پهرين نومبر 2013 تي سنڌ فنڪار ويلفيئر ٽرسٽ ۽ حڪومتِ سنڌ جي ثقافت کاتي پاران نيشنل ميوزم جي آڊيٽوريم ۾ ٻئي سنڌ ايڪسيلنس اوارڊ جي تقريب منعقد ٿي۔ ان تقريب ۾ فن ۽ فنڪارن سان گڏ فن ۽ ثقافت لاء خدمت ڪندڙن کي به اسپيشل ايڪسيلنس اوارڊ ڏنا ويا۔ سنڌ سلامت ڊاٽ ڪام کي سنڌي ٻولي جي ترقي، ثقافت جي خدمت ۽ فن جي خدمتن عيوض مڃتا طور سنڌ ايڪسيلنس اوارڊ 2013 ڏنو ويو۔
اهو اوارڊ سنڌ سلامت جي مينيجنگ ايڊيٽر محمد سليمان وساڻ وصول ڪيو جڏهن ته ان موقعي تي سرپرست اعلى سائين نثارناز پڻ موجود هيو، ان سان گڏ سنڌ سلامت جا ڪيترائي ميمبر جن ۾ ذوالفقار بهڻ۔ آصف جهتيال، امين سمون، غلام مرتضى وساڻ، ارباب جانوري پڻ موجود هيا۔
سنڌ سلامت جي سموري سٿ کي هن اوارڊ ملڻ تي واڌايون پيش ڪجن ٿيون۔اصل ۾ هي اوارڊ سنڌ سلامت جي سموري ميمبرن جو آهي جيڪي ٻولي جي خدمت ۾ پيش پيش آهن۔ مان ٿورائتو آهيان فورم جي سرواڻ ذيشان رشيد جو جنهن هر پل فورم کي سنوارڻ لاء پنهنجو پاڻ ارپيو آهي۔ نه صرف اهو پر سنڌ فنڪار جي ويب سائيٽ ٺاهي سنڌ سلامت پاران کيسن تحفو پيش ڪيو آهي۔
اسان جي منزل ڪو اوارڊ ناهي پر اسان جو عزم آهي ٻولي جي خدمت ۔۔۔ اميد ته سڀ دوست ان ڪم ۾ پنهنجون ذميواريون ادا ڪندا رهندا۔
