ڊسمبر تو جيان آهي .... (نظم)

[شاهجهان سُميل]

ڊسمبر تو جيان آهي(نظم)

وفا ساڳي، جفا ساڳي
اسان کي درد بخشڻ جي
ادا ساڳي، سخا ساڳي
رڳو هڪ مان ئي ناهيان پر،
چيو ساري جهان آهي
ڊسمبر تو جيان آهي

پکين جو شور ڀي ناهي
هوا جو زور ڀي ناهي
صفا خاموش تو وانگي
ڊسمبر ٿو لڳي مونکي
لکي مان ڇا لکان آهي
ڊسمبر تو جيان آهي

هميشه سرد موسم ۾
اچڻ تنهنجو ملڻ تنهنجو
گهڙي کن گڏ رهڻ تنهنجو
ايئن مهمان ٿو ڏسجي
ڊسمبر ڇا چوان آهي
ڊسمبر تو جيان آهي
ڊسمبر تو جيان آهي

شاعري؛ شاهجهان سُميل

 

[عبيد ٿھيم]

ٻهترين ادا، خوبصورت شاعري

 

[سليمان وساڻ]

وري آ جنوري جانان ۽ هاڻي وري ڊسمبر تو جيان آهي ۔۔۔۔۔

لاجواب شاعري، اسان جي نمائندگي، ڊسمبر ۾ سيء جو انتظار ڪندي واهه جو سيءُ پيو ۔۔۔

 

[MUHAMMAD ASIF BROHI]

سائين بهترين

 

[شاهجهان سُميل]

قرب دوستن جا ۽ ادا سليمان اسانجي ڪچي ڦڪي تخليق کي اوهان جي رنگن رنگي ڇڏيو