ڊاڪٽر ذوالفقار سيال جي ڪتاب سنڌي شاعريء جو سفر جي مهورتي تقريب

[سليمان وساڻ]

سنڌ ڪلچرل ايسوسيئيشن پاران آرٽس ڪائونسل جي سهڪار سان نامياري شاعر ذوالفقار سيال جي تحقيقي ڪتاب سنڌي شاعريء جو سفر جي مهورتي تقريب 13 ڊسمبر 2013ع تي آرٽس ڪائونسل ڪراچي جي منظر اڪبر هال ۾ منعقد ڪئي پئي وڃي۔ دوستن کي شرڪت جي دعوت ڏجي ٿي۔

 

[ممتاز علي وگهيو]

ناسي نيڻن وارا ماڻهو، ڳاڙهن ڳلڙن وارا ماڻهو ​

جيءُ اسان جو جهوري ويا هن، ڪيڏا پيارا پيارا ماڻهو​

ذوالفقار سيال نالي وارو شاعر آهي. هو ۲۸ مئي ۱۹۵۷ع تي ڳوٺ فريد آباد، تعلقي لاڙڪاڻي ۾ ڄائو. هن ابتدائي تعليم لاڙڪاڻي مان، انٽر حيدرآباد مان ۽ ايم بِي بِي ايس لياقت ميڊيڪل ڪاليج (ايل ايم سِي) ڄامشوري مان ۱۹۸۱ع ۾ ڪئي. هُو چانڊڪا ميڊيڪل ڪاليج ۽ ايل ايم سِي ۾ آر ايم او، جناح اسپتال ڪراچيءَ ۾ ميڊيڪل آفيسر ۽ چانڊڪا اسپتال جو ميڊيڪل سپرنٽينڊنٽ ٿي رهيو، جنهن بعد ۱۲ سال ڪراچيءَ جي سول اسپتال ۽ جناح اسپتال ۾ ائڊيشنل پوليس سرجن رهيو. هينئر ڪراچيءَ ۾ مقرر آهي.
ذوالفقار سيال ڪالم نويس پڻ آهي. هن شاعريءَ ۾ گيت، غزل، بيت، دوها، هائيڪو ۽ آزاد نظم ليکا آهن ۽ ٻاراڻي شاعريءَ جا پڻ ڪيئي ڪتاب سرجيا آهن. سندس شاعريءَ جي ڇپيل ڪتابن جا نالا هن ريت آهن:رڻ سڄو رت ڦڙا، مکڙين مالها. ڳاڙها هٿ پيلا چهرا،منهنجي ديس جا ٻار، گلڙن جهڙا گيت، لفظن جا رانديڪا، بارش کان پوءِ، اکر اکر سرهاڻ ۽ چهرا چنڊ گلابن جهڙا.
هُو سنڌي ادبي سنگت سنڌ جو ٻن سالن (۲۰۰۷-۲۰۰۵) لاءِ جنرل سيڪريٽري ۽ ان کان اڳ مرڪزي خزانچي رهيو. هو هڪ روزاني سنڌي اخبار جي ادبي صفحي جو انچارج آهي. سندس مستقل رهائش ڳوٺ ۾ آهي.(رياضت ٻرڙو )

​

سنڌي ٻوليءَ جو مشهور شاعر ذوالفقار سيال جي نئين ڪتاب ”لفظن جا رانديڪا“ جو مهورت، جي رپورٽ

ناليواري شاعر ڊاڪٽر ذوالفقار سيال جي نئين شعري مجموعي” ماڻهواُجرا رستا ميرا” تي اڀياسي رپورٽ​

 

[سليمان وساڻ]