ڪاري

[ابن قابل قاضي]

ڪاري

ابن قابل قاضي


کير کان اُجري، چنڊ کان پوتر،
وڻ هيٺان بيٺل جيڪا ناري هئي،
ماء ۽ ڀيڻ لاء پياري پياري،
پر پيء ۽ ڀاءُ لاء هو ڪاري هئي،

ڪنهن نـ ڏٺو هو ڪين ڪي ان کي،،
تنهن هوندي بـ هو ڪاري هئي،
کير کان اُجري، چنڊ کان پوتر،
وڻ هيٺان بيٺل جيڪا ناري هئي،

ڏوھ سندس فقط ھو ايترو،
جو ھڪ حصي ملڪيت واري هئي،
کير کان اُجري، چنڊ کان پوتر،
وڻ هيٺان بيٺل جيڪا ناري هئي،
shal judy hujeen

 

[رشيد سمون]

جواب: ڪاري

ڏوھ سندس فقط ھو ايترو،
جو ھڪ حصي ملڪيت واري هئي،
کير کان اُجري، چنڊ کان پوتر،
وڻ هيٺان بيٺل جيڪا ناري هئي،

ڪارو ڪاري تي بحث ته اسان جي صوبائي اسيمبلي ۾ به ٿيندو رهيو آهي جتي اسان جا پڙهيل نمائندا موجود هوندا آهن ۔۔۔۔ پر افسوس جو اتي به ڪاري ڪري مارڻ کي ڏوهه نه سمجهيو ويو۔۔۔
هڪ محتاط اندازي موجب پنهنجي نياڻين کي ڪاري ڪري مارڻ جو 80 فيصد ڏوهه ادا ابن قابل قاضي واضح ڪيو آهي۔۔۔
مهرباني ادا ۔۔۔ توهان جي وڌيڪ لکڻين جو پڻ انتظار رهندو۔۔۔

 

[نثارابڙو]

جواب: ڪاري

سائين ابن قابل قاضي صاحب جن جي سوچ ۽ لوچ مان خبر پوي ٿي ته هو سنڌ سان بي انتها پيار ڪنٿا، سندس سوچ ۾ سنڌ جا مسئلا ۽ انهنجو عڪس آهي، جنکي هو آزاد نظمن ۾ پروئي لفظن جي صورت ڏئي اسانکي آگاهه ڪرڻ جي ڪوشش ڪري ٿو ۔۔۔ سندس ڪي گهڻيون ڪاوشون ته ونڊ نه ڪيون اٿن پر جيئن ڪاري ۽ ڪلاچي، ٻنهي ۾ سنڌ جي اهم مسئلن طرف آڱر کنيل آهي ۔۔۔ هڪ سنڌ جا شهر جي ڌارين جي قبضي ۾ ايندا پيا وڃن ٻيو سنڌ اندر ٿيندڙ بيگناه عورتن جو قتل ۔۔۔

تمام سٺو ڀائڙا قاضي ۔۔۔ ايئن ئي چهنڊڙيون پائيندا رهو، من ڪا چهنڊڙي ڪم ڪري وڃي!!!