السلام عليڪم دوستو! اوهان کي خبر هوندي ته سنڌي ڪمپوزنگ ۾ سارٽنگ جو آرڊر موجود ناهي. ڪافي وقت اڳ جڏهن ’اياز شاهه‘ جو ڪي بورڊ استعمال ٿيندو هو، تڏهن هڪڙي ’سارٽنگ يوٽيلٽي‘ ٺهي هئي، جنهن ۾ سنڌيءَ جي سارٽنگ ٿيندي ته هئي، پر جيئن ته اهو ڪي بورڊ ’يونيڪوڊ‘ جي معيار تي نه هو، انهيءَ ڪري تمام گهٽ عرصو هليو. ڪجهه ڏينهن اڳ هڪڙي مهربان دوست وٽان ايم.بي سنڌي جي ڪي بورڊ تي ’سارٽنگ يوٽيلٽي‘ ملي، اُها اوهان سان شيئر ڪريان ٿو، ممڪن آهي ته وقت سر ڪنهن دوست کي ڪم اچي وڃي. ’سارٽنگ يوٽيلٽي‘ جو طريقيڪار سڀ کان پهريان اوهان مائڪروسافٽ ورڊ جو ڪو به فائل کوليو، جنهن ۾ اوهان کي سارٽنگ ڪرڻي آهي. ان کان پوءِ “Tools” مينو ۾ اچي“Templates And Add Ins” تي ڪلڪ ڪريو ۽ ان کان پوءِ Add کي ڪلڪ ڪريو. (وضاحت لاءِ هيءَ تصوير ڏسو) هاڻي پنهنجي ڊرائيو جي بيڪ اپ مان ’سارٽنگ يوٽيلٽي‘ وارو ٽيمپليٽ اپلاءِ ڪرايو. اها يوٽيلٽي اپلاءِ ڪرڻ سان اوهان جي اسڪرين تي هيءُ ميسيج ظاهر ٿيندو: اوهان هن کي Enable Macros کي ڪلڪ ڪندا. ان کان پوءِ مائڪروسافٽ ورڊ جي مينيو تي هن قسم جي ٽيمپليٽ ظاهر ٿيندي: هاڻي اوهان ان کي ڪلڪ ڪندا ته وري هيءُ مينيو ملندو: هاڻي اوهان مليل هدايتن تي عمل ڪندي Start Sorting کي ڪلڪ ڪريو. ٿوري دير کان پوءِ اوهان جي کُليل ڊيٽا هن يوٽيلٽي جي ذريعي ترتيبوار آرڊر موجب ٿي ويندي. سارٽنگ يوٽيلٽي هتان ڪاپي ڪريو
جواب: ايم.بي سنڌي سارٽنگ يوٽيلٽي سائين ابو واصف اوهان جي مهرباني جو اوهان تمام بهترين ٽول سنگت سان شيئر ڪيو آهي هڪ عرض ته سارٽنگ متعلق ٿورو مثال ڏئي سمجهائيندا ته اوهان جي وڌيڪ عنايت ٿيندي الله تعالي اوهان کي خوش رکندو۔
جواب: ايم.بي سنڌي سارٽنگ يوٽيلٽي مطلب ته سارٽنگ ڪهڙي بلا آهي ۽ ان سان ڪهڙا فائدا ٿيندا آهن؟ ۔۔۔ يار! ابو واصف اسين آهيون نانٽيڪنيڪل ماڻهون، ڳالهه کولي سمجهايو ۔۔۔لک ٿورا shal judy hujeen
جواب: ايم.بي سنڌي سارٽنگ يوٽيلٽي مڙني دوستن کي سلام! دوستؤ سارٽنگ مان مطلب آهي ته جملن جي ترتيب. مثال جي طور تي اسين ڪا ڊيٽا ڪمپوز ڪريون ٿا يا ڪا ٻي ڊيٽا هجي يا خاص طور تي سنڌيءَ ۾ ڪا ڊڪشنري هجي ۽ اسين ان جي ترتيب برقرار رکي نه سگهون، ته هن يوٽيلٽي ذريعي اها ترتيب بحال ٿي ويندي. نموني طور آئون هتي ڪجهه نالا لکي رهيو آهيان، جن کي اُن يوٽيلٽي ذريعي سارٽنگ (ترتيبوار) ڪري سگهجي ٿو. رشيد خليل نثار اسد جميل وگهيو ممتاز جادوگر رحيم بخش ڄامشورائي دوستؤ اوهان ڏسو ته هنن نالن ۾ الف ب جي ترتيب موجود ناهي. هاڻي جيڪڏهن اوهان اُن يوٽيلٽي کي سارٽنگ جي ڪمانڊ ڏيندؤ ته اها الف وارو نالو اڳ ۾ آڻيندي، پوءِ ب وارو نالو اهڙيءَ طرح ي تائين ترتيب پاڻ ڏيندي.
جواب: ايم.بي سنڌي سارٽنگ يوٽيلٽي سائين منهنجي خيال ۾ ايم ايس ايڪسل ۾ ته آلريڊي اهو آپشن آهي البته ورڊ جي خبر نه آهي بهر حال مهربانيlajwab-sharingshabash
جواب: ايم.بي سنڌي سارٽنگ يوٽيلٽي سارٽنگ مان مراد ترتيب ڏيڻ آهي۔۔۔ مثال طور توهان چار ڪالمن واري ٽيبل تي ڪجهه نالا سنڌي ۾ لکيا آهن ۔۔۔ هاڻي توهان چاهيو ٿا ته نالن جي ترتيب الفابيٽ وانگر هجي۔۔۔ يا وري توهان کي صرف ”ر“ سان شروع ٿيندڙ نالا کپن ۔۔۔۔ ظاهر آهي نالا جيڪڏهن سون جي تعداد ۾ هوندا ته ”م“ سان شروع ٿيندڙ نالن کي الڳ ڪرڻ ڏکيو ۽ ديرپا عمل آهي۔۔۔ پر سارٽنگ واري ڪمانڊ استعمال ڪري توهان اهو ڪم سيڪنڊن ۾ ڪري سگهو ٿا۔۔۔۔ لک ٿورا ادا ابوواصف جن جا۔۔۔۔ سچي به ته پنهنجي مصروفيت جي ڪري توهان پنهنجيون قيمتي لکڻيون فورم تي موڪلي نه سگهيا آهيو۔۔۔ جنهن جي ڪمي ڪافي ڏينهن کان محسوس پئي ٿئي ۔۔۔ پر اڄ ڪم جي يوٽيليٽي آڻي توهان اهو مثال ته ”دير آيد درست آيد“ تي پورا لٿو۔۔۔ پنهنجي مهربان دوست کي اسان جي طرفان کوڙ ساترا سلام ڏجو۔۔۔ ۽ کيس سنڌ سلامت بابت ٻڌائيندا۔۔۔ جيڪڏهن کين رجسٽريشن ۾ مسئلو ايندو هجي ته دور ڪندا ۔۔۔ توهان جي اها مهرباني به نه وسرندڙ هوندي۔۔۔
جواب: ايم.بي سنڌي سارٽنگ يوٽيلٽي سائين اوهان جي مهرباني جو اوهان تفصيل ٻڌايو ايڪسل ۾ ته اهو عمل اڳ ۾ ئي آهي ۽ تمام آسان به ليڪن ورڊ ۾ هي تمام ڪم جي شيء آهي الله اوهان کي سلامت رکي جو اهڙيون نادر شيون اسان سان شيئر ڪندا رهو۔
