ڪاليج واري زندگي کان وٺي سنڌ ۽ سنڌي زبان جي جدو جهد ڪندڙ اهڙو نوجوان جنهن جتي سائين جي ايم سيد جي منشور کي قائم رکڻ لاءِ سن سميت سنڌ جي هر ماڳ تي پهچڻ کي لبيڪ ڪيو اتي ڪراچي جي وسندين ۾ سنڌي ڳوٺن کي جوڙڻ ۽ سنڌين کي ٻهراڙي جي پسماندگي کان شهر جي رونقن تائين پهچائڻ لاءِ هميشه ڪوششون ڪيون ۔۔۔ هڪ اهڙو نوجوان جنهن سنڌ جي حقن لاءِ ديوارن تي چاڪنگ کان وٺي پوليس ۽ فوج جي روايتي ظلمن جي اڳيان ڪالر کولي بيهڻ جهڙا ڪم ڪيا آهن۔۔۔ جي مان اهڙي جوڌي جو ذڪر ڪري رهيو آهيان جنهن سوين نه پر هزارين سنڌين کي ڪراچي جي مختلف ڳوٺن ۾ مفت رهڻ لاءِ ڌارين سان وڙهي پنهنجي مٽي جا مقام ڏياريا پر جڏهن سندس وارو آيو ته پنهنجي ڇپر ٺاهڻ لاءِ کيس سنڌ ڇڏي پرديس وسائي پيسا گڏ ڪرڻا پيا۔۔۔ جي ها دوستو مان سنڌ سلامت جي اهڙي مهربان جو ذڪر ڪري رهيو آهيان جنهن جو تعلق سنڌي ادب سان آهي سائين پاڻ به سنڌي ادب جا هيرا آهن پر سندن گهرواري ۽ سندن نياڻيون پڻ ادب سان لڳائو رکن ٿيون۔۔۔۔ سندن سهرو محترم شمشير الحيدري جن کان ڪهڙو سنڌي واقف نه هوندو۔۔۔۔ سنڌ سلامت جي رڪنن کي جنم ڏينهن جون واڌايون ڏيندڙ سائين نثار ابڙو جو اڄ جنم ڏينهن آهي۔۔۔ اڄ جڏهن سندن عمر پنجين ڏهاڪي کي لڳڻ واري آهي پر پاڻ اڄ به ڦوهه جواني ۾ لڳي رهيا ۔۔۔ اسان کين سندن سالگره جي موقعي تي سنڌ سلامت طرفان، سالگره جون واڌايون پيش ڪريون ٿا. اسان جي دُعا آهي ته پالڻهار کين وڏي ڄمار نصيب فرمائي. سائين جن جي سنڌ سلامت تي سندن رهنمائي هميشه قائم رهي ۔۔۔۔۔
جواب: جنم ڏينهن جون واڌايون ڏيندڙ کي واڌايون۔۔۔ سائين جن جي جنم ڏينهن تي اسان سندن صحت ۽ عافيت ۽ خوشحالي لاء الله تعالي جي در دعاگو آهيون ته شال سائين نثار جن پنهنجي اهل سميت سدائين خوش هجن ۽ خوشيون ونڊيندا رهن شال کين ڪوسو واء نه لڳي ۔ آمين۔
ابڙي صاحب کي جنم ڏينهن جون واڌايون هجن ابڙي صاحب کي جنم ڏينهن جون واڌايون هجن ادا ابڙا صاحب توهان کي اسان طرفان دل جي گهراين سان جنم ڏينهن جون واڌايون قبول پون۔ دعا آهي ته رب پاڪ توهان کي عمر دراز عطاء فرمائي۔ ۔ صحت ۽ تندرستي سان گڏ۔ ته جيئن توهان سنڌي ٻولي ۽ سهڻي سنڌ جي خدمت ڪندا رهو۔ وَسَنِ ۽ وَهسَنِ، ڏيهاڙِي ڏِسَڻَ لَءِ؛ ڏِسِي ڏِسِي آئِيُون، توءِ تَلاشُون ڪَنِ؛ ڍاپِيو نه ڍاپَنِ، پَسَڻَ مَنجھان پِرِينءَ جي
جواب: ابڙي صاحب کي جنم ڏينهن جون واڌايون هجن سائين نثار ابڙي صاحب کي فقير طرفان جنم ڏينهن مبارڪ هجي مون جي دعا آهي ته سائين جون ڏک تڪليفون الله پاڪ دور ڪري آمين
جواب: جنم ڏينهن جون واڌايون ڏيندڙ کي واڌايون۔۔۔ دوستو، لک ٿورا جو اوهين ايتري خلوص سان دعائون ڏنيون آهن ۔۔۔ سائين رشيد صاحب، روح جي راڻي رحيم بخش، مورن جهڙي دوست ممتاز وگهيي ۽ ڦلپوٽي فقير سائينءَ جيڪي دعائون ڏنيون آهن، انهن هن اڱڻ تي هر وقت رهڻ وارو ٿڪ ڀنڃي وڌو آهي ۔۔۔ ۽ نئين تازگي اچي وئي آهي ۔۔۔ جيتوڻيڪ وطن سنڌ ۽ سنڌين لئه محبت اسانجي فطرت جو هڪ ڀاڱو آهي، پر ڪي محبت جي اظهار ۾ تڪڙا هوندا آهن ته ڪي وري ٻاهر ٻاڦ نه ڪڍن واري مثال جيئان اندر ئي اندر ۾ ڪڙهندا آهن ۔۔۔ محبت جا ڪئي قسم آهن ڪجهه محبتن ۾ اندر ئي اندر ڪڙهڻ ۾فائدو هوندو آهي پر ڪجهه محبتون اهڙيون هونديون آهن جن ۾ عمل جي ضرورت هوندي آهي، اڳڀري ٿيڻ جي ضرورت هوندي آهي، وطن سان محبت به اهڙي ئي قسم جي آهي جنهن ۾ اسان سڀني کي ڦڙت ٿيڻ پوندو، اڳڀرو ٿيڻو پوندو ته جيئن محبوب وطن ترقي ڪندو رهي ۔۔۔ اڳ کان اڳرو ٿيندو رهي ۔۔۔ 4 مارچ جو ڏينهن هونئن به منهنجي ذهن تي چٽيل آهي انڪري نه ته ڪو منهنجو ڄم ڏهاڙو آهي پر انڪري جو پاڪستان ٺهڻ کانپوءِ جي سنڌ جي تاريخ کڻي پڙهندا ته هي ڏينهن، سنڌين جي ٻڌي ۽ جدوجهد جو هڪ نشان نظر ايندو ۔۔۔ سنڌي شاگردن جي بهادري ۽ ٻڌيءَ جا اهڃاڻ نظر ايندا ۔۔۔ ۽ اڄ جا تمام وڏا قومپرست ۽ جهونا سياستدان ان 4 مارچ واري ڏهاڙي جا هيرو نظر ايندا ۔۔۔ جن ايوبي آمريت خلاف هڪ مٺ ٿي رڻ ٻاريو هو ۔۔۔ ڄامشوري جي پل ان رڻ کي پنهنجي سيني ۾ سمائي ويٺي آهي ۔۔۔ وطن جي حب ايمان جو حصو آهي ۔۔۔ اچو ته پنهنجي ايمان جي ان ڌارا کي وهائي، پنهنجي وطن ۽ وطن واسين جي خوشحاليءَ لئه پنهنجو پاڻ ۾ ايمان جا جذبا جاڳائي ۔۔۔ هر هنڌ هر ڪم ۾ خلوص ۽ محبت پئدا ڪري، پنهنجي هي مختصر زندگي گذاري، رب العالمين جي آڏو سرخرو ٿي وڃون ۔۔۔ خلقڻهار سڄي سنڌ کي سرهو رکي ۔۔۔ آمين sindhsalamatsaathsal
جواب: جنم ڏينهن جون واڌايون ڏيندڙ کي واڌايون۔۔۔ نثار ابڙا سائين شل جُواني ماڻِي۔ هي نثار تو نثار مٿان سدائين قربان ٿئي۔ جنم ڏينهن جون واڌايون توکي ته ڏيندس ئي ڏيندس، پر ڪڏهن ڪڏهن تنهنجي پرتو ۾ مان پنهنجي پاڻ کي ڳولي وٺندو آهيان، مٺا تون به نثار آهين ته مان به نثار آهيان، هڪ ٻي کي ڳولي لڌو اٿئون۔ تنهنجا خيال تنهنجون سوچون جڏهن مان مهمان بڻجي سنڌ سلامت تي پڙهندو آهيان ، پنهنجي دل کان ڪري ڀائيندو آهيان، دل بي اختيار چوندي آهي، ته جيڪو نثار ابڙو لکيو آهي، اهو ته مان به لکڻ ٿي چاهيو، جڏهن تنهنجي لفظن جي گهاڙيٽن ۽ جُڙاءُ جو مشاهدو ڪندو آهيان ته تون مونکان هزارين ڀيرا اڳرو نظر ايندو آهين، ايترو ته اڳرو جو ائين سمجهندو آهيان تون آسمان وانگر تمام مٿاهون ۽ مان ڌرتي جي هڪڙي ننڍڙي صفا پتڪڙي ٽڪري جيترو، اڄ تنهنجو جنم ڏينهن آهي، مان تنهنجي انهن لفظن کي گهٽ ۾ گهٽ 10 ڀيرا پڙهيو آهي جيڪو تو منهنجي جنم ڏينهن جي موقعي تي مونکي ارپيا هُئا، اهي لفظ ڇا هُئا گُلاب ، هُئا، موتيا هُئا، مُگرا هُئا، ڪنول هُئا، انهن لفظن ۾ سنڌ جي سرهي مٽيءَ جي خوشبو هُئي، ها ها دوست تو مونکي انهن لفظن ۾ ايترو ته پيار ڏنو هو جو تو مونکي اُستاد ڪري ليکيو هو، او ڌرتي ڄاوا مان ته هڪڙو معمولي شاعر جيڪو صرف لفظن جي هير ڦير ڪرڻ ڄاڻي باقي تون ڪهاڻي ڪار هر اڇي ۽ ڪاري تي تنهنجي نظر، تنهنجي هر لفظ ۾ رات جي راڻيءَ جي خوشبو، تنهنجي هر پيغام ۾ ايتري ته گهرائي رکيل آهي، جو هماليه جبلن واري قطارن جو هزارين ٽڪريون ڪنهن اونهي سمنڊ جي وهڪرائي ۾ ٻُڏي وڃن پر تنهنجي بي لوث پيغامن جي گهرائي جو ڪاٿو نٿو لڳائي سگهجي، مٺا مونکي متان روڪين مونکي چوڻ ڏي ته تون گُلن جي ماٿري ۾ پليل اهو گُلاب جو گُل آهين جنهن جو سُڳند جنهن جو هُڳاءُ ڪڏهن به جهڪو ٿيڻو ناهي، مٺا نثار ابڙا، مونکي ته اهي لفظ ئي ڪونه ٿا ملن جيڪي تنهنجي جنم ڏينهن تي توکي ارپيان، بس اها دُعا ٿو ڪريان ته هر جنم جو ڏينهن تو لاءِ محبتن جون نت نيون واديون کڻي اچي، تولاءَ پيار جا اهي پل کڻي اچي جيڪي تنهنجي ۽ تنهنجي سڀني پيارن کي صرف خوشيون ئي خوشيو سونپي الله سائين توکي ۽ تنهنجي پيارن تي سدائين پيار جي پالوٽ وسائي، سدائين سکيو ستابو هُجين ۔(آَمين) هِتان کڻي هُت جن رکيو سي رسيون، ساجن سونهن سُرت! وِکان ئي ويجهو گهڻو !! تون سپڙ آئون سيڪڙو تون ڏاتار آئون ڏوهه تون پارس آئون لوهه جي سڃين ته سون ٿيان (شاهه سائين)
جواب: جنم ڏينهن جون واڌايون ڏيندڙ کي واڌايون۔۔۔ سائين نثار ابڙو صاحب۔۔۔ اوهان جي اهڙن لکيل لفظن جي گهرائي کي پهچڻ اسان جي وس کان گهڻو پرتي آهي، پرسچ چئجي ته دل کي اهو محسوس ٿئي ٿو ته شايد پراڻن جنمن جي سڃاڻپ رهي چڪي آهي، ايئن ٿو محسوس ٿئي ته توهان جي اندر ڪنهن انقلابي اڳواڻ جو دل آهي، اهو انقلابي اڳواڻ جيڪو پنهنجي هر جنم ۾ رياستي ڏاڍ، ظلم، نفرت ۽ معاشي استحصال خلاف حق جي لاءِ ڏاڍن سان ويڙهه ڪندو آيو هجي ۽ پوءِ مون کي محسوس ٿيندو آهي ته مان به شايد اوهان جي انقلابي اڳواڻيءَ ۾ ڏاڍ خلاف انهن معرڪن ۾ شامل رهيو آهيان۔۔۔۔ سائين اوهان کي بس هيترو چئي مان جنم ڏڻ جي مبارڪ باد ڏيندس ته۔۔۔ هجي سال هزارين ڏينهن جو، هر ڏينهن هزارين لمحن جو۔۔ تون اهڙا هزارين سال جيئين، آهي گفتو هي مسڪينن جو۔
جواب: جنم ڏينهن جون واڌايون ڏيندڙ کي واڌايون۔۔۔ سائين نثار ابڙو صاحب، اوهان جي جنم ڏينهن جي موقعي تي دل جي گهراين سان کوڙ ساريون دعائون ۽ نيڪ تمنائون۔۔ ڌڻي در دعا آهي ته توهان کي صحتمند ۽ وڏي ڄمار نصيب ٿئي۔۔
جواب: جنم ڏينهن جون واڌايون ڏيندڙ کي واڌايون۔۔۔ پيارا دوست ناز سائين! مون ۾ آهين تون، تو ۾ آهيان مان ۔۔۔ بيشڪ اسين الڳ ناهيون، اسانجا سک ساڳيا، ڏک ساڳيا، ٻولي ساڳي، ڌرتي ساڳي، ثقافت ساڳي ته پوءِ تون ۽ مان جا سڀ پنڌ پورا ٿي وڃنٿا ۔۔۔ اوهانجي لفظن جنهن جاءِ تي اکين ۾ آب آڻي ڇڏيو، ساڳي جاءِ تي خوشي اها ٿي ته آءُ ڪيترو نه خوشنصيب آهيان جو اوهان جهڙا دوست مليا آهن ۔۔۔ شڪرگذار آهيان پنهنجي رب العالمين جو ۔۔۔ ننڍي لئه هڪ آکاڻي پڙهي هئي ته ”هڪ مصور نقل ڪري تصويرون ٺاهيندو آهي ته سندس استاد اهي سڀ تصويرون ٿڏي ڇڏيندو آهي ۽ کيس چوندو آهي ته جي سچو مصور ٿيڻ چاهين ٿو ته اندر مان تصويرون پئدا ڪر ۔۔۔“ دوست ناز! اوهانجي اندر مان يا منهنجي اندر مان يا ڪنهنجي اندر کان به جڏهن ڪو سچ نڪرندو آهي ته اهو پنهنجو هڪ حسن پاڻ سان کڻي ايندو آهي، هڪ روشني پاڻ سان کڻي ايندو آهي ۔۔۔ انڪري جڏهن ڪڏهن به اسين پنهنجي پوري سچائيءَ سان اندر جي ڳالهه ڪندا آهيون ته اهي حسن جا مجسما ٺهي پوندا آهن ۔۔۔ ۽ پنهنجو اثر ڪري ويندا آهن ۔۔۔ بس دعا ڪريو ته اسانجي اندر جو سچو انسان هميشه سجاڳ رهي ۔۔۔ shal judy hujeen
جواب: جنم ڏينهن جون واڌايون ڏيندڙ کي واڌايون۔۔۔ سائين قبلا اوهان ٻئي اسان جي لاء مان وارا آهيو جهڙا اوهان جا پيارا نالا اهڙيون اوهان جو تحريرون ،اوهان جون لکڻيون اسان لاء مشعل راه آهن اسان جون دعائون اوهان سان گڏ آهن بس رب ڪريم اوهان جي جذبن کي حقيقت جي چادر ڍڪائي. خوشيون ۽ غم انسان جي زندگيء جو حصو هوندا آهن ڪڏهن ڪڏهن ڪي لفظ اهڙا ته لطيف احساس اڀاريندا آهن جو تنهائي ۾ رئاري وجهندا آهن ڪڏهن وري ڏک واري ماحول ۾ محبتي محبوبن جا لفظ منهن تي مرڪ آڻي ڇڏيندا آهن انهن مان محسوس ٿيندو آهي ته هي لفظ واقعي دل جي تمام گهري وادي مان نڪتل آهن تڏهن ته انهن ۾ اهڙو سرور ۽ سوز آهي اوهان بزرگن جي گفتگو به ڪڏهن اهڙا احساس اڀاري وجهندي آهي۔ الله تعالي اوهان کي خوش رکي شاد رکي اوهان جي اهل و عيال کي بهار جي گلن جيان تر و تازو رکي سڀني مسلمان کي رب پاڪ پنهنجي حبيب جي صدقي شاد و آباد رکي۔ آمين
جواب: جنم ڏينهن جون واڌايون ڏيندڙ کي واڌايون۔۔۔ سهڻا دوست ميرجت؛ ايتري ڊگهي عمر جي دعا ڏئي ڪجهه سوچ ۾ وجهي ڇڏيو اٿئي، هن زندگيءَ جا هي مختصر ڏينهن به فراق واري هن حالت ۾ ڊگها پيا لڳن ته اوهان وارن ڄاڻايل ڏينهن کي گذارڻ سان ڪهڙي حالت ٿيندي؟ دوست اوهانجي اندر ۾ جيڪو انسان آهي اهو پڻ انتها جو محبِ وطن آهي انڪري اوهانکي هر محب وطن پنهنجو ساٿي لڳي ٿو ۔۔۔ جهڙا روح تهڙا ختما ۔۔۔ بيشڪ اسانجو رشتو جنمن کان به گهڻو مٿاهون آهي، شاهه چواڻي تڏهن جو رشتو آهي؛ الست بربڪم، جــڏهن ڪـــــن پيـوم، قالو بلي، قلب سين تڏهن تت چيـــــوم، تنهن وير ڪيوم، وچن ويڙيهيچن سين۔ رب العالمين اوهانکي پنهنجن پچڙن سميت، آباد ۽ شاد رکي ۔۔۔ آمين shal judy hujeen
