هڪ دفعو ٻيهر مهرباني۔۔۔۔ پر مان في الحال تبديلي نه ٿي چاهيان۔۔۔“ چهري تي مسڪراهٽ سجائيندي ڇوڪري رسيور ڪريڊل تي رکيو ۔۔۔ ۽ واپسي لاءِ مڙيو۔۔۔ پي سي او جو مالڪ جيڪو ڇوڪري جي پوري ڪال ٻڌي رهيو هو۔۔۔ ۽ ڇوڪري جي ڳالهائڻ ۽ قابليت کان متاثر ٿي لڳو۔۔۔ ڇوڪري کي چيائين۔۔۔ ”پٽ مان تنهنجي مثبت رويي کان متاثر ٿيو آهيان۔۔۔ ۽ مان توکي پاڻ وٽ نوڪري ڏيڻ لاءِ تيار آهيان۔۔۔۔“ ڇوڪري جواب ڏنو۔۔۔۔ ”سر توهان جي مهرباني۔۔۔ دراصل مان پنهنجي نوڪري جي ڪارڪردگي چيڪ ڪري رهيو هئس۔۔۔۔ ڪال تي موجود عورت جي باغيچي جي ڪٽنگ ڪندڙ ماڻهون مان ئي آهيان۔۔۔“
جواب: توهان جي عزت ئي توهان جي عظمت آهي۔۔۔۔ انکي چئبو آهي سيلف اسيسمنٽ Self Assessment يعني پنهنجي ڪارڪردگي ۽ شخصيت جي جاچ ڪري پنهنجين صلاحيتن جو ڪاٿو لڳائڻ ۔۔۔ اڄڪلهه جا تدريبي ۽ تعليمي ادارا اهڙي قسم جي سکيا ڏيندا آهن ته انسان پنهنجي پاڻ تورتڪ ڪري سگهي ۽ ان حساب سان اڳتي وڌي سگهي، آ٪ جڏهن سعودي عرب ۾ آيس ته منهنجو ڀا٪ءُ نوڪريءَ لئه مونکي مختلف دوستن وٽ وٺي ويو، سڀني دوستن چيو ته يار همراه ته پڙهيل لکيل آهي پر سنڌي ادب ۾ پڙهيو آهي ۔۔۔ هاڻ سعودي عرب جي ڪهڙي اداري ۾ سنڌي ڪم ايندي ۔۔۔؟؟؟ پوءِ مون پنهنجي ڀاءُ کي چيو ته جڏهن سنڌي ادب واري ڊگري پنهنجي ڌرتيءَ تي استعمال ڪري نه سگهيس ته پوءِ هت ڪيئن ڪري سگهندس؟ ۔۔۔ انجي قيمت بلڪل ڪاٽو آهي ۔۔۔!!! پوءِ مون سيلف اسيسمنٽ کان ڪم ورتو ۽ الحمد الله ڪامياب ٿيس ۔۔۔ انڪري پنهنجي تورتڪ ڪرڻ انتهائي ضروري هوندي آهي ۔۔۔ اڳتي وڌڻ لئه ۔۔۔ مهرباني دوست رشيد ۔۔۔۔
جواب: توهان جي عزت ئي توهان جي عظمت آهي۔۔۔۔ ادا واقعي پاڻ کي جاچڻ جوچڻ کپي ۽ ڏسجي ته اسان ڪيتري پاڻي ۾ آهيون. توهان تمام سٺي سهڻي ۽ نئين سمجهاڻي پيش ڪئي آهي. ادا رشيد صاحب عقل دانائي جو ن سمجهاڻيون مان پڻ ڏيندو به آهيان ۽ مون کي بيحد پسند آهن، ۽ مون ڪيتريون سمجهاڻيون پڙهيون آهن ۽ ٻڌيون آهن مگر ادا سچ پڇو ته مون لاء هي سمجهاڻي بلڪل نئين آهي۔ ۽ ان سان ملندڙ جلندر به ڪا سمجهاڻي مون ڪڏهن ناهي پڙهي۔ دل خوش ۽ باغ بهار ٿئي وئي۔ڀاء هڪ نئين ڳالهه اوهان سڄڻن کان سکياسين ان لاء مهرباني الله توهان کي هميشه آباد ۽ خوش رکي ۽ توهان جي علم ادب ۽ اخلاقيات ۾ برڪت فرمائي۔ آمين توهان ته دل قابو ڪري ڇڏي بقول شاه صاحب ڪَڙو مَنجِھ ڪَڙي، جِيئَن لُهارَ لَپيٽِيو؛ مُنھِنجو جِيُ جَڙي، سُپيرِيان سوگھو ڪَيو. اوهانجو ۽ سنڌ سلامت جو + پوري سنڌ، ۽ سنڌي ماڻهون جو دعاگو ممتاز علي وگهيو
جواب: توهان جي عزت ئي توهان جي عظمت آهي۔۔۔۔ مان وارا ابڙو صاحب مهرباني ڪري پنهنجي تعارف جي عنايت ڪريو اهو پڻ ٻڌايو ته اوهان سڄڻن جي مڪي پاڪ ۾ ڇا مصروفيت آهي
جواب: توهان جي عزت ئي توهان جي عظمت آهي۔۔۔۔ تمام بهترين نصيحت ڀري سمجهاڻي آهي ادا ته ماڻهو پاڻ کي جاچي ڏسي ته هو ڪيتري پاڻي ۾ آهي لاجواب ادا
جواب: توهان جي عزت ئي توهان جي عظمت آهي۔۔۔۔ سائين بيشڪ پنهنجي ڪارڪردگيءَ کي چيڪ ڪرڻ کان سواءِ بهتري به ماڻي ڪانه ٿي سگهجي، ڏاڍو سبق آموز قصو آهي۔۔۔ هتي مون کي مولا علي مشڪل ڪشا جو هڪ قول ياد اچي ويو ته جيڪو شخص رات ۾ بستر تي سمهڻ کان اڳ پنهنجي ڏينهن جي سمورن اعمالن جي تڪ تور نه ڪري ته اهو مومن نه آهي۔۔
