ڪمال اتا تُرڪ-هڪ تاريخ هڪ ڪمال (ورسي جي مُناسبت سان)1881-1938 اڄ کان لڳ ڀڳ اٺ ڏهايون اڳ هِن ڏينهن تي هي دنيا ڇڏي ويندڙ ڪمال اتا تُرڪ ويندي ويندي هِن دنيا جي اهم ترين خطي (يورو ايشيا جي جوڙ) تُرڪي کي جديد رنگ ڏيئي ويو. 1881ع جي شروع جي مهينن (سندس ڄم جي تاريخ ۽ هنڌ مستند ناهي) ۾ هڪ فوجي علي رضا آفندي جي گهر ۾ جنم وٺندڙ هي فوجي جوان نه رڳو هڪ فوجي هو پر هن سياست ۾ به حصو ورتو ۽ جمهوري پيپلز پارٽي سان واڳيل رهيو. هن گرئجوئيشن مڪمل ڪندي ئي پنجين رينڪ تي فوجي عهدو سنڀاليو ۽ لڳاتر ترقي ڪندو اڳتي وڌندو ويو. 1919ع ۾ ترڪي جي قومي آزادي تحريڪ جو روههِ روان بڻجي اُڀريو جڏهن پهرين جنگِ عظيم عروج تي هئي. انهيءَ دؤر ۾ هن با همت فوجي دنيا جي تاريخ ۾ پنهنجو نالو لکرايو جڏهن هن جي سرواڻي ۾ ترڪي جي فوج 1920ع ۾ سندس مُلڪ جي سڀني حمله آورن کي منهن ٽوڙ جواب ڏنو. هي مسلسل ڪاميابيون حاصل ڪندو رهيو ۽ جيڪي به هن جي مُلڪ کي ميري اک سان ڏسي رهيا هئا تِن خلاف وڙهيو ۽ فتح حاصل ڪيائين. جڏهن عُثمانيه خاندان جوزور ٽٽو، جنهن جي اثر هيٺ هي خطو لڳ ڀڳ ڇهه صديون رهيو، ته هنهن انهيءَ جي خاطمي تي 1923ع ۾ تُرڪي جمهوريه جو بنياد رکيو. هن جنهن گورنمنٽ جو آغاز ڪيو اُها حقيق معنى ۾ عوامي نمائنده گورنمنٽ هئي.هن جي انهيءَ ڪارنامي تي کيس ترڪي جي پارليامينٽ پاران 1934ع اتا تُرڪ جو خطاب مليو جنهن جي معنى آهي “قوم جو ابو”. کيس انهي ايوارڊ ڏيڻ سان گڏ اهو به طئي ٿيو ته اهو ايوارڊ ڪڏهن به ڪنهن ٻي کي نه ڏنو ويندو. سندس ڪوششن سان جيڪو جديد ترڪي ٺهيو تنهن وقت سان گڏ وڏي ترقي ڪئي. ۽ لڳ ڀڳ سؤ سيڪڙو مسلمان هوندي به هي مُلڪ سيڪيولر رهيو. هر ڪنهن جي حقن جي ڳالهه نه رڳو ڪئي وئي پر اُنهيءَ تي عمل به ٿيو. توڙي جو مذهبي بنيادن تي هي مُلڪ عوام ۽ حڪومت جي چاهڻ باوجود يورپي يونين جو حصو نه ٿي سگهيو آهي پر هنن علم و عمل سان مُلڪ کي جتي پُهچايو آهي ته ڪنهن به لحاظ کان يورپ کان گهٽ نه ٿو لڳي. اڄ جڏهن سندس ورسي جو ڏينهن آهي ته جديد تُرڪي وارا تُرڪ سندس سلامي آهن.
ترڪي جا ڊراما ڏسي حيرت ٿيندي آهي ته ڇا هي اسلامي ملڪ آهي۔۔۔ عثمانيه سلطنت جي عظيم سلطان ”سليمان“ جو ڊرامو هاڻي به مان موڪلن دوران ڊائونلوڊ ڪري ڏسندو آهيان ۔۔۔ جنهن کي ڏسي ترڪي جي عزم ۽ جلال جي تاريخ وائکي ٿي ويندي آهي۔۔۔ ڪمال اتاترڪ بابت ننڍپڻ کان ئي نصابن ۾ پڙهندا پيا اچون۔۔۔ سندس جيڪا جواني جي تصوير توهان لڳائي آهي ۔۔ سا شايد ڪنهن به لرا (ترڪي ڪرنسي) ۾ ناهي۔۔۔ سندس تصوير ئي سندس ڪامياب انسان هجڻ جو نمونو ڏسي ٿي۔۔۔ سندس ڏينهن تي سٺي ڀيٽا۔۔۔ اميد ته ترڪيء بابت ننڍا ۽ وڏا دلچسپ واقعا ۽ تصويرون ڏسيندا رهندو ۔۔۔ مهرباني
ترڪي وڃڻ جو اوهان تي هڪ اثر اهو به ٿيو ته اوهان ترڪي بابت هاڻي کان ئي لکڻ شروع ڪيو۔ ترڪي اڳ به اسلامي دنيا لاء اهم رهيو آهي جو سلطنت عثمانيه ۽ ان لاء ٿيندڙ تحريڪون نصابي ڪتابن ۾ به پڙهندا اچون۔ ڪمال اتا ترڪ کي جس آهي جو جو هڪ غلام قوم کي ان قابل بڻايائين جو اڄ هو ترقي جي راهه جي بلندين تي آهي۔
