ڇا اوهان هن جوڳيءَ کي سڃاڻو؟ ///////////////////////////////////////// هي هن ڀلاريءَ ڀونءِ جو اهو فنڪار آهي، جيڪو پنهنجي فن جي ڪري ڏيهه توڙي پرڏيهه ۾ مڃتا ماڻي چڪو آهي، ڄام شوري ۽ سنڌ يونيورسٽيءَ ۾ شاگردن ۽ عام ماڻهن کي 100 روپين ۾ اسڪيچ ٺاهي ڏيڻ جي آڇ ڪندڙ هن مصور گهراڻي جي فرد جو مذاق اڏائيندڙ ماڻهن کي اها خبر ئي ناهي ته فن جڏهن ردي پنن جيان وڪامندو آهي ته فنڪار ائين دربدري جو شڪار ٿي جوڳين جيان رلندا آهن. پنهنجي پٽ سوڀاري جي شهادت جو ذڪر ڪندي لڙڪ لاڙيندڙ هن آرٽسٽ جي اندر جا اڌما چانهه جو ڪٽُ پياريندڙ مسخري باز ماڻهو ڇا ڄاڻن. هي آهي.... ساقي عالم ابڙو سنڌ جي ناليواري آرٽسٽ گهراڻي محمد عالم ابڙي جو اولاد. طارق عالم ابڙي جو ڀاءُ. خدارا....! ڪجهه قدر ڪريو پنهنجي املهه هيرن جو، هي عالمي شخصيت بڻجڻ جهڙا ڪردار اسان وٽ فقيرن جهڙي زندگي پيا بسر ڪن، ڇا اها انتها ناهي اسان جي ناقدري جي؟؟؟
اسان جي اجتماعي حالت ڏسندي آئون اوهان کي پڪ ٿو ڏيان ته هن فنڪار جي مرڻ جو اسان کي افسوس ٿيندو ۽ سندس فن جي قدر جي نگاهه سان ڏٺو ويندو۔۔ باقي جيئري آسرو نه ڪجو
