غزل ۔۔۔۔۔اياز گل

[شاهين لطيف ، سنڌي ،]

فرضُ پنهنجو ادا ڪندو ٿو رهي
دوستُ آهي دغا ڪندو ٿو رهي

تُهمتون هُن ڇڏيون وِرهائي سڀ
نيڪ آهي، سخا ڪندو ٿو رهي

زندگي چار ڏينهنَ، مگر انسان
روزُ ڪيڏا خفا ڪندو ٿو رهي !

هُو خدا ناهي، پر اُنهيءَ وانگي
اَڻ گُهري ئي، عطا ڪندو ٿو رهي

لوڪُ پٿر، وري وري ٿو وَسي
هُو دُعا آ، دُعا ڪندو ٿو رهي

ماٺِ جي شهرَ ۾ اَڃا تائين
ڪو مسافر صدا ڪندو ٿو رهي

 

[مهراڻ ڪٽپر]

فرضُ پنهنجو ادا ڪندو ٿو رهي
دوستُ آهي دغا ڪندو ٿو رهي

 

[وهاب جروار]

لوڪُ پٿر، وري وري ٿو وَسي
هُو دُعا آ، دُعا ڪندو ٿو رهي
وهوا بهترين