عشق تکي ڪنهن ڪنڊي وانگي

[عباس ڪوريجو]

عشق تکي ڪنهن ڪنڊي وانگي​

مَنُ پٿريلي ڳنڍي وانگي​

​

منهنجي دل آ بينڪ تجوري​

تنهنجي اک آ غُنڊي وانگي​

​

توکي پورو ڪونه ڍڪيو،​

پاجامي ڪنهن لُنڊي وانگي​

​

ضد تي آيو مور نه مڙندو​

جوڌو وڌندو منڊي وانگي​

​

هردم واءُ ۾ جهُلبو رهبو​

آزادي جي جهنڊي وانگي​

​

ڪنڌ ۾ پورو توکي ايندم​

ڦاهيءَ جي ته ڦنڌي وانگي​

​

وڌندو رهندو عشق هي منهنجو​

ميمڻ، شيخ جي ڌنڌي وانگي​

​

ڌرتيءَ دشمن لئه ٿي ڏينڀو!​

ڏنگ هڻ تنهن کي ڏنڊي وانگي​

​

ڊاهي توکي ٻيهر لکبو​

واڻيي واري کنڌي وانگي​

​

دشمن کان دڳ پڇبو ناهي،​

هلجي توڙي انڌي وانگي​

​

سڀ کي ڪين عباس پسند آ​

ڇوڪر مچلي چنڊي وانگي.​

​

​

​

​

 

[سليمان وساڻ]

واهه ۔۔۔۔ خوبصورت سٽون

دشمن کان دڳ پڇبو ناهي،
هلجي توڙي انڌي وانگي

 

[عباس ڪوريجو]

لک ٿورا تخليق کي پسند ڪرڻ لئه۔۔۔۔۔۔