روشن تارا اسڪول سچل ڳوٺ، ڪراچي ۾ ثقافتي ۽ سائنسي سرگرمين جو هفتو ملهايو ويو.
روشن تارا اسڪول سچل ڳوٺ، ڪراچي ۾ ثقافتي، تعليمي ۽ راندين جي سرگرمين جو هفتو ملهايو ويو. ان موقعي تي شاگرن سنڌ جي روايتي راندين ملهه، ڪوڏي ڪوڏي، ونجهه وٽي جي مقابلن ۾ حصو ورتو. ان سان گڏ شاهه لطيف بابت سوالن جوابن جا مقابلا، لطيف جي بيتن جا مقابلا، تقريري مقابلا ۽ ان سان گڏ سائنسي تجربن سان گڏ ماڊل ٺاهي سائنسي ڄاڻ ڏني.
شاگردن جي بهترين ڪارڪردگي تي کين ايوارڊ، سرٽيفڪيٽ ۽ نقد انعام پڻ ڏنا ويا. تقريب ۾ روشن تارا اسڪول جي شاگردن، والدين، استادن، اسڪول انتظاميه، سنڌ گريجوئيٽس ايسوسيئيشن جي عهديدارن ۽ ميمبرن، اديبن، شاعرن ۽ علائقي جي معززين پڻ شرڪت ڪئي. ان موقعي تي سگا گهوٽڪي جي جنرل سيڪريٽري رئوف پارس دايو، روشن تارا اسڪول گهوٽڪي جي چيئرمين ڊاڪٽر محمد نواز ڪلوڙ، ڊاڪٽر اسحاق انصاري، پروفيسر رخمان گل پالاري، روشن تارا اسڪول جي چيئرمين تاج محمد وساڻ، پروفيسر علي انور بالادي، ڪرم الاهي چنا، محمد سليمان وساڻ ۽ ڊائريڪٽر انفرميشن ثناء الله راڄڙ کٽندڙ شاگردن ۾ انعام ورهايا ۽ پنهنجي خيالن جو اظهار ڪيو.
شاگردن پاران پيش ڪيل سائنسي ماڊل ۽ انهن بابت ڄاڻ سچ ته تمام گهڻو حوصلا افزا رهي ۽ اها اميد پيدا ٿي ته سنڌ ۾ ٽيلنٽ جي ڪا کوٽ ڪانهي ۽ اها اميد وري پيدا ٿي ته سنڌ جا نوجوان دنيا ۾ پاڻ ملهائي اسان جي سنڌ کي سرخرو ڪندا۔
سگا گهوٽڪي پاران شاگردن لاء ڪيش انعام به ڏنو ويو۔ ان موقعي تي شاگردن پاران پيش ڪيل، موسيقي، ٽيبلوز ۽ لطيفن ماڻهن جي منهن تي مرڪون وکيريون۔
