80 سال جو پوڙهو پيء صوفي تي پنهنجي گهر ۾ پنهنجي اعلى تعيلم يافته نوجوان پٽ سان گڏ ويٺو هو۔ اچانڪ هڪ ڪانء ڀت تي اچي ويٺو . پيء پٽ کي چيو هي ڇا آهي؟ پٽ جواب ڏنو هي ڪانء آهي. چند منٽ ترسي وري پيء پڇيو هي ڇا آهي؟ پٽ جواب ڏنو ته بابا مون هاڻي توهان کي ٻڌايو ته هي ڪانء آهي. ٿورو ترسي وري ٽيو ڀيرو پوڙهي پيء پڇيو هي ڇا آهي ؟ پٽ هن ڀيري ڪجهه لهجو ڪڙڪ ڪندي چيو هي ڪانء آهي ڪانء.. وري ٿوري ترسي جهوني پيء چوٿون ڀيرو پٽ کي مخاطب ٿيندي چيو هي ڇا آهي؟ هن ڀيري پٽ تمام زور دار آواز ۾ پيء تي ناراض ٿيندي چيو ڇا لاء ساڳيو ئي سوال مون کان بار بار پڇي مون کي تنگ ڪري ڇڏيو اٿوَ هالانڪ توهان کي ڪيترا ڀيرا ٻڌائي چڪو آهيان ته هي ڪانء آهي... ڇا توهان کي اها ڳالهه سمجهه ۾ نه ٿي اچي. ٿوري دير ترسي پوڙهو پيء اندر ڪمري ۾ ويو ۽ هڪ پراڻي ڊائري کڻي آيو جيڪا هن پنهنجي پٽ جي پيدا ٿيڻ واري ڏينهن کان شروع ڪئي هئي . هڪ صفحو کولي پٽ کي چيائين هي پڙهه . جنهن ۾ لکيل هو ته: اڄ منهنجي پٽ جيڪو ٽن سالن جو آهي مون سان گڏ صوفي تي ويٺي جڏهن هڪ ڪانء ڀت تي ويٺي ڏٺو ته منهنجي پٽ مون کان 23 ڀيرا پڇيو ته هي ڇا آهي؟ ۽ مان هن کي 23 ئي ڀيرا پيار مان جواب ڏيندو رهيس ته پٽ اهو ڪانء آهي. سبق : والدين ننڍي هوندي پنهنجي اولاد سان ايترو پيار ڪندا آهن سندن هر انگل پورو ڪرڻ جي ڪوشش ڪندا آهن سندن هر سوال جو جواب محبت سان ڏيندا آهن ليڪن ساڳيو پيء پوڙهو ٿي اهو انگل جيڪو ننڍي هوندي سندس پٽ ساڻس ڪيو هو، ڪري ٿو ته پٽ ان کي بيوقوف سمجهي ان کي نظر انداز ڪري ٿو ڇڏي يا ان کي جهڻڪي ٿو ، اها اولاد جي بي پرواهي رب جي ناراضپي جو سبب بنجي ٿي انڪري سڀني کي پنهنجي والدين جو احترام ۽ عزت ڪرڻ گهرجي. سندن هر جائز خواهش پوري ڪرڻ جي ڪوشش ڪرڻ گهرجي . الله ۽ الله جي حبيب جو اهوئي فرمان آهي۔
جواب: والدين جو احترام ضروري آهي۔ بيشڪ سائين رحيم بخش، رب العالمين اسان سڀني کي پنهنجن والدين ۽ بزگن جي عزت ڪرڻ جي توفيق ڏي ۔۔۔ جيتوڻيڪ اها ڪهاڻي اڳ به ٻڌل هئي پر اڄ هن اڱڻ تي اوهانجي لفظن ۾ پڙهي اکين ۾ ڳوڙها اچي ويا ۽ رب العالمين کان دعا گهري ته جيڪي پنهنجي والدين جي شان ۾ گستاخيون ٿيو آهن اهي معاف ٿين ۔۔۔ دوستو! اسين پنهنجن والدين جي جيئري هجڻ وقت شايد انهن جي اهميت جو ڪاٿو نه ڪري سگهندا آهيون پر جڏهن هو رحلت ڪري ويندا آهن ته پوءِ احساس ٿيندو آهي ته ڪيڏو نه گهاٽو وڻ اسانجي مٿان ڇانوَ ڪري بيٺو هو ۔۔۔ انهن جي وڃڻ کانپوءِ اسين پاڻ کي تتي اسي ۾ محسوس ڪندا آهيون ۔۔۔ ان گهاٽي وڻ جي آبياري ڪندو رهجي ۔۔۔ موت ته برحق آهي پر جيستائين اهو وڻ آهي ته انجي ڇانوري جي شڪرگذاري جا گل نڇاور ڪندو رهجي ۔۔۔ دنيا ۽ آخرت سنوارجي ۔۔۔
جواب: والدين جو احترام ضروري آهي۔ ڀا٪ءُ سلطان! سون تي سهاڳو آهي هيءَ وڊيو، 19 ۽ 20 جي فرق سان ساڳي ڳالهه آهي جا ادي رحيم بخش لفظن ۾ ٻڌائي ۽ اوهان وڊيو ۾ پيش ڪري ڳالهه مڪمل ڪري ڇڏي ۔۔۔ اڄ ڪجهه اکڙين ۾ رهيل پاڻي هو سو وڊيو سبب وهي نڪتو ۔۔۔ شال جڙيل هجين
جواب: والدين جو احترام ضروري آهي۔ بلڪل۔۔۔۔۔۔۔۔۔ ادا نثار توهان صحيح چيو ۔۔۔۔۔۔۔ اکين پنهنجا ڳوڙها ڳاڙي احساس ڏياريا۔۔۔ سائين رحيم بخش جي هن لاجواب ونڊ کي ادا سلطان جي وڊيو جانداري ڪري ڇڏيو۔۔۔
جواب: والدين جو احترام ضروري آهي۔ ادا رحيم بخش تمام شاندار ونڊ پڙهائِي ان کان پوءِ پياري سلطان انهي ساڳي ڳالهه جي وڊيو شيئر ڪري اسان جي دل تي صدين کان لڳل ڪٽ کي اسان جي اکين مان وهيل ڳوڙهن ذريعي نهايت ئي خوش اسلوبي صاف ڪري ڏيکاريو، الله سائين هر پُٽ توڻي نياڻيءَ کي پنهنجي پوڙهن والدين سان پيار ڪرڻ ۽ انهن سان محبت سان پيش اچڻ جي توفيق عطا فرمائي (آمين) مهرباني ادا رحيم بخش ۽ تمام گهڻا ٿورا ادا سُلطان توهان جا۔۔۔۔۔۔۔
