ايپل، بليڪ بيري، سامسنگ، نوڪيا، ايڇ ٽي سي ۽ سامسنگ وغيره جهڙيون بين الاقوامي ڪمنيون اڄ ڪلهه بهتر کان بهتر سمارٽ فونز پيش ڪرڻ جي ڪوششن ۾ رڌل آهن۔۔ اهڙن سمارٽ فونز ۾ طاقت ور آپريٽنگ سسٽم جيئن ايپل آئي او ايس، گوگل اينڊروائيڊ ۽ ونڊوز وغيره استعمال ڪيو پيو وڃي۔۔۔ انهن آپريٽنگ سسٽم ڪري استعمال ڪندڙ پنهنجي سمارٽ فون تي گيمز کيڏي سگهي ٿو، گانا ٻڌي سگهي ٿو، تصويرون ڪڍي ايڊيٽنگ ڪري سگهي ٿو، انٽرنيٽ استعمال ڪري سگهي ٿو، فلمون ڏسي سگهي ٿو ۽ وڊيو چيٽ ڪرڻ کان علاوه ٻيا به کوڙ سارا ڪم ڪري سگهي ٿو۔۔۔
موبائيل فون لاءِ وڌ کان وڌ فيچرز ۽ ڪارڪردگي کي عمده رکڻ لاءِ آپريٽنگ سسٽم بنائڻ دوران جيڪو اهم سوال بار بار اٿندو آهي سو آهي موبائيل فون جي بيٽري متعلق۔۔ هڪ عام موبائيل فون يا سمارٽ فون جي بيٽري ايتري اهم شي آهي جو ڪمپني کان وٺي استعمال ڪندڙ تائين ان جي متعلق هر وقت تشويش جو شڪار رهندا آهن۔۔۔
اڄ ڪلهه سمارٽ فونز جو زمانو آهي۔۔ سسمارٽ فونز پنهنجي بي شمار، دلڪش فيچرز ڪري هر خاص ۽ عام ماڻهن کي پسند آهن پر انهن جو سڀ کان اهم مسئلو بيٽري آهي۔۔ هڪ سمارٽ فون جي بيٽري عام طور هڪ ڏينهن کان ٻن ڏينهن تائين هلندي آهي۔۔۔ ان کان پوءِ ان کي ريچارج ڪرڻ جي ضرورت پوندي آهي۔۔۔
جيسيتائين هارڊ ويئر ۾ تيزي سان ٿيڻ واري ترقي اسان جي ضرورت مطابق اسان کي بيٽري نه مهيا ڪندي تيسين تائين اسان کي پنهنجي سمارٽ فون جي بيٽري جي زندگي کي بهتر بنائڻ لاءِ ان جي حفاظت ڪرڻي پوندي۔۔۔ بيٽري ۾ موجود توانائي کي اسان منظم طريقي سان استعمال ڪري ان کي ضايع ٿيڻ کان بچائي سگهون ٿا۔۔۔ ته جيئن اسان کي هر وقت چارجر يا اضافي بيٽري گڏ رکڻ جي ضرورت نه پوي۔۔ ٿوري توجه سان بيٽري جي اضافي استعمال کي بچائي سگهجي ٿو۔۔۔
هن موضوع ۾ ڪوشش رهندي ته توهان اهڙين ٽپس سان آگاهي ڏجي ته جيئن توهان پنهنجي سمارٽ فون جي بيٽري هر وقت ڪارآمد حالت ۾ رکي سگهو۔۔۔
