امام محمد غزالي رح جو قول آهي ته رزق جو دارومدار نه عقل تي آهي نه علم تي، رزق پنهنجي نصيب جو ملندو آهي، اگر رزق عقل ۽ علم جي بنياد تي ملي هان ته هي جانور بکيا مري وڃن هان۔اسان پنهنجي بد قسمتي چئون، يا هن ڏاڏي قائم علي شاهه ( ٽيون ڀيرو سنڌ جو وڏو وزير ٿيندڙ ) جي خوشقسمتي چئون، يا جهڙي عوام اهڙو حڪمران وارو فارمولو چئون، ۔۔۔۔۔۔۔۔۔۔۔۔۔۔۔۔ جو اسان جي هن سون جهڙي سنڌ جي ماڻهن جي سورن ۽ تڪليفن تي ڪا تڪليف محسوس ٿيندي نظر نه ٿي اچي۔۔۔۔۔۔۔۔۔۔۔۔۔۔۔۔۔۔بس ڳالهه وڃي هن ڳالهه تي پهتي آهي هاڻ گهڻو ٿيو، گهڻي دهشتگردي برداشت ڪئي آهي ڪراچي ۾.... آخر مجبور ٿي سنڌ جي وڏي وزير کي بندوق کڻڻي پئي.... پوليس ۽ رينجرس به ٻوٽو ٻاري نه سگهي، پر هاڻ لڳي ٿو دهشتگردن کي ميدان ڇڏڻو پوندو. ڇاڪاڻ ته سنڌ جو وڏو وزير فل فليج نشاني بازي سکي ورتي آهي. هاڻ سمورا دهشتگرد ۽ ٽارگيٽ ڪلرز قائم شاهه جي نشاني تي آهن. متا ويا آهيو....
سونهاري سنڌ جو ٽيون ڀيرو وڏو وزير ٿيندڙ سيد قائم علي شاه صاحب جو مختصر تعارف سيد قائم علي شاه صاحب سنڌ جي تاريخي شهر خير پور ميرس ۾هڪ مڊل ڪلاس ۽ پڙهيل لکيل فيملي ۾ 1930ع ڌاري پيدا ٿيا. شروعاتي تعليم پنهنجي ڳوٺان حاصل ڪرڻ کانپوء ايل ايل بي جي ڊگري پڻ ايس ايم لا ڪاليج مان حاصل ڪيائون، پاڻ هڪپروفيشنل جي حساب سان وڪيل آهن، جناب ذوالفقار علي ڀٽو جي دور ۾پاڪستان پيپلز پارٽي ۾ شامل ٿيا، ۽ ء ڀٽو دور ۾ وفاقي وزير پڻ رهيا آهن، پاڻ پاڪستان پيپلز پارٽي سان واسطو رکن ٿا،سيد صاحب پاڪستان پيپلز پارٽي صوبه سنڌ جا صدر پڻ آهن،، سيد صاحب سنڌ جا ٻه ڀيراوڏا وزير رهي چڪاآهن۽ هي ٽيون ڀيري آهي، شاه صاحب کي چار پٽ ۽ ست نياڻيون آهن، ۽ سڀ جو سڀ تعليم يافته آهن،۽ تقريبن سڀ جو سڀ سرڪاري نوڪرين ۾ آهن، سندس وڏو پٽ سيد مظفر حسين شاه بلوچستان ۾ نوڪري ڪري رهيو آهي جيڪا ڪامورڪي پوسٽ آهي،سندس ٻيو پٽ لياقت علي شاه ڊاڪٽر آهي، سندس نياڻي نفيسه شاه هڪ تعليم يافته عورت آهي، ۽ ٻاهران ڊاڪٽريٽ ڪري آئي آهي،۽ سنڌ ۾ انساني حقوق جي حقن واري تنظيم لاء ڪم ڪري رهي آهي۔
جيڪو وهاڻي جي ٽيڪ تي بندوق هلائيندو سو واقعي سڀ دهشتگرد ان جي نشاني تي هوندا۔ اها ته سائين جي ڪرامت چئبي۔ بندوق جي مٿان هيڏي ساري دوربين لڳل آهي پر پوء به سائين جن کي ٻيو دوست اشاري سان ٻڌائي رهيو آهي ته ڀوتار هيڏي نه هوڏانهن نهار اهو ٿو وڃئي دهشتگرد توهان ته معصوم ٿا ماريو۔
ان ئي مناسبت سان شيخ سعدي رحمة الله عليه جي ڪتاب گلستان ۾ آهي اگر روزی به دانش در فزودی ز نادان تنگ روزی تر نبودی يعني جيڪڏهن روزي عقل ۽ دانش سان وڌي ها ته نادانن بي وقوفن کان دنيا ۾ ڪوبه وڌيڪ تنگ روزي وارو نه هجي ها ۔ پر ائين آهي ڪونه کوڙ سارا عقل مند تنگدست ڪافي بي وقوف مالدار ملن ٿا۔ بس قدرت جا عجيب ڪرشما آهن به نادانان چنان روزی رساند که دانا اندر آن عاجز بماند نادانن اٻوجهن کي اهڙي طرح روزي رسائي ٿو جو دانا ۽ چالاڪ حيرت ۾ آهن کيمياگر به غصه مرده و رنج ابله اندر خرابه يافته گنج ڪيمياگر تجربا ڪري ڪري غصي ۽ تڪليف ۾ مري ويا بي وقوف اياڻا ويراني مان خزانه هٿ ڪري ويا۔
ڪيمياگر تجربا ڪري ڪري غصي ۽ تڪليف ۾ مري ويا بي وقوف اياڻا ويراني مان خزانه هٿ ڪري ويا۔ سائين رحيم بخش ڏاهري صاحب توهان جون مهربانيون ۽ قرب جو توهان ڪجهه وڌيڪ معلومتا اسان تائين پهچائي۔ سائين ڪو وقت هو ته دادو ۾ اسان جو روحاني استاد ۽ دوست محترم سائين حافظ خليل احمد صاحب رح زندهه هوندا هئا ۽ سندس بيٺڪ تي وڃبو هو ته اتي شاهه عبدالطيف ڀٽائي، سچل سرمست، عبدالغفور همايوني، مولانه جلال الدين رومي، حضرت شيخ سعدي رحمة الله عليه ، ۽ حافظ شيرازي صاحب جي شاعري ٻڌڻ لاء ملندي هئي، ۽ حافظ صاحب انهن شعرن جو وري قرآن ۽ حديث جي روشني ۾ تشريح ڪري به ٻڌائيندا هئا۔ ٻڌائيندي ٻڌائيندي روئي ڏيندا هئا۔حافظ صاحب منهنجي دوستن مان بهترين دوست هئا۔ حافظ صاحب هڪ عالم اديب، محقق ۽ صوفي شخص هئا، سندس ڪچهري هميشه قائم ۽ دائم رهندي هئي، سندس بيٺڪ تي مهمانن لاء هميشه دادو جا مشهور پڪوڙا ۽ چانهن هلندي رهندي هئي، سندس ڪچهري ۾ دادو جا مشهور اديب ليکڪ، پڻ شريڪ ٿيندا هئا، جنهن ۾ سائين تاج محمد صحرائي ميمڻ صاحب، استاد بخاري صاحب، حاڪم علي شاهه بخاري، رئيس ضياءالدين بلبل۔ بشير سيتائي، مولوي نثار احمد صاحب، دادن فقير، مشهور شاعر ميهر فقيرلنڊ، مولوي رحيم بخش قمر لاکو، محسن ڪڪڙائي، آندل خان حليو،امام بخش گهرياڻي، سيد عبدالله شاهه سابقه وڏو وزير سنڌ شامل هوندا هئا، سنڌ جا مشهور عالم محقق اديب علامه غلام مصطفه قاسمي صاحب حافظ صاحب کي چوندا هئا ۔۔۔۔۔۔۔ انت بحر۔ ( توهان سمنڊ ) آهيو۔ياد رهي ته حافظ صاحب جي سوانح عمري تي مان ڪم ڪري رهيو اهيان انشاءالله سندس سوانح عمري هن سنڌ سلامت جي فورم تي پڻ ونڊ ڪئي ويندي۔ حافظ صاحب جوعنوان جي حساب سان چونڊ حديثن تي تمام وڏو ڪم ٿيل آهي ، جيڪو هڪ بياض جي صورت ۾ حافظ صاحب جي پوئرن وٽ محفوظ آهي۔ دعا آهي ته رب پاڪ سندس بشري خطائون معاف ڪري ۽ جنت الفردوس ۾ جايون عطاء ڪري آمين۔ حافظ خليل احمد صاحب جي سارين واري ڪارخاني تي هڪ يادگار تصوير
سائين مٺا معلومات ڪٿي به ونڊ ڪري سگهجي ٿي بس موقعو ملي ٿو ۽ ياد ۾ ڳالهيون تري ٿيون اچن ته لکي ٿا ڇڏيون شايد ڪنهن ان طرف شوق رکندڙ کي مزو ڏين۔ شيخ سعدي رحمه الله عليه به پنهنجي ڪتاب ۾ ڪافي خوشطبعي جي انداز ۾ نصيحتون لکيون آهن سندن چوڻ آهي ته مان نصيحت جي ڪڙي دوا مزاح جي مٺاڻ ۾ ملائي پيش ڪرڻ جي ڪوشش ڪندو آهيان۔
سائين مٺا پسند ڪرڻ جي مهرباني توهان جي اصرار تي هڪ فارسي بيت جي وضاحت ڪندي مون ڪافي وقت صرف ڪيو ليڪن اوهان شايد پڙهيو به ڪونه ۽ نه ئي وري هيٺان ڪجهه هڪ سٽ جيترا پسند يا نا پسند جا ڪمينٽ لکيا۔ اسان کي مضمون نويسي جو ڏانء ڪونهي ان ڪري مڙئي لکڻ کان پاسو ڪندا آهيون۔
