ڪجهه وقت اڳ بي بي سي اردو تي هڪ دلچسپ آرٽيڪل پڙهڻ لاءِ مليو۔۔ سوچيم پئي ته دوستن سان به شيئر ڪندس پر مصروفيت ڪري ترت نه لڳائي سگهيس پر جيئن ته آرٽيڪل جي مزي جو سواد باقي آهي ان ڪري شيئر ڪجي ٿو۔۔۔ هڪ تير سان ٻه شڪار۔۔۔ مڪمل خبر ته آرٽيڪل ۾ ئي آهي پر مختصر ته هاڻي هندستان ۾ هڪ شخص کي ڇڏي باقي سمورا سڀني جا ڏينهن ڦرڻ وارا آهن ۔۔۔ غريب امير ٿي ويندا ۽ امير افسوس ته امير ئي رهندا۔۔۔ ڇو ته هڪ ساڌو خواب ۾ ڏٺو ته مندر جي هيٺان هڪ هزار ٽن سون پوريل آهي ۔۔ ان ڳالهه تي يقين ڪندي حڪومت کوٽائي به شروع ڪري ڇڏي ۽ حيرت آ ته ان خزاني جا دعويدار به پيدا ٿي ويا آهن۔۔۔ پوري دنيا ته نه پر ڪجهه ماڻهون اها خبر ٻڌي کلي رهيا آهن۔۔۔پر سندن کل ان وقت رڪجي ويندي جڏهن سون نڪرڻ شروع ٿي ويندو۔۔۔ خواب جو سوداگر۔۔ فلم اسٽار اڪشي کنا جو نالو ته توهان ٻڌو ئي هوندو۔۔ هڪ شخص ان کان پندرهن ڏينهن ۾ رقم ٻيڻي ڪرڻ جو وعدو ڪيو ته اڪشي کيس پنجاهه لک روپيه ڏئي ڇڏيا۔۔۔ هاڻي اهو شخص پئسا واپس ڪرڻ لاءِ کان انڪاري آهي۔۔ اڪشي کي خوش هجڻ گهرجي جو هاڻي گهٽ ۾ گهٽ ان شخص جو خواب ته پورو ٿي ويو۔۔ ڇو ته ممڪن آ کيس سمجهڻ ۾ ڏکيائي ٿي هجي ۽ متان هن شخص رڳو پنهنجي رقم کي ٻيڻو ڪرڻ جو دعوو ڪيو هجي نه ڪي رقم واپس ڪرڻ جو۔۔۔ نوٽن جو بستر هڪ مقامي رهنما کي پارٽي مان ڪڍيو ويو۔۔ ليڊر جو قصور صرف ايترو هو جو هو نوٽن جي بستر تي ستو هو۔۔۔ ثمر آچارگي نالي ان رهنما جو چوڻ آهي ته هن پنهنجي بينڪ مان ويهه لک روپيا ڪڍرايا هيا ته جيئن هو نوٽن جي بستر تي سمهي پنهنجو خواب پورو ڪري۔۔۔ ڪمال آ جيڪڏهن اتان جي حڪومت به عجيب آ۔۔۔ جيڪڏهن خواب ڏسڻ تي پابندي ناهي ته خواب کي پورو ڪرڻ تي سزا ڪيئن ٿي ڏئي سگهجي۔۔۔۔ ڪنهن صحيح چيو آ ته ”هتي پاڳلن جي گهٽتائي نه آهي۔۔۔ هڪ ڳوليو ته هزار مليو وڃن“۔۔
